Die hoofstad
Op 1 Mei 1860 het Pretoria die hoofstad van die ‘Zuid-Afrikaansche Republiek’ geword. Dit is as die hoogtepunt van die Groot Trek beskou. Die Boere se stryd om onafhanklikheid van Britse beheer was egter ver van afgehandel.
Die Eerste Anglo-Boereoorlog het op 12 April 1877 uitgebreek met Brittanje wat die ‘Zuid-Afrikaansche Republiek’ ge­annekseer het. Ook Pretoria is deur die Britte in besit geneem. Dit is ontruim en alle inwoners is in militêre kampe ge­huisves. Die Boere het Pretoria met sowat 800 – 1000 man beleër met altesaam agt Boerelaers wat die stad omring het.
Die beleg het van Desember 1880 tot Maart 1881 geduur. Die verdrag, wat die oorlog beëindig het en die onafhanklikheid van Transvaal hervestig het, is op 3 Augustus 1881 by die Pretoria-konvensie onderteken. Ná hierdie eerste groot kragmeting tussen Boer en Brit, het Brittanje besef dat die klein Republiek nie goedsmoeds oorwin sou word nie.

Besetting
Gedurende die Tweede Anglo Boereoorlog (1899-1902) is die stad, op 5 Junie 1900, onder bevel van generaal Frederick Roberts deur Britse magte ingeneem. Hierdie konflik is op 31 Mei 1902 amptelik met die Vrede van Vereeniging beëindig.

Unie
Met die totstandkoming van die Unie van Suid-Afrika op 31 Mei 1910, is Pretoria as een van die drie hoofstede gevestig: Bloemfontein was die geregtelike hoofstad, Kaapstad die wetgewende hoofstad en Pretoria die uitvoerende hoofstad.

Skeiding van mag
Hierdie skeiding van mag en funksie in die drie takke van burgerlike regering, is op die Bybelse patroon, wat deur God in die nasie van Israel ingestel is, gebaseer: Die uitvoerende gesag (die koning), wetgewende gesag (die raadsvergade-ring en die Sanhedrin), en geregtelikegesag (die ouderlinge en regters in elke gemeenskap). “Die Here is ons Regter, die here is ons Leidsman, die Here is ons Koning.” Jes 33:22.

Akademiese stad
Pretoria is een van Suid-Afrika se voorste akademiese stede. Tshwane Universiteit van Tegnologie (TUT) het bykans 60 000 studente. Die Universiteit van Suid-Afrika (UNISA), gestig in 1873, het verlede jaar 300 000 studente geregistreer, sommige uit 130 ander lande, en word beskou as ’n mega-universiteit. 
Die Universiteit van Pretoria (UP of Tukkies) is in 1908 gestig en bied ook die enigste veeartsenykundeskool in Suid-Afrika. Die Wetenskaplike en Nywerheidsnavor-singsraad (WNNR) is die grootste navorsingsorganisasie in Afrika en verskaf werk aan bykans 3 000 tegniese en wetenskaplike navorsers. 

Godsdiens
Daar is ’n aantal welbekende kerke in Pretoria. Moreleta Park-gemeente is met meer as 14 000 belydende en meer as 5 000 dooplidmate verreweg die grootste gemeente van die Nederduitse Gereformeerde Kerk ter wêreld. Ds. Dirkie van der Spuy is al meer as 25 jaar betrokke by hierdie kerk met die visie: ‘Jesus alles in elkeen’.
‘Hatfield Christian Church’ (met bywoningsgetalle van meer as 5 000) word gelei deur pastoor Francois van Niekerk. By 3Ci word op aanbidding, fellowship en sending gefokus.  Lewende Woord begelei verskeie gemeentes met behulp van hoofpastoor Nevil Norden.
Doxa Deo begelei verskeie gemeentes in Pretoria en het die doel voor oë om 12 stede na plekke waar God heers, te veran-der.  Hulle bereik dit deur op elke gebied betrokke te raak, insluitende die sakewêreld, media en regering. 

