MANNEKAMP, 25 – 27 FEBRUARIE 2011

Die skrywer Christiaan Bakkes, wat al etlike safari’s in Afrika gelei het, sê: “Elke ou agter op my Land Rover het sy eie storie.” So het ons manne ook elkeen ons eie storie gehad. En wat ‘n opebaring! Die ooreenkoms met Bakkes se mense op sy Land Rover was daar, maar by ons kampmanne was daar soveel meer; eintlik ‘n dieper gesprekvoering, want elkeen se eie verhaal was aan die Woord van God gekoppel. Elkeen se bydrae kan dien as inspirasie vir die res van die groep – voorwaar ‘n stuk geestelike voedsel wat vir my persoonlik veel meer beteken het as ‘n oggend se preek in ‘n kerkgebou.

Wat ‘n wonderlike ervaring om ook daar in die natuur saam die Nagmaal te gebruik. Dan word ‘n mens werklik stil en ervaar dat ons God die lewende God is en moet ons jubel: “Want aan Sy liefde is daar geen einde nie!”

Halleluja!

Jan van Zyl

NGVishoek: Ds. ( dominee ) Martin Barnard.