April 2016 – Bladsy 92

Een moontlike antwoord vir ons aardse reis, is geleë in die verstaan van ons mens-wees in God se oë. God dink so baie van die mens dat Hy hom as sy verteenwoordiger op aarde geplaas het (Gen. 1:27). Hy gaan nog verder wanneer Jesus as volledige mens op aarde gebore word (Matt. 1:18). En na Jesus se hemelvaart, sit God sy werk op aarde voort deur mense (Hand. 1:8). Om die waarheid te sê, die mens is net ‘n bietjie minder as ‘n hemelse wese gemaak (Ps. 8:6). Ons Skepper het ‘n ordentlike wese gemaak in elke mens, Hy het nie ‘n fout gemaak nie, Hy maak nie foute nie.

Maar ongelukkig maak die mens foute. Die mens is met sy eie besluitnemingsvermoë gemaak. Dit is nog onverstaanbaar waarom God hierdie vryheid van keuse vir die mens gee. Alles wat verkeerd loop op aarde, het te doen met die mensdom wat verkeerde besluite neem. Niemand sal my oortuig dat God ‘n aandeel het aan die chaos wat daar op aarde heers nie. Miskien sal ons eendag verstaan waarom die mens nie vir ewig in die paradys kon bly nie. Moontlik is daar slim mense met redes hiervoor.

Weer terug by mens-wees in God se oë: Hy het die mens goed gemaak en Hy het die mens met foute en al baie lief. So lief dat Hy Jesus vir die redding van die hele mensdom gegee het. Hy wil sien dat alle mense gered word, maar alle mense kies nie sy Redder nie – en dit is hulle skuld, nie Syne nie! Jesus het sy lewe aan die kruis gegee vir alle mense, Hy het sy lewe vir mens-wees gegee. Dit was Jesus se mens-wees in aksie: Hy gee sy lewe vir ons! So wyd en ver en hoog en diep strek die liefde van Christus!

En hoe gee ons dan sin aan ons eie mens-wees? In ons eie mens-wees in aksie, kyk ons met God se oë as sy verteenwoordiger op aarde, na alle ander mense. Dit is deel van die evangelie: om met liefdevolle omgee na ander mense vol foute te kyk en my lewe te gee vir ander mense. Selfloos lewe ek as mens in belang van ander mense. Deur ons as geredde mense strek Jesus se liefde wyer, en verder, en hoër, en dieper na ander mense. So is ek saam met Jesus op reis op aarde – betekenisvol lewe ek dan eers!

Bron: http://doomcharl.blogspot.com/

Na my ontslag uit die hospitaal moes en maar gou aan die werk kom ook – onder andere aan die volgende Malgassiese handboek wat ons in die werk in Madagaskar wil gebruik waar ons besig is om verafgeleë dorpe te bereik en gemeentes daar te vestig. Dis toe voltooi en drukkers toe en moes toe nog ook ‘n ander handleiding (oor dissipelskap) ook finaliseer en dit word tans ook gedruk. Hierdie twee stelle boeke moet ons eersdaags saam met al die ander goed wat ons ons onlangs alreeds laat druk het na Madagaskar uitvoer. Dis ‘n redelike vrag wat osn hierdie keer stuur – en as dit daar aankom danmoet dit op een of ander wyse bo indie noorde kom waar ons nou ook ‘n nuwe kerkplantingsprojek begin.

Tyd druk nou baie ernstig en hierdie siekte het dinge kwaai deurmekaar gekrap – so, bid maar saam dat ons die dinge betyds klaar sal kry en die werk sal kan vlot daar in Madagaskar. Intussen is daar nog baie admin en reëlings wat gedoen moet word! Met die werk wat nou so uitgebrei het, het ons meer werk as ooit tevore in ons lewe – en dis redelik seker dat dit nog verder gaan uitbrei, maar dan het ook nie meer die energie wat ons 10 of so jaar gelede gehad het nie. Maar ons beter nie kla nie – daar is buitengewone resultate; en liewer ook te veel werk as geen werk nie …

Ek beplan om weer 30 Julie na Madagaskar te gaan en dan 3 Sept terug te keer. Hierdie keer wil ek die direkteur van ‘n ander bediending nl. Africa Outreach saamneem om te kom help met die chronologiese Bybelseminaar wat ons ook indie kerkplantingswerk gebruik.