Naamverandering
Op 26 Mei 2005 het Die Raad vir Suid-Afrikaanse Geografiese Name (RSAGN), die naamsverandering van Pretoria na Tshwane goedgekeur. 
Daar was egter so ’n heftige teenkanting teen die naamsverandering, met talle interdikte en hofaksies, dat die naamkwessie vir eers blyk met rus gelaat te word en dat die Jakarandastad as Pretoria mag voortbestaan.

Bron:  juig.co.za

NGVishoek: Ds. ( dominee ) Martin Barnard.

Drie doen-dinge vir Jesus-mense om te verinnig in jou geloofsverhouding met God in jou.

Hoekom myself mooi maak? Want:
• Die Lam van God het sy lewe vir jóú gegee aan die kruis (Openbaring 5 en verskeie ander plekke);
• Jý wat glo in Hom, word én sal níe geoordeel word nie (die simboliese wraakbakke van Openbaring 16 word nie op jóú uitgegiet níe);
• Jý het die onbeskryflike groot voorreg om in ‘n volledig nuutgemaakte liefdesverhouding met God nou en vir altyd te lewe (“Kyk, Ek maak alles nuut.” Openbaring 21:5);
• God is alles en nog meer vir jóú (Openbaring 21:3-4);
• Jý ontvang God se oorvloed en rykdom sonder enige inspanning en slegs deur sy onverdiende guns (Openbaring 21:6-7);
• God ís reeds besig om met die goddeloosheid en goddeloses af te reken op die mees verdoemende wyse (Openbaring 21:8); én
• Die volheid van die Gees van God is in jóú (simbolies in Openbaring die “sewe Geeste van God”).

Hoe maak ek myself mooi?
• Gee 100% geleentheid vir die Gees van God ín jou om sý mooi-maak-werk te doen;
• Gee 100% jóú medewerking in sy mooi-maak-werk in jou; én
• Waardeer, geniet, bewonder … God se heerlikheid in júl nuut-wordende liefdesverhouding.

Die Bruidegom kan enige sekonde kom, Jesus ís gereed om weer te kom … is jý gereed?

Bron:  http://doomcharl.blogspot.com/

NGVishoek: Ds. ( dominee ) Martin Barnard.

Andy Stanley, pastoor van North Point Community Church, moedig sy gemeentelede aan “to do to one what you would want to do to the world.” Al kan jy nie die wêreld red nie, kan jy in een persoon se lewe ’n verskil maak. Hy vertel die verhaal van Lara (skuilnaam) wat een aand na ’n erediens hom vra om haar te help. Sy was ’n dwelmverslaafde en het na sy preek geluister oor vergifnis en besef sy het Christus in haar lewe nodig. Saam met hulle hulp begin sy haar pad van rehabilitasie stap. Sy kom telkens op haar voete net om weer terug te val in verslawing. So gaan dit jare aan en is daar teleurstelling aan albei kante. Hulle is egter geduldig, vou haar met liefde en geduld toe en gee die onvoorwaardelike aanvaarding wat sy nooit gehad het nie. Na jare se stryd gee sy haar lewe aan God en begin haar lewe sonder dwelms. Sy is so begeesterd met haar nuwe lewe dat sy later met ’n bediening begin vir dwelmverslaafdes en mense wat in gewelddadige verhoudings was.

Ons Hemelse Vader skryf ons egter nooit af nie en is altyd daar om ons met liefde en oop arms te ontvang. Vir Hom is dit slegs belangrik dat ons na Hom toe draai. Hy droog ons trane af en maak ons heel en Hy is bereid om te wag op ons. Al vat dit jare is Hy steeds geduldig. Hy tel ons op; keer op keer daar waar ons in die modder lê. Sy geduld met ons is oneindig; Sy liefde is soveel dat Hy sy Seun gee om in ons plek te sterf.

