Jan van Heerden

Ds. Jan is getroud met Anemari en het twee kinders, Johan 37 wat in Nederland (Amsterdam) bly en werk en Sonike 34 wat in Ramsgate, Kent, Engeland bly en werk.
Hy het gematrikuleer aan die Hoër Handelskool Ermelo in 1970.

Daarna het hy ‘n B. Comm graad aan die Noordwes Universiteit (Potchefstroom Kampus) vanaf 1972-1974 gedoen.
Hy het aanvanklik gewerk as Rekenmeester (Bestuurs) by verskillende maatskappye.
In hierdie tyd het hy tussenin sendingwerk by destydse Campus Crusade for Christ in Johannesburg gedoen (Rossmore) 1978-1979.
Hy voel toe gelei om terug te keer na Stellenbosch Universiteit aan die begin van 1986 om sy B.Th (teologie) in 1990 te voltooi. Hy is direk daarna beroep na Vishoek Gemeente.
Hy is hier bevestig op 08 Junie 1991 en is steeds na 25 jaar in Vishoek.
Dit is vir hom ‘n ongelooflike voorreg om in die bediening te kan staan.

Sy passie/gawes is Sending en Pastoraat. Hy glo dat die evangelie van Genade, Versoening en Geregtigheid die enigste oplossing vir die deurmekaar wêreld is en dat ons elkeen geroep is om deel van God se oplossing te wees. Hy bely omonwonde dat Jesus Christus die Here is, God ons Vader wat elke dag vir ons sorg en dat die Heilige Gees sy daaglikse krag en motivering is.