Die mense met dié besware is ernstige Christene, en ’n mens kan die besware nie summier wegwuif nie. Maar in alle liefde en respek: hulle sien sake verkeerd.
Om mee te begin was die vier teologiese verklarings wat in die Protestantisme soos verligte bakens in ’n duistere wêreld staan, almal protesgeskrifte met intense politieke implikasies.
Die Heidelbergse Kategismus is in opdrag van keurvors Frederik III van die Palts geskryf. Dit het gebeur teen die agtergrond van verskille tussen die Protestante en Rooms-Katolieke oor die rol van die nagmaal. As ’n mens bedink dat onder meer dié verskille tot die verwoestende Dertigjarige Oorlog in Duitsland en die Tagtigjarige Oorlog in die Nederlande gelei het, kan ’n mens die politieke implikasies van dié dokument nie miskyk nie.
Die Nederlandse Geloofsbelydenis is opgestel met die doel om die gereformeerde teologie aan die Spaanse koning Filips II te verduidelik. Ook dít het intense politieke implikasies gehad, aangesien die stryd met Filips later op die afskeiding van die Nederlande van die Habsburgse ryk en oorlog uitgeloop het.
Die Dordtse Leerreëls is aangeneem deur die Sinode van Dordrecht in 1618, wat deur die Nederlandse State-Generaal (parlement) byeengeroep is om die teologie van die Remonstrante te bestry. Die politici wou ’n teologies verenigde Protestantisme bevorder omdat dit ook hul politieke gesag verstewig het.
Ten slotte is die Barmen-Verklaring van 1934 deur ’n groep Duitse Protestante aanvaar as getuienis en protes teen die Nazi’s se goddelose ideologie en veral hul vervolging van die Jode.
Eksplisiet verwerp stelling 5 die “valse leer” dat die staat (soos die Nazi’s verkondig het) “die enigste en totale ordening van die menslike lewe word en dus ook die roeping van die kerk vervul”.
Neem in ag dat die Belydende Kerk, wat dié verklaring aanvaar het, genadeloos deur die Hitler-regime vervolg is en dat Dietrich Bonhoeffer, een van die opstellers, ’n martelaarsdood gesterf het.
Maar wat nou van burgerlike ongehoorsaamheid? Wel, Calvyn self het (blykens sy Institusie) die burgers se gehoorsaamheid aan die staat ondergeskik gestel aan gehoorsaamheid aan God.
Indien laasgenoemde deur eersgenoemde in die gedrang kom, mag burgerlike ongehoorsaamheid gepleeg word.
Teen die einde van die 16de eeu het die Calvinisme selfs geleer dat burgers met geweld teen ’n bose owerheid in opstand mag kom.Só ver gaan Belhar verreweg nie. Ja, dit is ’n protesgeskrif teen apartheid en die NG Kerk se legitimering daarvan. Dit staan in die teken van die stryd teen apartheid.
Belangriker nog, die wyse waarop politieke en kerklike apartheid verwerp word, adem ’n intens gereformeerde gees, ongeag wat sommige teoloë later daarvan wou maak.
Is die Belydenis daarom bo alle kritiek verhewe? Natuurlik nie.
Dis ’n menslike dokument, en dus nie met dieselfde teologiese gesag as die Bybel beklee nie – dit sal selfs die opstellers onmiddellik toegee.
Maar om van Belhar ’n splytswam in die kerk te maak – nee, dit gaan te ver. En moet asseblief nie van skeuring praat nie.Dis nie óns kerk waarmee ons kan maak of breek soos ons wil nie. Dis God se kerk.
Bron: Beeld
NGVishoek: Ds. ( dominee ) Martin Barnard.
Hierdie skepper wat hom so hoog ag bo alle ander wesens, so vol van homself is dat hy konsuis te heilig is vir ons wat so vol sonde is, dat ons eers in menslike bloed (Jesus se bloed) gedoop moet word voor hy met ons tevrede sal wees. Hoogmoedig is hy!!