In elk van ons se lewe is daar sulke afvlerk mense, mense wat lank vat om op hulle voete te kom en waar verhoudings in skerwe is. Dit is dalk ’n broer, ’n suster, ’n afvlerk kind — iemand wat nodig het

om op hul eie tyd, in ’n veilige ruimte van onvoorwaardelike liefde, tyd te kry om heel te word. Soms vat hierdie gesondword proses jare en dit is dan wat ons moedeloos word en dink hierdie persoon gaan nooit verander nie. Ons verstaan dalk nie altyd hoekom hierdie gesond word so lank neem en wil dan tou opgooi en wegstap van iemand wat ons liefde en bystand nodig het. Hy/sy sal nooit verander nie!

Stephen Kendrick vat dit so goed saam in The Love Dare: “The only way love can last a lifetime is if it’s unconditional. The truth is this: love is not determined by the one being loved but rather by the one choosing to love.”

Kom ons toets ons verhoudings aan die maatstaf van 1 Korintiërs 13:4-7: “Die liefde is geduldig, die liefde is vriendelik; dit is nie afgunstig nie, is nie grootpraterig nie, is nie verwaand nie. Dit handel nie onwelvoeglik nie, soek nie sy eie belang nie, is nie liggeraak nie, hou nie boek van die kwaad nie. Dit verbly hom nie oor onreg nie, maar verheug hom oor die waarheid. Dit bedek alles, glo alles, hoop alles, verdra alles.”

Bron:  ekerk

NGVishoek: Ds. ( dominee ) Martin Barnard.

Jesus sê in Matteus 18 dat as ons nie verander en kinders word nie, dan sal ons nooit die koninkryk van God sien nie. Groei in Sy teenwoordigheid gebeur agterstevoor. Groei maak ons kleiner. Dit maak ons broos en afhanklik van God. Dit maak dat ons in eenvoud vreugde vind. En dat ons nie meer ons groot ego’s in stand hoef te hou wat “gevoer” moet word deur vleitaal, aandag, komplemente en erkenning nie. Wanneer ons naby Jesus loop, groei die Here en mense rondom ons altyd onder ons uit. Dan kyk ons gedurig op na Hom en na mense rondom ons. Met verwondering sien ons heeltyd God se handewerke in hulle lewens raak.

Bron:  ekerk

NGVishoek: Ds. ( dominee ) Martin Barnard.

Jy het sekerlik al die verwoesting gesien wat olifante aan die natuur kan aanrig, hoedat hulle bome kan breek ens. Die sterkste dier in die natuur, geweldige krag, majestueus, bang vir niks, niks keer hom nie. As hy kwaad word, hardloop jy nie, jy hardlóóóóp! En daar staan hy by die sirkus vasgemaak met ‘n tou aan ‘n paaltjie. Hy hoef nie eens te trek nie, hy kan net wegloop …

Só is dit dalk met my en jou ook. Wat bind jou aan ‘n nietige paaltjie vas? Wié bind jou daaraan vas? Hoe lank gaan jy nog glo dat jou krag beperk is tot ‘n garingdraad? Jy sien, God het jou meer gemaak as ‘n sirkusdier wat gekondisioneer is om te glo dat hy verlaag is tot niks nie.
Fil 4:13: “Ek is tot alles in staat deur Hom wat my krag gee”. God het vir my en jou geskep na Sy beeld, Hy het sóveel in jou ingebou, dat jy nie nodig het om vasgebind te staan aan ‘n paaltjie nie.

Wie maak jou vas? Wie ontneem jou jou innerlike krag?
· Soms is dit jyself, omdat jy nie verstaan dat God genot in jou vind nie. Miskien is dit omdat jy nog sukkel om oorwinning te kry oor ‘n slegte gewoonte, of ‘n sonde vertroetel. Miskien verstaan jy nog nie God se genade nie. Sef 3:17: “Die Here jou God is by jou. Hy, die Krygsman wat red, is vol vreugde oor jou. Hy is stil-tevrede in Sy liefde, Hy jubel en juig oor jou“
· Soms bind ander mense ons met iets wat hulle oor ons sê; miskien is dit selfs net iets wat iemand baie lank terug gesê het, en dit “spook” vir ewig by jou. Ons steur ons nou maar eenmaal te veel aan ander mense se uitsprake en opinies. Ons maak staat op mense en word dan teleurgestel. Jes 2:22: “Moenie op mense staatmaak nie; hulle blaas so maklik die laaste asem uit. Hulle is min werd”. Hierdie teks se bedoeling is nie om mense sleg te maak nie, dit sê net dat God alleen die volmaakte toevlug is.
· Satan probeer natuurlik ook om ons vas te bind, deur ons te laat glo dat ons niks is nie. Hy is goed daarmee om jou aan jou swakheid te herinner. Nee wat, hy beteken niks. Hy is klaar oorwin.

