Nederigheid teenoor hoogmoed

Muhammad Ali is bekend vir baie dinge, nederigheid is klaarblyklik nie een van hulle nie. Maar, so redeneer jy miskien, hy is een van die beste swaargewigte wat die sport nog ooit opgelewer het, en daarom het hy rede om ‘n bietjie hoogmoedig en trots te wees. Hy het dit verdien. Vandag se teks uit Jakobus draai so ‘n gesindheid op sy kop. Trots en hoogmoed het met wêreldgesindheid te make terwyl nederigheid godvresendheid weerspieël.

Gelukkig vir ons, gee God groot genade. Dink ‘n bietjie daaroor na. God skenk ons nie net genade nie, Hy gee ons GROTER genade. Hy skenk ons genade en dan gee Hy nog meer. En dan nadat Hy nog meer genade geskenk het, gee Hy nog genade. Hoeveel genade benodig ‘n man of vrou? Eenvoudig – MEER!

Deur Spreuke 3:34 aan te haal wys Jakobus ons hoe ons hierdie oorvloedige, volgehoue genade van God ontvang. Sy genade is vir die nederiges en nie vir die hoogmoediges nie. Dit maak sin, want God se genade is onverdiende guns. Die rede vir genade kom van Hom wat dit gee, nie van die een wat dit ontvang nie. Net die nederiges kan dit ontvang want hulle kyk nie na hulleself en gee redes hoekom hulle liefgehê en geseën moet word nie. Nederigheid beteken dat ons weet God skuld ons niks en dat ons slegs om God se genade vra omdat Hy goed is en sodat Hy verheerlik kan word. Hoogmoed is die teenoorgestelde. Hoogmoed veronderstel dat God ons iets skuld en dit vra om genade omdat ons dink dat ons dit verdien.

CS Lewis het na hoogmoed as “geestelike kanker”verwys wat liefde en tevredenheid vernietig. Wanneer ons op God se ongelooflike genade fokus is daar geen plek vir hoogmoed nie.

Bron:  versndag

NGVishoek: Ds. ( dominee ) Martin Barnard.