Die plek waar ons daardie seminaar gaan doen is bo in die noorde in die Sofia-streek waar ons nou bg. nuwe kerkplantingsprojek begin …. wat ook besondere gebed nodig het want dis ‘n heelwat moeiliker situasie as in die area waar ons dit tans doen. In daardie streek is daar o.a. hele areas waar die mense nie weet van een kerk of enige Christen nie aangesien ‘n nie-amptelike sosiaal-kulturele taboo mense verhoed om enige ander godsdiens as die ou voorvaderaanbidding (en verwante bose en demoniese praktyke) te be-oefen. (Ek het nou daar met ‘n oud-toordokter te doen gehad want ‘n Christen geword het – hy was besonder kragtig – daardie bose goed is regtig. Dis nie speletjies of bangmaakstories nie).

Ons teiken nog nie direk daardie totaal onbereikte areas nie, maar wil ten minste nader beweeg deur eers ander kerklose dorpe te bereik naby daardie areas. En die een gebied wat ons nou daar in die noorde teiken is ook redelik sterk Moslem. Dan was daar ook al redelike interne politiek en probleme in die kerk saam met wie ons daar werk – en sal ook nie verbaas moet wees as daar dalk ook teenstand of iets kom nie.

So, dis nou heelwat groter uitdagings as waarmee ons nog nie tevore te doen gehad het.

Nogmaals groooot dankie vir al julle insette en baie seën daar vir julle,

Wolf Cilliers.

Susannah se voorbeeld moes ’n uitwerking op haar kinders gehad het aangesien twee van haar seuns later bekendes in die kerkwêreld geword het: John Wesley was die stigter van die Metodistekerk en sy broer, Charles Wesley was die skrywer van talle bekende gesange.

Wat is jou reaksie wanneer storms in jou lewe woed? Maak jy tyd om stil te word en met God oor jou storms te gesels of word jy deur die storms ingetrek terwyl jy van God vergeet?

In Psalm 89:9-10 lees ons: “Here, almagtige God, wie is soos U? . . . U heers oor die onstuimige see: as sy golwe opstaan, laat U hulle bedaar.” Ook in Psalm 46:11-12 lees ons: “Bedaar en erken dat Ek God is, hoog bo die nasies, hoog bo die aarde. Die Here, die Almagtige, is by ons, die God van Jakob is vir ons ‘n beskutting.”

God is Almagtig. Hy beskut ons teen storms en Hy maak die golwe wat in ons werkplek of huisgesin woed, stil. Al wat ons moet doen, is om tyd te vind waar ons in die oog van die storm kan inbeweeg sodat ons met ons Maker daaroor kan gesels en soos Susannah kan luister hoe Hy teruggesels. Sterke.

Vader God, baie dankie dat U die storms in my lewe kan stil maak. Lei my om die geleenthede in my lewe raak te sien waar ek soos Susannah in my besige dag kan stil raak om met U te gesels en van U te hoor. Ek vra dit in die Naam van Jesus Christus. Amen.

Ook word daar deur hom beweer dat die kerk vals lering oor die eintyd verkondig en dat die wederkoms van Jesus reeds in die jaar 70nC plaasgevind het. Hy het ook in Mei 2011 weer soortgelyke geskrifte gepubliseer in die Vaal Weekblad.

Gelowiges moes ook nog onlangs verwar word deur ‘n ander voorspelling van die Wederkoms op 18 Mei en die einde van die Aarde op 21 Oktober 2011. Wie is nou op die dwaalweg, die kerk of die dwaalpredikers?

Die Preteriste is is maar ‘n baie klein persentasie van Christengelowiges in die wêreld, maar net een siel op die dwaalspoor is een te veel. Ongelukkig gebruik hulle net sekere skrifgedeeltes en verklaar dat al die profesieë reeds vervul is.

Dit wil voorkom of die Christelike Kerk swyg. Is daar dan geeneen van ons bekende teoloë wat kans sien om die dwaalleer te ontrafel vir dit wat dit is nie? Daar kom geen stem na vore vanuit die geledere van ons teoloë nie!. My versoek aan die pers is: Gee ons, die Christen-gelowiges ook ‘n regmatige geleentheid om op te staan vir God se waarheid en dit te verdedig soos wat dit in die volle skrif geopenbaar word.

