‘Jesus’ is terug en hy is ’n Australiër



Nie net is hy Jesus nie, sê ­Miller, sy meisie, Mary Luck, is Maria Magdalena, wat deur talle beskou word as die belangrikste vrou in die Nuwe Testament naas Maria, die moeder van Jesus. 

Miller, ’n pa van twee kinders, sê sy eerste huwelik het verbrokkel toe hy besonderhede van sy inkarnasie begin onthou het. 

Sy preke lok nou mense van heinde en ver en hy versprei sy woord wêreldwyd deur DVD’s, die internet en persoonlike optredes. Miller bedryf sy godsdiensbeweging, die Divine Truth, uit sy huis op die dorp Kingaroy in die Australiese staat Queensland, waar hy sedert 2007 woon. 

Louise (Luli) Faver (39), ’n voormalige Britse neurochirurg, het haar loopbaan opgesê en hierheen getrek om naby dié Jesus te wees. 

George Hamel, nog een van sy dissipels, het sy vrou, kinders en ondernemings in Kalifornië agtergelaat om “Jesus” te gaan volg. Sowat 30 volgelinge het die meeste van die grond rondom Miller se huis opgekoop. 

“Dis wonderlik om omring te wees deur mense wat verstaan waardeur jy gaan – die swarigheid van omgaan met al die emosionele dinge – en wat nie dink jy is gek nie,” sê Miller.

En nee, ontken hy, hy het nie die beweging begin om geld te maak nie, maar skenkings “is welkom, dog nie verpligtend nie”.

Bron:  Rapport.co.za

NGVishoek: Ds. ( dominee ) Martin Barnard.