KinderGeloof

Ons naam, leuse en ons PASSIE!

Hier by NG Vishoek glo ons dat kinders ‘n spesiale plekkie in die kerk behoort te he. Kinders herinner ons aan die vrae wat ons eens gevra het en mettertyd al vergeet het, en kinders help ons om soms opnuut weer na die wêreld te kyk want die bagasie van mens se verlede het soms ‘n effek op jou uitkyk oor die lewe… Daarom die naam “KinderGeloof” met die leuse “glo soos ‘n kind!”

Ons besef dat ons as Kerk, die geloofsgemeenskap ook verantwoordelik is vir die vormingsproses van ons kinders se geloof sowel as die persoon! Hulle is immers deel van dieselfde geloofsgemeenskap en nét so deel van die liggaam van Christus soos ek en jy… Daarom dank ons die Here vir die groep mense wie met hierdie groot verantwoordelikheid na die toekoms van die Kerk omsien deur na ons kinders te luister.

Wie waar en wanneer?

Ons kinderbediening, KinderGeloof, word in drie groepe opgedeel:

  • KinderGeloof Kleuterkerk (3-6 jaar)
  • KinderGeloof Junior (Gr. R-3)
  • KinderGeloof Senior (Gr. 4-6)

Die KinderGeloof program loop hand aan hand met die skole se kwartaaldatums, d.w.s. ons skep bietjie asem gedurende die skoolvakansies en langnaweke maar gedurende die kwartaal kan jy enige Sondag ‘n draai kom maak om 09:00. Ons kinders woon saam die eerste deel van die erediens by en dan word die kinders na lofprys- en aanbidding uitgestuur en deur die KinderGeloof fasilliteerders begelei na die verskillende lokale toe. KinderGeloof maak saam met die erediens ongeveer 10:00 klaar en jy word dan hartlik uitgenooi om gerus ‘n lekker koppie koffie of tee geniet! Daar is vir ons KinderGeloof maats ook koeldrank beskikbaar.

“Jubelklub”

Vir die afgelope twee dekades het ons gemeente die voorreg om by Laerskool Paul Greyling die Here te dien op ‘n Donderdagoggend! Ons kom elke Donderdagoggend bymekaar vir ‘n uur waar ons met die leerders die evangelie kand eel deur middel van sang, storievertelling en allerhande lekker aktiwiteite en speletjies wat ons speel. Die embleem wat ons gebruik vir hierdie bediening is die van ‘n donkie… WAAROM DAN NOU ‘N DONKIE?! Wel, ‘n donkie word soms geterg want mense dink hulle is dom maar dis BAIE ver van die waardheid af. Donkies is baie nederig want mense onderskat hulle soms want hulle vergeet hoe hardwerkend donkies is en hoe diensbaar donkies kan wees – selfs Jesus het op ‘n donkie gery! Behalwe vir hul hardwerkende- en diensbare geaardheid kan donkies ook baie lekker lag – gaan kyk bietjie op YouTube hoeveel pret donkies kan he!

Ons streef daarna om in hierdie sin soos donkies te wees… Ons streef daartoe om hard te werk, nederig te wees en om lekker te lag en speel wanneer dit die tyd daarvoor is!

“Oupa Moses”

Ken jy vir Oupa Moses? Indien nie, kliek onmiddelik HIER om na die Oupa Moses videos te gaan kyk! Oupa Moses het verskillende maats soos Spiritbuddy en Eric wat soms vir hom, Jacuzza, Gabie en Baloo kom kuier. Ander tye gaan kuier Oupa Moses weer vir ander mense soos die maats by Zwaanswyk Academy of die Paulies by Laerskool Paul Greyling! Hou die Oupa Moses speellys op NG Vishoek se YouTube kanaal dop om op hoogte te bly wanneer daar nuwe videos verskyn.

 

    Wil u betrokke raak?

    Kies die bediening(e):

    Please prove you are human by selecting the cup.