Bron: http://www.rapport.co.za/MyRapport/Briewe/Dwaalpredikers-beledig-Kerk-en-teoloe-openlik-20110702

Donderdag

Vanoggend was Harold gastekunstenaar by uitstek! A2J leer ook ‘n klomp nuwe touspring speletjies en self opgemaakte liedjies by die kinders. Vanmiddag se sport het goed verloop en Estelle en Annette ken nou elke touspring liedjie onder die son! Ons het nie weer tougetrek nie. Dinsdag se toutrek teen die bus het die dik tou gebreek!

Deel3_1
Ouetehuis

Marthie en Rachalle doen oefeninge en craftwerk met die ou mense en bid saam. Hulle het ook mense gekry wat die looprame kan gebruik wat ons saamgebring het.

Deel3_1 Instandhouding

Die instandhoudingspan is besig om by die gemeentesaal ‘n stukkie dak op te sit sodat hulle kan badkamers toe loop sonder om buite om die saal te loop. Die VGK gemeente het self die ekstra mure gebou om die “gang” na die badkamers te maak. Een of twee van hulle help ook deur die dag.

By Ds. Arian se huis is twee boekrakke ingesit.

Deel3_1
Volwasse bediening

Corné. Simoné en Heidie is besig met huis tot huis besoek om van die mense ‘n die gemeenskap te ondersteun. Party is alleen en of sonder werk. Ander se kinders is ver of ken nie die Here nie.

Die een ou oom slaap op ‘n ou bed, maar die matras is net springs en die komberse net fodde. Ons kon kussings en komberse afgee en hoop om ‘n matras te reël.

Van die A2J’ers

Om te sien hoe skape doodgemaak en geslag word, is glad nie cool nie. Daar was tye wat ek gevoel het of my kos stadig maar seker besig is om in my keel op te kruip! Dit was eintlik baie hartseer. As die arme skapies wat in die ry staan om bewusteloos geskok te word maar net weet dat hulle besig is om hulle laaste asem uit te blaas. Ek dink na vandag is ek beslis ‘n vegetariër!! ☺

Maandag se geestelike aand was regtig amazing. Almal praat met lof daarvan. Ek dink dat die Heilige Gees regtig teenwoordig was daardie aand. Almal is aangeraak daardeur.

Deel3_1 Ek sien uit daarna om die laaste paar dae van uitreik saam met die amazing A2J’ers te geniet! A2J + God = A mean team. Lief vir julle, Ilze

“Tannie, dis cool. As jy in die kamertjie loer, dan sien jy die skaap se dwerms!” – klein Ben

Tussen-in is daar ook ‘n A2J’er wat tydens terugvoer op klein Michie se skouer aan die slaap geraak het en die “Wolf pack” – die ouer manne – wat in die nag skeerroom spuit. Alles deel van die storie!

So ‘n bietjie ander nuus: so 10 jaar terug was A2J ook hier en is daar vir ‘n dogtertjie krukke gegee sodat sy kon loop. Sy is nou in ‘n rolstoel, maar ons kon vir haar ‘n klomp klere gee.

Voorbidding

Bid saam met ons –

Dat ons elkeen die Here se stem sal hoor en sal luister.
Baie dankie vir die verhoudings wat baie beter gaan.
Vir die gesondheid van die span. Ons is sover baie geseënd.
Weereens ‘n groot dankie vir die goeie weer. Woensdag was koud met motreën die aand, maar vandag was weer vol sonskyn.
Dat die uitreik in elkeen ‘n wortel sal laat groei / versterk wat in God geanker is. Spesifiek vir die span, maar ook vir Fraserburg.
Dat die span kan onderskei tussen pret / poetse en te ver gaan daarmee.
Vir krag en seën vir die laaste paar dae: môre se laaste lesse en DVD aand, die vroue tee en ook die werk van die verskillende spanne.

Deel3_1 Dankie vir julle gebede.