Wat is dit wat ons terughou van ‘n vervulde lewe?
· Ongeloof – om nie te glo dat God ons baie, baie spesiaal gemaak het nie. Wat meer wil jy hê as om te weet dat jy na Sy beeld geskape is? Ps 8:5-6: “Wat is die mens dan dat U aan hom dink? Die mensekind dat U na Hom omsien? U het hom net ‘n bietjie minders as ‘n hemelse wese gemaak, en hom met aansien en eer gekroon.”
· Twyfel – twyfel in jouself, in jou vermoëns, twyfel in jou status voor God. Twyfel dat God regtig vir jou lief is en omgee. Twyfel kan die grootste reus terughou en hom laat dink hy is niks werd nie.
· Jou verlede – dit hou ons dikwels aan ‘n ou klein houtpaaltjie vas. Ons het nou maar eenmaal die geneigdheid om eerder agtertoe te kyk as vorentoe. Miskien is dit omdat die verlede bekend is en die toekoms onseker? So sukkel ons dan om uit die wegspringblokke te kom.

 
· Kondisionering – omstandighede, gebrek aan visie of dryf, gebrek aan ‘n voorbeeld van ‘n ouer is dinge wat ons kan kondisioneer om te glo ons kan eenvoudig nie, of ons is nie tot meer in staat nie.

Ons moenie langer soos ‘n olifant aan ‘n paaltjie vasgemaak staan nie. Dit is nou tyd om daardie paaltjie uit te pluk. Maar hoe?
· Neem die plek in wat God vir jou bedoel het in. Gaan staan in die oorwinning van die krag wat die Here in jou ingeplant het.
· Hou op om vas te hou aan iets wat iemand dalk in die verlede oor jou uitgespreek het. Verbreek dit, bestraf dit in die Naam van Jesus.
· Verander jou lewensuitkyk van negatief na positief. Dit is nét jou keuse. Hou op om jouself bloot te stel aan negatiewe gesprekke, of negatiewe media.
· Staan die duiwel teë en hy sal van jou af wegvlug. As hy jou teister, jaag hom net weg. Watse houvas het die duiwel op jou? Wel, hy het miskien net die verlede, maar die Here is Koning oor jou toekoms. So, as die duiwel jou herinner aan jou verlede, herinner hom aan sy toekoms … vir ewig in die hel!

 
· As jy swak voel, en vasgebind voel, gaan soek jou krag in Jesus Christus. As omstandighede jou krag tap, sê wat Paulus gesê het in 2 Kor 2:10: “Daarom is ek bly oor swakhede, beledigings, ontberings, vervolging en moeilikhede ter wille van Christus, want as ek swak is, is ek sterk”

Bron: heuning.co.za

NGVishoek: Ds. ( dominee ) Martin Barnard.

O dood waar is jou angel?

O hel waar is jou oorwinning.

Christus het opgestaan en die hel is oorwin. Christus het opgestaan en die duiwels het geval. Christus het opgestaan en die engele verbly hulle. Christus het opgestaan en die lewe regeer.

Hierdie kommentaar is deur Johannes Chrissostomus (347 – 408) geskryf. Hy was die aartsbiskop van Konstantinopel. Hy is in Antiogië gebore. Hy kry later die titel Chrisostomus wat “goue mond” beteken, want hy was so ‘n goeie prediker. Hy word deur beide die Oosters-Ortodokse en Rooms-Katolieke kerke as heilige erken. Hy is bekend vir sy Divine Liturgy of St. John Chrysostom, en sy groot aantal preke – insluitend 67 preke oor Genesis, 90 oor die Matteus-evangelie en 88 oor die Johannes-evangelie.

