Ons is almal maar net mens. Ons lees dat ons op die Here moet vertrou met jou hele hart en dat ons nie op ons eie insig moet staatmaak nie. Soms voel dit nie so maklik in die werklikheid nie… Ons gaan bietjie gesels oor Jeremia wat so “wipplank” gery het. Wat kan ons by sy woorde leer om ons te help om ons roeping en opdrag uit te leef?
Ek wonder hoe Josef en Maria gevoel het die week voor Jesus se geboorte. Wat het hulle gedoen? Het hulle geweet hulle staan op die drumpel van die geboorte van die Messias of het hulle gedink dis nog ‘n rukkie?
Lank voor hierdie dag het profete al geskryf oor die geboorte van die Verlosser. Eeue voor die geboorte van Christus is daar al gepraat en gedroom oor die Redder wat kom! Ons behoort nie die geboorte van Christus eers te vier op die dag wat ons opsy sit (25 Des) om Sy vleeswording te vier nie maar ons behoort nou al onsself daarin te verbly! Miskien het jy ‘n stormagtige jaar agter die blad… Miskien is jy steeds in ‘n storm… Kom ons gaan hierdie week in met die wete dat daar stilte te vinde is in die verlossing wat ons kry deur die vleeswording, kruisiging en opstanding van Jesus Christus. Jesus maak die storms stil…