Groete,

Johann Gerber

Van die A2J’ers

Die uitreik was glad nie wat ek verwag het nie – dis beter. Ek het gedink dit sal baie harde werk wees en glo my dit is, maar ons kuier, lag en speel net so hard! Die lessies is ook baie oulik en dit is lekker. Die uitdrukking op die kindertjies se gesigte toe hulle die sop ontvang het, was regtikg rukkend en laat jou besef hoe bevoorreg ons is. Die uitreik is regtig iets wat ek dink ‘n mens moet bywoon. Dit verander mens van binne af en ek het lanklaas so na aan die Here gevoel. Baie dankie vir al die mense wat dit moontlik gemaak het. – Rudelie

Die uitreik is sover fantasties! Sondag het die A2J span na die ouetehuis gegaan om vir die tannies te kuier. Die tannies het stories uit hul verlede vertel en dit was glo baie hartseer. Terwyl die A2J span daar besig was, het Annette ses van ons meisies gekies om by die “Praise and Worship” te dans. Dit was baie lekker – ek het dit SO geniet! Dit was ek, Ashley, Soleil, Anshe, Maggie en Marizelle. Maandag het ons onmiddelik met lessies begin. Dit was vroeg en ons moes eers deur die strate loop. Die kleintjies kyk na jou met soveel belangstelling, dit het my hartjie laat smelt. Ons het lekker gesing en gedans saam met die koeksisters (Ashley, Misha en Anshe). Ek, Soleil en Maggie is die Jellyvisse – back-up singers. Ons het ook ‘n geestelike aand gehad en dit was baie spesiaal. Dit het gevoel asof ek regtig iets beteken vir God…

Ons het baie laat gaan slaap, want ons het gedink ons gaan ge-cream word. Ons cream is gesteel en ons het ses blikkies gehad. Ek was die enigste een in die kamer wat oorgehad het, so ek het voor die deur geslaap. Gelukkig het niemand gekom nie … phew. Dit was hartseer toe die kindertjies oor die sop en brood stry. Ek, soleil en Maggie het ‘n flop van die poppekas gemaak, maar dit was nog steeds snaaks. Ek kan nie wag vir die res van die week nie! – Aneske

Nuus wat nog moet volg – die volwasse en ouetehuis bedieninge.

Voorbidding

Bid saam met ons –

Dat ons elkeen die Here se stem sal hoor en sal luister.
Steeds die verhoudingsgeskille – Dit gaan al heelwat beter, maar verandering begin by ‘n moeilike plek – jouself.
Vir gesondheid van die span. Die sieker een is al op die been, so ‘n groot dankie daarvoor.
Eerstens ‘n groot dankie vir die goeie weer wat ons sover gehad het. Bid dat die res van die week ook geseënd sal wees, met koue en warmte op die regte tyd.
Dat die uitreik in elkeen ‘n wortel sal laat groei / versterk wat in God geanker is. Spesifiek vir die span, maar ook vir Fraserburg.
Vir môreaand se gesingsaand, veral vir Ds Martin wat dit lei en wie se stem op die oomblik wegraak.
Ons deel ook môre klere vir die kinders uit. Dat almal iets sal kry en dat dit vlot sal verloop.

Gesels weer,

Johann Gerber

NS As jy gewonder het hoekom dit so lank stil was… wel, ‘n mens kry seker ook ‘n elektroniese drukkersduiwel!

Groete, J

Eerstens, wie is hy en waar kom hy vandaan? Met ander woorde, met wie hou hy gemeenskap en wie beïnvloed sy denke? Dit kan maklik vasgestel word deur sy persoonlike geskiedenis of cirricullum vitae na te gaan. Waar het hy sy opleiding ontvang? Waar hou hy gemeenskap? Met wie is hy in verhoudings betrokke? Wie haal hy aan? Wie haal hom aan? Indien hy ‘n web-tuiste het, kyk gerus na die skakels wat hy beskikbaar stel en ondersoek daardie web-tuistes. Hierdie vrae sal dikwels baie omtrent die boodskapper openbaar. Dit is voor die hand liggend dat hy in sy verlede slegte skakels en verhoudinge kon gehad het en dat hy dit bely en afgelê het. Indien hy dit bely en afgelê het, het hy in die openbaar alle bande en gemeenskap met daardie leerstellings en gemeenskappe gebreek? Indien dit wel die geval is, moet sy verlede nie teen hom gehou word nie. Terselftertyd moet ons egter in gedagte hou dat daardie blootstelling wat hy gehad het, mag voortgaan om sy denke te beïnvloed en ‘n mens moet op die uitkyk wees daarvoor. “Slegte geselskap bederf goeie sedes” (1 Kor 15:33) en ‘n man kan geken word aan sy vriende.