Hierdie kommentaar kom uit sy preek:  “Easter Sermon by John Chrysostom” in Service Book of the Holy Orthodox-Catholic Apostolic (Greco-Russian) Church vertaal deur Isabel Florence Hapgood (New York: Riverside Press, 1906), 235–236.

Verdere leesstof

“Incarnation” en “Two Natures” in Concise Theology, deur J. I. Packer.

Gebed

Ek kan niks meer doen as om vir jou te bid nie … ek vra dat God Hom oor jou sal ontferm, en jou versorg en vir jou die beste vir jou siel voorsien; dat God self sal onderneem om jou hemelse Vader te wees en die magtige Verlosser van onsterflike siele. Moenie nalaat om vir julleself te bid nie … Bid voortdurend vir God in die geheim en onthou van daardie groot dag wat jy voor God se oordeelstroon sal verskyn. Amen

Hierdie gebed is deurJonathan Edwards (1703–1758) geskryf. Hy was ‘n koloniale Amerikaanse prediker en filosoof. In 1726 word hy die pastor van ‘n gemeente in Northampton, Massachusetts. Hy is veral bekend vir sy beroemde preek:  “Sinners in the Hands of an Angry God” sowel as vir die baie boeke wat hy geskryf het – insluitend The End For Which God Created the World en A Treatise Concerning Religious Affections. Hy sterf as gevolg van ‘n inenting teen pokke kort nadat hy die president van die College of New Jersey (later Princeton Universiteit) geword het.

Hierdie gebed kom uit: “Farewell Sermon: Memoirs of Jonathan Edwards” in The Works of Jonathan Edwards, Volume 1 (London: William Ball, 1839), ccxlviii.

Copyright © 2012 by Redeemer Presbyterian Church

NGVishoek: Ds. ( dominee ) Martin Barnard.

Vir elke gesonde mens, is dit bedoel om sonder inspanning asem te haal. Om die waarheid te sê, ons haal die grootste deel van elke dag en nag asem sonder om daaraan te dink. Alle mense, Jesus-mense en nie-Jesus-mense, ontvang lewe en asem en alles van God, wat die wêreld met alles wat daarin is, gemaak het. Asemhaal is nie bedoel om enige inspanning, plig of prestasie te wees nie. Asemhaal vind spontaan, outomaties en stilweg plaas, maar altyd met God se direkte en permanente vermoë. So word alle mense aan die lewe gehou deur die vermoë om asem te haal. Met uitblaas van die laaste lewensasem, tree die finale fisiese dood in.

Dit bring ons by die volgende doen-ding vir Jesus-mense, naamlik om asem te haal, nie net fisies nie, maar ook geestelik. Vir ons wat Jesus-mense is, is daar ‘n onontbeerlike gawe van Lewensasem: die asem van die Gees van God wat die ewigdurende lewe deur die opgestane Jesus is! Híérdie Lewe kom slegs in asemhalende mense deur bekering. Om die hoofletter Gees in te asem, is ‘n goddelike werking wat geen inspanning, plig of prestasie vra nie. Dis spontaan, outomaties en stilweg, want só en net só, werk God in Jesus-mense. En eers wanneer jy só asemhaal deur die hoofletter Lewe in jou, lewe jy werklik!

“asemhaal” is verseker ‘n werkwoord, in die Verklarende Woordeboek beskrywe as “die intrek en uitstoot van lug deur die longe”. So is dit ‘n doen-ding vir Jesus-mense. Kom ons oortree die reëls van Bybelverklaring en pas dit allegories toe: die “intrek van lug” is die soeke na God, om gedurig op te let na Hom in jou; en die “uitstoot van die lug” is die sigbaarmaking na buite van Hom in jou, dat ander mense Hom in jou kan sien.

