Die Bosveld in die verre Noordelike Provinsie het vir jare ‘n ergstige droogtes beleef. Die kameeldoringbome wat al honderdejare oud is, het eenvoudig net begin doodgaan. Almal het die droogte die skuld gegee.

By nadere ondersoek egter, het iemand opgemerk dat die bas rondom die bome onder teen die grond afgevreet is. Dit was die dassies se werk. Die droogte het hulle na ander weiding laat soek.
Dit wat die groot droogte deur jare nie kon regkry nie, het die klein dassies baie gou kom doen.

Jesus sien hierdie wêreld raak en doen iets. Kom ons kyk na Jesus se drievoudige werk.

Was jy al ooit sprakeloos? Het jy al ooit ‘n nuwe jaar ingegaan en werklik nie geweet wat dalk vir jou voorlê nie? Het jy al ooit ‘n tydjie geneem vir stil word om met God te praat, maar nie geweet het wat om te sê nie?

Ons word in Romeine daaraan herinner dat: “die Gees self pleit vir ons met versugtinge wat nie met woorde gesê word nie.” Hierdie belofte verseker ons dat ons rede het om hoop te hê. Die Skepper hoor ons gebede al weet ons nie altyd hoe om dit te verwoord nie. Selfs in ons swakheid staan die Gees ons by en daarom kan ons nie net hoop nie, maar ons moet ook hoop vir die wêreld bring.

Dit is die 26ste Desember…

Daar was gister dalk fees gevier saam met familie of saam met vriende maar vandag vra baie mense die vraag: “wat nou?”

Ons behoort nie eenvoudig net die dae af te tel tot ons weer Paasfees kan vier nie maar ons het nou al ‘n ander verantwoordelikheid: ons moet kyk na die groter prentjie.

Op die Sondag net voor Kersfees heers daar al klaar ’n gees van vreugde en vrolikheid. Wat sou hierdie vrolikheid veroorsaak? Almal weet (selfs die wêreld daarbuite) dat dit eintlik nie gaan om die inkopies, geskenke en groot eet nie! Veel eerder oor die gebeure rondom die geboorte van die Verlosser, Jesus Christus! Die groot transformasie wat God skep met die aankondiging en koms van sy Seun. Dit sien ons in Elisabet wat ’n ou kinderlose vrou is wat nie veronderstel is om te verwag nie (39-45), Maria wat ’n maagd is wat verwagtend raak sonder ’n man (31-35). ’n Verdere beskrywing van God se transformasie kom ook duidelik na vore in die pragtige lied van Maria. Daarin sing sy oor hoe God, deur sy Seun, die hele wêreldorde gaan omkeer. Kersfees is feestyd. Laat ons nie daarteen stry nie. Die Christelike feesvieringe staan egter in skrille kontras met dié van die wêreld. Ons vreugde lê nie in jolyt nie, maar in ’n radikale evangelie.