Tweedens ‘n vraag wat nou saamhang met die eerste: Wat kwalifiseer hierdie persoon om ‘n onderwyser te wees? Hiermee bedoel ek nie of hy verorden is en die nodige papierwerk het nie. Die vraag is: wat gee hom die reg om vir jou enigiets te mag leer? Jy het nodig om vrae te vra oor hoe lank hy reeds ‘n gelowige is, hoe oud hy is, of hy ‘n goeie diensrekord het van diens aan die kerk en of hy nie net dalk ‘n dwarstrekker is wat homself nou as ‘n “profeet” uitgee nie? Staan hy onder die gesag van ander? Sedert ons die internet tot ons beskikking het, kan enige persoon wat nie saam met ander kan werk nie en wie ook geen begeerte het om in diens van die gemeentes te staan nie, vir homself ‘n sogenaamde bediening begin. Toon hierdie persoon enige bedrewenheid en inbors in die wyse hoe hy met die Skrif omgaan of is hy ‘n arbeider wat hom vir sy werk moet skaam (2 Tim 2:15)? Predik en leer hy die Woord getrou of is die basis van sy boodskappe stories, getuienisse en grappies? Laastens, daag sy boodskappe sy hoorders uit en bemoedig dit hulle terselftertyd, of sê hy net wat sy hoorders graag wil hoor sonder om aanstoot te wil gee (2 Tim 4:2)?

Waarskynlik die heel belangrikste kwalifikasie is sy lewe self! Hoeveel keer is hy al getroud? Het hy ‘n getuienis van betroubaarheid, eerlikheid, inbors en ‘n heilige lewe? Wat is sy houding teenoor geld en aardse besittings? Hierdie is maar enkele van die duisende vrae wat ‘n mens omtrent die vrugte van iemand se lewe kan vra. Jesus het gesê: “Aan hulle vrugte sal julle hulle ken. Kry ‘n mens dan druiwe aan doringstruike of vye aan dissels?” (Mat 7:16) Met “vrugte” het Jesus nie verwys na die vrug op hulle arbeid nie (hoeveel boeke, bekeerlinge, ens.) nie, maar die vrugte van sy lewe. Wat het sy lewe opgelewer? Dink jy regtig dat as sy lewe dorings by die huis oplewer, hy druiwe in jou lewe gaan produseer? (1 Timoteus 3 en Titus 1 handel met verdere vrae wat jy nodig mag hê om te vra.)

Vierdens, wat glo hy? Hierdie begin nou al moeiliker raak want in alle waarskynlikheid sal hy die waarheid verskuil onder taalgebruik wat op die oog af reg voorkom. Somtyds kan die dwaling bespeur word deur versigtig die verklaring van sy geloof deur te gaan. Maar dikwels sal dit nodig wees dat jy baie versigtig moet lees en luister. Die internet mag dalk ‘n aanduiding gee van wat verkeerd kan wees, maar ons moet nie sommer enigiets aanvaar wat ons op die internet vind sonder dat die inligting en sy oorsprong behoorlik ondersoek word nie. Enige persoon kan enigiets op die internet publiseer en daar is baie wat hard werk en daarop uit is om ware en opregte bedieninge swart te smeer en oneer aan te doen. Lees egter versigtig dit wat omtrent die persoon gesê word en gebruik daardie inligting as ‘n aanwysing na wat om voor op te let in die persoon se leringe. Maar laat my toe om dit te beklemtoon: Inligting van onbekende bronne op die internet kan slegs as ‘n rooi vlag gesien word; dit kan nie vertrou word om enige persoon mee te aanvaar of af te wys nie. “Elkeen wat nie by die leer oor Christus bly nie maar daaraan verander, erken God nie. Wie in dié leer bly, erken sowel die Vader as die Seun. As daar iemand na julle toe kom wat ‘n ander leer bring, moet julle hom nie in julle huise ontvang nie en hom selfs nie groet nie” (2 Joh 1:9-10).

