|
Volgende Erediens: Sondagoggend 8:30 en 10:30 te 1 Kommetjieweg, Vishoek en 8:30 te Lakeside
|
|
A2J Uitreik na Sutherland |
23 Junie – 1 Julie 2012
 A2J staan vir Addicted to Jesus – die leuse van die jeug van die Vishoek NG Gemeente. Die span entoesiastiese jongmense maak alweer reg vir hulle volgende uitreik, die keer na Sutherland!
Maar eers ‘n bietjie geskiedenis oor A2J en die uitreikprogram:
Die gemeente het met die A2J jeugaksie afgeskop in 23 Oktober 1999. Daar is besluit om die jeug die geleentheid te gee om betrokke te raak by ander, minderbevoorregte gemeenskappe deur middel van ‘n uitreikaksie gedurende die winter skolevakansie. Die eerste uitreike was na Worcester in 2000 en 2001.
Daarna was uitreike onderneem na die volgende dorpe:
2002 en 2003 - Fraserburg
2004 en 2005 - Brandvlei
2006 en 2007 - Loeriesfontein
2008 en 2009 - Tulbagh
2010 en 2011 - Fraserburg
|
|
|
Die gedagte om Moeders op 'n spesiale dag te herinner net hoe spesiaal hulle eintlik is, het alreeds in die antieke tyd ontstaan en is deesdae 'n instelling reg oor die wêreld. En met goeie rede, want moeders is baie spesiale wesens wat ons liefde dubbel en dwars werd is.
Wie onthou bv. nie die pragtige verhouding van Naomi en haar skoondogter Rut nie? En was die geloof, waagmoed en inisiatief van Moses se ma nie iets wat mens verstom nie? Hoeveel moeders dwarsdeur die eeue het nie geskroom om hulle eie lewens te gee vir dié van hulle kindertjies nie. En wie se hart word nie seer as ons 'n siek kindjie sien nie?
Laat ons in hierdie tyd en ook in die dae en maande vorentoe die moeders eer en liefhê vir alles wat hulle vir ons doen en opoffer.
|
|
Stephan Joubert
In byna elke koerant is daar ’n berig van nóg iemand in ’n leiersposisie wat om al die verkeerde redes die koerant haal. Die verskonings wat hulle vir hulle optrede aanbied as hulle uitgevang word, is om van te huil. En Christene is nie hiervan gevrywaar nie. Koerantopkrifte basuin dit graag uit as gelowiges voete van klei het.
Met al die korrupsie rondom ons, is integriteit van groot belang.
Iemand het die volgende kort definisie daarvan gegee: Integriteit is om goed te wees as niemand jou dophou nie.
Die woord “integriteit” beteken letterlik iets soos “heelheid”. Om integriteit te hê, of om iemand met integriteit te wees, beteken jy is „n persoon uit een stuk. Jy is eg en opreg, eerlik. Hoe sê ons? “What you see, is what you get”. As jy vir ander ’n voorbeeld wil wees, moet jy elke oomblik met integriteit leef Die bekende Stephan Joubert skryf oor : Integriteit – dit gebeur veral in al daardie lewensbelangrike keuses waarvoor jy daagliks te staan kom waarvan niemand anders weet nie.
|
|
|
As Christenskap maklik was |
|
As jy vir my sou vra hoe maklik dit is om getroud te wees, sou ek sê: dis die maklikste ding op aarde. Vir my. Dertig jaar van volmaakte huweliksgeluk met ‘n wonderlike vrou en wonderlike kinders. Dis maklik om getroud te wees met my sielsgenoot, my beste vriend en my kollega.
As jy my sou vra hoe maklik dit is om in my eie onderneming te werk, sou ek sê: baie maklik. Ek verstaan die bedryf, ek verstaan my kliënte se behoeftes, ek doen dit al vir jare en dit werk.
As jy my sou vra hoe maklik dit is om die lewe te geniet en voluit te lewe, sou ek sê: dis maklik. Ek geniet alle fasette van my lewe, ek het pret, ek doen lekker dinge en ek maak alles daarvan wat ek kan.
Maar... as jy my sou vra of dit maklik is om ‘n Christen te wees, dan begin daar ‘n tweestryd in my gedagtes. Christenskap is vir my nie nét maklik nie. Ek sien rondom my mense wie se geestelike lewens ek werklik begeer. Mense wat in alle opsigte opreg en baie naby aan die Here lewe. Ek ken mense wie se lewens so gefokus is op God, dat niks hulle van stryk bring nie. Ek wil hulle eintlik “super-Christene” noem. Ek bely dat ek nie een is nie en dat ek dit nie regkry om altyd voluit op die Here te fokus en te vertrou nie.
|
|
Sal Diere In Die Hemel Wees? |
|
Daar is geen twyfel dat diere in die Hemel sal wees nie.
Die Bybel is baie duidelik:“Toe het ek gesien die Hemel is oopgemaak. En kyk! Daar verskyn ’n wit perd…” - Openb 19:11.
Die Bybel beskryf die engele om God se troon met trekke en eienskappe van ’n leeu, ’n bul en ’n arend (Esegiël 1). In die Woord word God vergelyk met ’n leeu, luiperd, beer (Hos 13:7-8) en ’n arend (Deut 32:11). God het die aarde perfek en goed gemaak, bewoon deur baie diere. God het Adam aangesê om die diere name te gee – en dit dui op ’n verhouding.
Skepping aanbid die Skepper
Die grootste Bybelboek – in die middel van die Bybel – Psalms, openbaar dat die hele Skepping met God kontak het (Psalm 93).
Al God se skepsels prys Hom. “Prys die Here vanuit die aarde: seemonsters en die diep waters, weerlig en hael, sneeu en miswolke, stormwind wat Hom gehoorsaam, berge en alle heuwels, vrugtebome en alle seders, wilde diere en al die lewende hawe, kruipende diere en voëls…Laat hulle die Naam van die Here loof. Want Sy Naam is verhewe. Sy majesteit is bo die aarde en die Hemel.” Ps 148:7-13. “Laat alles wat lewe, die Here loof!” Ps 150:6.
|
|
|
|
|
|
NGVishoek artikels