Op die Sondag net voor Kersfees heers daar al klaar 'n gees van vreugde en vrolikheid. Wat sou hierdie vrolikheid veroorsaak? Almal weet (selfs die wereld daarbuite) dat dit eintlik nie gaan om die inkopies, geskenke en groot eet nie! Veel eerder oor die gebeure rondom die geboorte van die Verlosser, Jesus Christus! Die groot transformasie wat God skep met die aankondiging en koms van sy Seun. Dit sien ons in Elisabet wat 'n ou kinderlose vrou is wat nie veronderstel is om te verwag nie (39-45), Maria wat 'n maagd is wat verwagtend raak sonder 'n man (31-35). 'n Verdere beskrywing van God se transformasie kom ook duidelik na vore in die pragtige lied van Maria. Daarin sing sy oor hoe God, deur sy Seun, die hele wereldorde gaan omkeer. Kersfees is feestyd. Laat ons nie daarteen stry nie. Die Christelike feesvieringe staan egter in skrille kontras met di van die wereld. Ons vreugde l nie in jolyt nie, maar in 'n radikale evangelie.