In die vyfde plek moet ons die vraag vra: wat sê die getuies? In die derde artikel in hierdie reeks (Ortodoksie) het ons vasgestel dat ons na beide die geloofwaardigheid van die getuies en die inhoud van hulle getuienis moet kyk. Wie stem saam met hierdie man? As valse leraars, wat bekend is vir hulle valse leringe, net goed van hom praat, of as hy saam met hulle op dieselfde verhoog verskyn, dan kan jy maar weet dat hy waarskynlik self ‘n valse leraar is. Eweneens kan jy maar aandag gee as diegene wat reeds bewys is as dienaars van die lig, die persoon se leringe veroordeel.

Dit is hoekom dit belangrik is dat ons ons omring met mense wie ons kan vertrou vir raad en advies. Baie van die sogenaamde “onderskeidings” bedieninge het bybedoelings en hulle eie agenda, maar daar is ‘n paar wat ons kan vertrou dat hulle ‘n gebalanseerde en objektiewe evaluering van ‘n bepaalde bediening sal maak. Hierdie mense, wat die gawe ontvang het om wagter vir die kerk te kan wees, kan ons baie tyd en navorsing spaar. (In die volgende artikel sal ons die vereistes vir ‘n goeie onderskeidingsbediening kyk.) Gaan hulle web-tuistes en ‘blog’ spasies na vir waarskuwings omtrent spesifieke bedieninge, sprekers en skrywers. Die Here het van hierdie wagters gesê: “as dan iemand die geluid van die basuin hoor, maar hom nie laat waarsku nie, en die swaard kom en neem hom weg, dan is sy bloed op sy hoof” (Eseg 33:4 OAV).

In die sesde plek: Wat is sy agenda? Dit kan gebeur dat ‘n spreker of skrywer al die toetse kan slaag maar dat hy steeds die verkeerde agenda kan hê. Dit is dus baie belangrik om die dryfveer en motivering agter sy optrede te ondersoek. Is dit geld, sy ego of mag? Het hy ‘n appeltjie met iemand te skil of is hy verbitterd? Is hy daarop uit om te bewys dat hy reg is en dat al die ander mense verkeerd is? Kyk en luister versigtig en die motief vir sy optrede sal na vore kom. As hy nie deur ‘n liefde vir God, ‘n liefde vir God se Woord en ‘n liefde vir God se kinders gedryf word nie, dan het hy in alle waarskynlikheid niks om te sê nie. Toe Jesus vir Petrus opdrag gegee het, was daar net een vraag wat saak gemaak het: “het jy My waarlik lief?” (Joh 21:15-17 OAV) Indien die spreker nie ‘n liefde vir Jesus uitstraal nie dan word hy gediskwalifiseer, maak nie saak hoeveel hy weet nie (1 Kor 13:1-3).

Tensy jy in die posisie is om ‘n skrywer of spreker se bona fides te bevestig, moet jy niks van hulle ontvang nie. Baie min mense sal welwetend die duiwel uitnooi om in hulle gemeente te kom preek, maar tog is daar baie wat maar net te gewillig is om sy afgevaardigdes en boodskappers toe te laat om in sy plek te praat. “Geliefdes, moenie enigeen glo wat sê dat hy die Gees van God het nie, want daar is nou reeds baie vals profete in die wêreld, maar ondersoek elkeen, ondersoek of sy gees van God afkomstig is” (1 Joh 4:1).

Bron: http://www.antonbosch.org/Articles/Afrikaans/Wie%20is%20Wie%20(Onderskeiding%205).html

Agur, ’n wyse man uit Noord-Arabië, bespreek in hierdie hoofstuk hoe klein die mens voor God is en dat sy kennis om God te verstaan, ver tekortskiet. Hy is so onder die indruk van die grote God, dat hy ’n waarskuwing rig om niks by te voeg wat Hy gesê het nie – jy kan dalk as ’n leuenaar openbaar word. (v6)

Hy wil nie vals wees of lieg nie. Valsheid is ’n masker wat mettertyd verkrummel en dan die ware jy vir die wêreld wys. In God se alwetendheid, weet Hy wie jy werklik is, waarom dan ’n ander beeld vir mense voorhou? Jy word daardeur as leuenaar uitgewys – iemand wat Agur nie wil wees nie.