Vir alle mense wat ‘n stryd voer met jaloesie, ek voel bitter jammer vir julle. Ooo, weet ek net nie die stryd wat julle deurmaak nie. Ek voer daardie selfde stryd saam met julle elke dag van my lewe. Ja en ek weet van al die lelike dinge wat julle te skaam is om met enig iemand te deel. Ek beleef dit self. Die lelikste moontlike dinge wat ons doen juis deur groot seerkry en swaarkry!!! Ek weet ook van al die gemoedstoestande bv: onverwagse woede aanvalle, norsheid soos mens probeer om dit nog vir oulaas te beheer, totdat dit jou eindelik na ‘n groot stryd oorheers; groot smart; seerkry diep diep binne in die hart; ek ken ook die gevoel om diep uit my hart te ween; en beleef ook daagliks daardie depressie waarin sulke mense hulle bevind. Die verslaentheid hoekom die dinge juis nou met jou met gebeur. Ek ken ook daardie pyn in die hart wat voel asof jou hart fisies met ‘n mes of iets verwond word.
Voordat hierdie jaloesie oor my gekom het, het ek nooit besef dat ‘n mens se hart fisies kan pyn nie. Ek het gedink dat pyn nooit dieper as die vlees kan gaan nie. Ek was nie bewus van die geestelike deel wat in die hart pyn kan veroorsaak nie. Ja, maar nou is ek, en deeglik ook. Ek weet hoe seer dit maak wanneer mense nadat ek ‘n jaloerse daad gepleeg het my slegsê en beledig, en ook ‘n mens se hart kan kasty met die mond. En aaww die woorde kan bitter seermaak!! Maar sulke mense het geen benul wanneer hulle my of ‘n ander jaloerse mens so sleg sê watter verwoesting en pyniging dit in so hart bring nie. Jy voel dan asof jy net wil wegraak ver weg van al die seerkry en swaarkry, jy voel letterlik of jy net kan weggaan en eenkant net kan gaan sit en treur totdat jy nie meer kan nie en nog verder ook. Ek erken my jaloesie, maar weet ook dat ek weet hoe moeilik dit is om dit te erken wanneer dit oor jou heers. Want dan dra jy die blaam van die jaloesie en nog ook sê hulle dat jy iets daaromtrent kan doen maar jy wil nie, maar ek weet diep binne my hart dat dit nie so is nie, en dat ek bitter graag net weer normaal wil optree in baie situasies maar weens die jaloerse probleem nie meer kan nie.
En dan ook nog die stryd wanneer jy nou op die punt kom om dit te erken, sal hierdie mense jou sê dat jy dit nou moet beheer. En dat jy nou moet hard werk daaraan om nie jaloers te wees nie. Ek weet dat dit ‘n bitter stryd is om dan die jaloerse god se gees te beheer, want is hy wat dan nou die skepper is van die vlees dan nou nie alwetend wat hy met die vlees kan doen nie.
En soos jy hard probeer om van die jaloesie vry te kom, hoe alhoemeer word jy daarin verstrengel, verlang jy na jou vryheid uit die vlees waar jy so seer kry. En hoe meer besef jy, jy voer nog voor jy begin het ‘n verlore stryd teen die jaloerse gees!! Dit is dan wat jy besef dat jy nooit werklik vry is nie, jy is ‘n gevangene in die vleeslike liggaam, om deur die een wat jou daarin gesit het geestelik gepynig te word wanneer jy nie maak soos hy wil nie!
Dit is nou nie met my op die oomblik die geval nie, maar meeste sulke verhoudings word vertroebel en breek totaal op, op die einde. En ook verwoes dit die persoon emosioneel toetaal. Want beide partye verstaan nie wat werklik gebeur nie. Ook net ‘n persoon met jaloesie sal weet waarvan ek praat ander wat nie die probleem intens ervaar nie sal dit ook nie verstaan nie. Wanneer jy dan te doen het met so ‘n mens, sê eerder niks vir hulle nie swyg eerder. Want elke woord al klink dit vir jouself onskuldig of behulpsaam veroorsaak pyniging in die hart van die jaloerse persoon.
Weet net dat ek hierdie skrywe plaas sodat as daar dalk so ‘n persoon deur die jaloerse god geteister word, ek Die Vrou verstaan wat jy deurmaak!!!!!
Al een met wie ek hierdie jaloerse emosies bespreek die lelike dinge wat ek doen en sê daardeur is my Pappa, omdat ek ook skaam voel oor party van die dinge wat ek doen en nie die moed het om dit met ander te bespreek nie! Hy verstaan, Hy vertroos my, Hy bring vir my van tyd tot tyd verligting! Laat my ook van sommige van die dinge wat gebeur vergeet want anders kan dit jou tot malheid dryf!
Ek’t Jou lief my Pa!!!
Bron: http://www.wendag.com/forum/showthread.php/696-Jaloesie-die-mees-verterendse-emosie!
NGVishoek: Ds. ( dominee ) Martin Barnard.