Volgende erediens: Sondagoggend om 09:00 te 1 Kommetjieweg.
Lewendige videouitsending:Sondagoggend om 09:00.
Ons bankbesonderhede kan HIER gekry word.
|
|
Wat Is ʼn Christelike Reaksie? |
|
Nico Bougas
Gedurende die afgelope paar weke is Suid-Afrikaners aangegryp deur die gebeure wat in ’n hofsaal in Pretoria afgespeel het tydens een van die mees dramatiese verhore in Suid-Afrikaanse geregtelike geskiedenis.
Binnekort sal daar uitspraak gegee word oor hierdie ‘media-deurdrenkte’ saak. Ek het eenkeer ’n telefoniese onderhoud met Oscar gevoer en gevind dat hy ’n hoflike, welbesproke en vriendelike persoon is. Ek weet ook van ander mense wat persoonlik met hom bevriend is en met waardering van hom praat. Ek hoop, en wil glo, dat hy onskuldig is en dat dit alles ’n tragiese fout was.
|
|
As ek klaar vertel het van Jesus ... |
Charl Bredell
“... hoop ... vestig ... op God wat alles ryklik aan ons gee om te geniet.” (1 Timoteus 6:17)
As ek klaar vir iemand van Jesus vertel het, wat Hom dan ingenooi het in sy lewe, wat dan? Gewoonlik volg daar dan in evangelisasie ‘n lysie van doen-dinge om te kan groei as Jesus-mens, dinge soos bid, Bybel lees, kerk toe gaan en getuig.
Die verkeerde gevolge hiervan is dat nuwe Jesus-mense nie altyd so maklik hierdie lysie doen-dinge regkry nie en dan van vooraf met skuldgevoelens lewe. Hierdie lysie word nuwe godsdienstige reëls wat nagekom moet word, anders is jy net weer in die moeilikheid by God.
|
|
|
Ons is nie veronderstel om die eind–verbruikers van God se krag te wees nie |
Stpehan Joubert
Paulus sê dat God se krag in werking kom wanneer mense swak is (2 Kor 12:9). Dit sal nie sin maak vir baie mense in vandag se kerk nie — hulle assosieer krag met alles behalwe swakheid! Wel, dit het selfs vir Paulus ’n paar gebede gekos voor hy uiteindelik werklik God se krag in die lewens van sy kinders kon begryp.
Hy het ’n baie suksesvolle bediening gehad tot die tyd toe hy 2 Korintiërs geskryf het. Hy het kerke reg oor die Romeinse Ryk geplant; hy het gehelp om die teologie van die vroeë kerk te definieer en die vorm van die kerk in die algemeen bepaal.
|
|
GEBEDSVERSOEKE VIR DIE WEEK
Kolossense 3: 15(b) en 16(b)
"Wees altyd dankbaar. Met dankbaarheid in julle harte moet julle psalms, lofgesange en ander geestelike liedere tot eer van God sing."
- Ons raak so maklik vasgevang in ‘n groef en negatiewe invloede van oral wat neig om ons bitter te maak. Dit is belangrik dat ons met dankbaarheid in ons harte en in diepe afhanklikheid van ons Hemelse Vader leef.
- Kom ons dink hierdie week aan alles waarvoor ons dankbaar kan wees en se dankie vir al die gawes wat ons uit Sy hand ontvang.
- Kom ons loof en prys Hom (met lofgesange en geestelike liedere).
|
|
A2J Uitreik: Loeriesfontein Deel 2 1-2 Julie 2014 |
|
Dinsdag
"Saluut!" word ons gegroet deur Loeries se kinders met hul pinkies in die lug. – Ons groet op die uitreik, want al is 'n pinkie klein, maak hy jou hand "sterk" as jy iets vas vat. Probeer gerus om iets vás te vat terwyl jou pinkie nie deel van jou vuis is nie. So is ons sterk saam met God, al is ons klein.
Die instandhoudingspan is hard aan die werk by die sportsaal waar ons lessies aanbied waar 'n netbal paal opgesit is, 3 deure gehang is, 'n trellie door op is en krake in die mure opgevul is. Verder is ook 10 buisligte vervang.
By die kleuterskool is die wipplank wat ons saamgebring het gemonteer en HELDER geverf, nuwe swaaie gehang en ook die klimraam nuwe lewe gegee met 'n laag verf. Dit was nie lank voor die eerste kinders dit kom uittoets het nie!
Ondertussen is hulle ook besig om rakke in te sit met nog 'n lang lys wat ons graag gedoen wil kry voor ons teruggaan.
|
|
|
Die Gelykenisse van die Koningkryk (9#9) |
Jasper van der Westhuizen
Hierdie is ʼn vertaling en verwerking van die werk van Dr Arnold G. Fruchtenbaum Ph D Teologie. Van my eie kommentaar is ook hier en daar bygevoeg.
Om al die gelykenisse te kan verstaan, moet ʼn mens die eerste een kan verstaan. Die eerste gelykenis is die sleutel tot die ander. Mar 4:13 En Hy sê vir hulle: Begryp julle nie hierdie gelykenis nie? En hoe sal julle al die gelykenisse verstaan?
|
|
A2J Uitreik: Loeriesfontein Deel 1 28-30 Junie 2014 |
|
 Ons kom op 'n uitreik met baie beplanning en 'n afwagting, maar eintlik weet ons nie wat voorlê nie. Dan hoor ek die blinde vir wie Jesus vra, "Wat wil jy hê moet ek vir jou doen?" ..."Rabboeni, dat ek kan sien". So ons bid "dat ons kan sien", "dat ons kan hoor" - wat God sien, wat God hoor.
Saterdag
Elke jaar is daar meer en meer wat mense gee sodat ons weer aan ander kan gee, waarmee ons kan herstel en 'n verskil kan maak in mense se lewens. Die pakkery is egter een groot proses.
Die keer is die eerste gedeelte al die Vrydagaand gelaai, sodat ons nie te laat hoef te ry nie. Loeries, hier kom ons!
|
|
A2J Uitreik: Loeriesfontein, Deel 4 5-6 Julie 2014 |
|
Na so 'n week weg, is dit moeilik om te beskryf wat jy alles ervaar het. Ook omdat jyself nog nie kans gehad het om daaroor te dink nie. Hoor elkeen se storie, luister in geloof en verheerlik Hom wat ons almal stuur.
Saterdag
Die vrouetee is altyd 'n besondere geleentheid vir die dames. Vrydagaand het Desire en Tarina die meisies opgelei om naels te verf en hoe om grimering te doen, terwyl die manne Frozen by die DVD aand gekyk het.
Die seuns was baie gewillig om ook as proefkonyne te dien toe hul laataand teruggekom het. Gabie het gesorg vir pragtige versierings vir die VGK saal en dit was 'n spoggerige geleentheid.
|
|
|
|
|
|