‘n Leuen het sy begronding in die duiwel – hy is die vader daarvan en wat hy praat, praat hy uit sy eie (Joh 8:44). Jy sien, die leuen kan die waarheid net tydelik stilmaak, want waarheid is uit God en seëvier uiteindelik.

Agur se tweede versoek is om nie arm of ryk te word nie, want hy weet die meeste mense kan nie een van die twee hanteer nie: armoede kan jou laat steel en rykdom kan jou groot in jouself laat word. Die groter gevolg hiervan is egter dat die Here se eer deur ons hantering hiervan aangetas kan word: vir die ryke is Hy nie meer die Bron van alle seën en goeie gawes nie en vir die arme ook nie. Die een ontken Hom as Voorsiener en die ander onteer Hom deur dit wat hulle sê en doen.

Agur se versoek behoort ons aan te moedig om die Here te leer ken en in totale afhanklikheid van Hom te leef om in al ons behoeftes te voorsien sodat ons nie hoef te steel of ons beywer om ryk te word nie. Ons leuse behoort te wees: “As ons dan kos en klere het, moet ons daarmee tevrede wees.” (1 Tim 6:8)

Gebed: Gewer van alle goeie gawes, dankie dat U besorg is oor mense en vir ons sorg. Weerhou my om met die baie of bietjie in my hand, U Naam te onteer. U sorg mos!. Amen.

Bron: versndag.co.za

Om werklik die pad van die liefde te loop, is ‘n aanhoudende proses van fokus op God en op sy liefde vir jou. En omdat ons mense is en ons soms fokus sal verloor, kan ons aanvaar dat ons soms in die liefde sal faal, soms sal droogmaak en soms skaam sal wees oor ons liefdeloosheid. As liefde die belangrikste ding in ons lewens is, sal ons sulke tye gou besef dat ons afgedwaal het en sal ons vinnig weer die suiwer pad loop. En so, met ons hand in ons Vader s’n, sal ons die pad van liefde wel enduit kan loop.

Maak elke dag ‘n liefdesdag: ‘n dag waarin jy moeite doen om weer in die Skrif te delf op soek na die wysheid van die liefde en waarin jy probeer om meer daarvan uit te deel. Kyk anders na die mense om jou. Probeer hulle sien soos Christus hulle kan maak en leef dan teenoor hulle asof hulle dit reeds is.

Vader, u Woord sê vir ons dat die liefde alles kan oorwin en dat dit die heel belangrikste ding is wat ons ook kan doen. Daarom wil ek so graag elke dag in die kuns van goddelike liefde groei. Ek wil by U – die Meester van die Liefde – leer en saam met U elke tree van my pad gee. Sal U my asseblief vooruitgaan, Here en my dan tree vir tree die geheim van ware liefde wys.

Kyk maar na Suid Afrika, waar dr. Abel Pienaar en vele ander “ou kerk manne”, nou die leiers is van die nuwe beweging.

Die nuwe beweging sal nie gestop word nie, bloot omdat dit in die waarheid gevestig is, en bloot omdat dit die dele in boeke wat handel oor pratende slange, maagdelike geboortes ensovoorts aansien vir die snert wat dit is.

Net soos wat die vernietiging van apartheid nie gekeer kon word nie, net so gaan jy ook nie die vernietiging van irrelevante godsdienste kan keer nie.

Daar sal wel die wees wat bly vasklou aan mitiese gelowe, maar hulle sal in die minderheid wees.

Bron: http://afrikaans.news24.com/MyNuus24/Briewe/Christene-gou-n-minderheidsgroep-20110623

Cookie	Duration	Description
cookielawinfo-checkbox-analytics	11 months	This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional	11 months	The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary	11 months	This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others	11 months	This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance	11 months	This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy	11 months	The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.

NG Vishoek

NG Vishoek

Mens-wees in aksie

Sendeling Nuusbrief (11 Julie 2011)

Raak jy stil?

Dwaalpredikers beledig Kerk en teoloë openlik

Uitreik Nuusbrief 3

Uitreik Nuusbrief 2

Wie is wie?

Ek vra U….Weerhou My

Laat die liefde jou lei

Christene gou ‘n minderheidsgroep