Daarom moet ons lewens in hierdie dae, soos gedurende die res van die jaar, gekenmerk word deur vrygewigheid, liefde en omgee. Jesus se roete van prysgawe en diens is altyd ons s’n. Ons dien Hom immers op sy terme as ons onsself sy volgelinge noem. Jesus se hart vol liefde klop dan in ons binneste. Daarom loop ons op ander paaie rond hier in Kersfeestyd, daardie paaie waarop Jesus Self loop.
Dan is ons harte en ons hande oop vir ander.
Bron:ekerk.org
Jy hardloop met hulle totdat julle albei uitasem is… en telkens duik hulle teen die grond vas! Hoe goed ken elke ma nie daardie teen–die–grond–vasduik–tye nie. Wanneer jou kind nie ’n sportspan haal nie, nie op die leerlingraad verkies word nie of wanneer daar ’n maatjie–krisis is. Dan moet ons moed inpraat, vertroos en as’t ware weer die vlieër in die lug kry. Uiteindelik is hulle in die lug. Maar dan moet ons as ouers hulle meer tou gee. Wys hulle dat jy hulle vertrou en laat hulle toe om meer selfstandig te word. Die lyn waarmee jy hulle al die tyd vasgehou het, moet jy al hoe langer maak. Dis nou tyd om die opvoeding wat jy die kind gegee het, te vertrou.
In Spreuke 22:6 lees ons: “Leer ’n jongmens om die regte pad te kies, en wanneer hy eendag oud is, sal hy nie daarvan afwyk nie.”
Leer jou kinders van kleins af om lewensfiks te word. Hulle sal ook die skerp kante van die lewe moet ervaar. Jy kan hulle nie altyd beskerm nie. Die hele tyd is jy in jou onderbewussyn bewus daarvan, dat die pragtige vlieër sal losruk en onafhanklik die ruimtes sal invaar. Dan sal jou kind alleen die vryheid van volwasse–wees moet hanteer. Dan is dit tyd vir ons as ma’s tyd om hulle van ’n afstand af dop te hou en as jy sien die vlieër neig ernstig grond toe, is dit tyd om ernstig te bid.
Dan vertrou ons die hemelse Vader om daardie vlieër (wat eintlik maar net aan jou geleen is), in die lug te hou.
Bron:ekerk.org
Lewis maak ook ‘n treffende onderskeid tussen God se goedheid (“kindness”) en God se liefde. Hy sê solank ons hierdie twee begrippe verwar, verwag ons eintlik net van God om goed of “kind’ te wees deur slegte dinge en lyding van ons af weg te hou. Dan maak dit nie eintlik saak of ons tot sy eer verander, al dan nie.
God se liefde is egter iets heeltemal anders. God definieer sy liefde en sy almag op sy eie terme, nie volgens ons idees daarvan nie. Sy almag word dus nie ingeperk of bepaal deur die feit dat ons gebede soms nie beantwoord word soos wat ons dit graag wil hê hier aan ons kant van die draad nie.
Aan die ander kant is ons beantwoorde gebede ook nie die vernaamste bewyse dat Hy almagtig is nie! God is wie Hy is, ten spyte van ons voorspoed en teenspoed. Ons omstandighede definieer Hom nie, of perk Hom nie in nie. God is die Here. Ons dien Hom op sy terme.
Die almagtige God nooi ons uit om tot Hom te nader. Hy vra egter dat ons onsself onderwerp aan Sy wil. Daarom is ‘n groot deel van ons gebedslewe gewoonweg daarop ingestel om te leer om ons eie wil te buig en te belyn met ons Hemelse Vader S’n. Ja,
God kan doen wat Hy wil, maar hoe meer ons Hom leer ken, hoe meer gaan dit in ons gebede en in die res van ons lewe oor die ver-Heer-liking van Sy Naam en sy eer, nie oor al ons behoeftes wat Hy moet vervul nie. Daarom wag ons op Hom in goeie dae en in donker tye. In alles is sy genade meer as genoeg!
Bron: ekerk
NGVishoek: Ds. ( dominee ) Martin Barnard.
Gewoonlik wanneer jy jouself betrap dat jy iets doen wat jy nie gewoonlik doen nie, en jy wonder wat jou besiel het om iets te doen of iets te sê, het jy heel moontlik te make met ’n morele virus. Soms kan jy dit self hanteer, maar meestal het mens hulp nodig van vriende of selfs professionele mense om dit aan te spreek. En net soos rekenaar virusse of biologiese virusse, is die manier van besmetting gewoonlik slegs deur direkte konneksie of kontak. Moet dus nie verbaas wees as jy agterkom jy word besmet met sekere gedagtes of gedrag, terwyl jy jou omring binne so omgewing van gedrag, denkpatroon of gesprekke nie! Iets wat ek eerstehands in 2012 geleer het, is dat jou direkte omgewing se invloed baie sterker is op jou as wat jy dalk besef… en kan weerstaan.
Ek het self agtergekom dat geen program, godsdiens, kerk of reëls ’n betroubare antivirus is vir morele virusse nie. Dit help dalk net om dit uit te wys, maar dis nie standhoudend in die aanspreek daarvan nie. Daar is net een betroubare en standhoudende antivirus wat nie op vrees gegrond is nie: Jesus Christus. Hou Hom midde in alles wat jy doen, dink en leef, en jy sal vind dat jy oorwinning kry oor enige virus wat jou sisteem besmet. En die praktyk daarvan is die “executable” program wat jy moet “run” om Hom deel te maak van jou programmering: verhoudinge. Met Hom (natuurlik), maar daar is geen beter “backup” as verhoudinge en vriendskappe met mense wat die regte gedagtegang, insigte en gewoontes in jou sisteem “download” nie. Deur kontak, vriendskap, gesprek en saamwees.
Voor jy jou jaar of dag behoorlik aanskakel, dink vinnig bietjie met wie jy vandag in direkte kontak gaan wees. Besluit dan of jy daardie konneksie gaan “run”, of dalk soms ‘n “firewall” oprig. Beide is nodig, daagliks. By die huis en by die werk.
Bron: ekerk.org
NGVishoek: Ds. ( dominee ) Martin Barnard.
NGVishoek: Ds. ( dominee ) Martin Barnard.
Blaai jy nou na Jesus se groot uitsprake oor die huwelik in Markus 10, dan lees jy dat Hy die oorspronklike doel van die huwelik vind in Genesis 2, en nie by Moses se nood–uitspraak oor egskeiding in Deuteronomium 24 nie. Anders gestel, Jesus vat die huwelike weer terug na die paradys toe, nog voordat daar sonde in die wêreld was. Hyself maak gelowiges se huwelike ook weer ’n nuwe Genesis. Hy herstel nou die vrou tot haar oorspronklike rol as die man se helper en gelyke! Binne gelowiges se huwelikverhoudings geld die oorspronklike skeppingsdoel dus — man en vrou is nou een voor God. Hier help, dien, bemin, eer en beskerm hulle mekaar.
Nou ja, wat maak ’n vrou ’n vrou voor God? Wel, wanneer sy by Christus haar oorspronklike skeppingsdoel as geskenk teruggekry het. Dan kan sy haar man as gelyke dien, help en liefhê! En vir ander mense tot groot seën wees!
VOETNOOT: WAT VAN PAULUS?
Wat dan van daardie “baasskap” tekste in die Bybel; tekste soos Efesiërs 5:22 wat verwys na die “onderdanigheid” van die vrou? Wel, eers moet ons besef dat sekere Afrikaanse en Engelse Bybelvertalings foutiewelik ’n opskrif tussen 5:21 en 5:22 ingedruk het. (Opskrifte en versindelings is nie deel van die oorspronklike tekste nie. Dit dateer vanuit die 13de eeu en verder.) Hulle het foutiewelik ’n nuwe paragraaf begin in vers 22, wat praat oor vroulike onderdanigheid. Die nuwe paragraaf begin egter grammaties en inhoudelik reeds in vers 21, waar Paulus oor onderdanigheid praat wat geld vir sowel mans as vroue. Hier gebruik hy ’n werkwoord wat vertaal word met onderdanigheid (“hupotassein” oftewel, volledige diensbaarheid.) Hierdie woord word egter weggelaat in vers 22. (In Grieks kan mens ’n werkwoord weglaat as dit vroeër gebruik is en verderaan veronderstel word, soos hier in vers 21.) Paulus bedoel dus in vers 22 dat die wedersydse onderdanigheid van vers 21 (wat mans en vroue aan mekaar moet betoon) nou ’n bepaalde funksionele gestalte aanneem by vroue.
Net soos Jesus, trek Paulus in Efesiërs 5 die huwelik binne die raamwerk in van God se oorspronklike doel hiermee in Genesis 2. Hierbinne praat hy oor vroulike diensbaarheid (soos die kerk aan die Here), en manlike liefde (soos die Here teenoor die kerk, en ’n man teenoor sy liggaam). Let wel, nooit word hier oor die vrou se rol gepraat in isolasie van die man s’n nie. Diensbaarheid en liefde is wedersyds aanvullend. Vroue se nederige diensbaarheid aan hul mans is soortgelyk aan dié van die kerk teenoor die Here. En mans se liefde teenoor hul vroue is soos wat Christus sy kerk liefhet. Binne die veilige raamwerk van ’n liefdevolle huwelik dra vroue hul mans op die hande, terwyl mans weer hul vroue dienend liefhet en nie oor hulle probeer baasspeel nie.
Bron: ekerk.org
Ons eie blindheid vir hierdie nuwe Messiaanse era maak dat ons ook nie raaksien dat Jesus nuwe wyn gebring het saam met nuwe feesklere nie. Daarom wil ons vas en met rouklere rondloop terwyl die Bruidegom hier is om saam met ons fees te vier (Markus 2:18-22). Sulke blindheid versper ons uitsig op Jesus.
Dit maak dat ons soos die Emmausgangers saam met Jesus loop sonder om Hom te herken. Die beste manier om die tyd reg te leer lees, is om die evangelies opnuut te lees en te glo. En om die Gees toe te laat om ons oë oop te maak.
Bron:ekerk.org
Het ons nie te midde van stygende rentekoerse, die eise van ‘n huishouding en veeleisende beroepe die kuns verloor om met ons kinders ‘small talk’ te maak nie? Daar word groot klem geplaas op ‘n gesonde klimaat vir oop kommunikasie, wat ook belangrik is, maar dit loop die gevaar om net nóg ‘n eis of nóg ‘n verantwoordelikheid te word.
Dis nou die tyd om oor te begin en weer oor ditjies en datjies met ons kinders te gesels en sodoende deel van hulle lewe te wees. Skakel die motorradio af en gebruik die kort tydjies op pad deur met mekaar te gesels. Selfde geslag ouer en kind kan saam bad en sodoende ‘n spesiale tydjie deurbring om uit te vind wie is Robert Pattinson en wie van hulle maats is verslaaf aan Mixit.
Deur geleenthede te skep waar jy met jou kind oor onbenullighede kan gesels, wys jy vir hom dat jy daar is, ook vir daardie tye wanneer hy hart- en kopsake wil praat.
NGVishoek: Ds. ( dominee ) Martin Barnard.