Alles wat deur God van ‘n Jesus-mens verwag word om te doen, is alleen moontlik deur God se innerlike en innige werking van sy Gees in jou. En asemhaal is ‘n akkurate beskrywing van God se werk in jou en jou medewerking: trek die lewe-gewende Gees-asem diep in en blaas die lewens-veranderende Gees-asem uit.

Bron:  http://doomcharl.blogspot.com/

NGVishoek: Ds. ( dominee ) Martin Barnard.

Vandag is dit slegte nuus wat hoofopskrifte haal, maar ons moet dinge altyd vanuit ’n positiewe uitgangspunt van geloof sien, en nie vanuit ongeloof nie. Die tien spioene wat uit die Beloofde Land teruggekeer het, het oor die reuse gesê: “Ons is soos sprinkane voor hulle.” Hulle moes net na die reuse vanuit God se perspektief gekyk het. As hulle dit gedoen het, sou hulle besef het dat die Bybel sê ons is “meer as oorwinnaars”.

Woorde ontketen emosies
Ons word onderrig dat ons baie versigtig moet wees oor die woorde wat ons gebruik om ons situasie te beskryf. Die woord ‘werkloos’ het al amper ’n vloekwoord in ons samelewing geword. Dit ontketen soveel negatiewe emosies. Die nega-tiwiteit van die woord veroorsaak dat ’n mens se kop hang.

Verander jou sienswyse
Michael verduidelik verder watter impak die openbaring daarvan om ‘in ’n oorgangsproses van een werk na die volgende te wees’ op hom gemaak het: “Om jou sienswyse van ‘werkloos’ na ‘oorgangsproses van een werk na die volgende’ te verander, gee jou weer hoop. Dit is soos om vanuit ’n donker put op te kyk en die lig te sien. Vrydagoggende by Jacob’s Well hoor ons dat dit in orde is om soms ontmoedig te voel, maar hulle help jou om jou kop op te lig, en weer moed te skep. Om by ander mense te wees wat in soortgelyke situasies is, onderskraag ’n mens omdat jy besef dat jy nie die enigste een is nie. Om te hoor hoe eerlik ander is oor hoe hulle gevoel het voordat hulle by Jacob’s Well uitgekom het, laat ’n mens besef dat jy nie die enigste een is wat gedink het dat jou probleme onoorkomelik is nie. Om hier te wees, het my gevoel van eiewaarde herstel, want soms kan die duiwel jou laat voel asof jy ’n mislukking is. Hier word jy ondersteun deur mense wat verstaan waardeur jy gaan. Hulle omgee strek verder as net ’n koppie koffie. Hier leer jy dat daar altyd hoop is en dat jy die ondersteuning van ander het sodat jy uit daardie donker put kan klim en na die lewe met hernieude visie kan kyk. Dankie Here, vir plekke soos Jacob’s Well.”

Kies jou woorde
By Jacob’s Well verstaan ons dat dit baie spanningsvol kan wees om in ’n oorgangsproses van een werk na die volgende te wees; dus moedig ons jou aan om nooit moed te verloor te midde van die probleme nie. Niemand kan sê dat hulle nie probleme het nie. Probleme is deel van die lewe, maar jy het ’n keuse hoe jy die probleme gaan takel deur jou woorde versigtig te kies!

Die mag van die tong
Jou keuse om positief te wees, moet in jou spraak na vore kom. In die Bybel lees ons van Esegiël wat in ’n laagte omring was met droë bene. God het hom gevra: “Mens, kan daar in hierdie bene weer lewe kom?” Esegiël het geantwoord dat dit nie moontlik is nie, maar toe sê die Here dat hy die bene moet aanspreek en lewe oor hulle moet profeteer (Eseg 37:4-6). Die groot les hierin is dat ons ook in ’n situasie vol droë bene mag wees waar daar geen hoop is nie. Moenie tou opgooi nie! 

Onthou hierdie kragtige woorde: “Dood en lewe is in die mag van die tong; en elkeen wat dit graag gebruik, sal die vrug daarvan eet.”Spreuke 18:21. 

MYAN SUBRAYAN is in Durban gebore. Hy is ‘n lewensafrigter, spreker, en skrywer. Kontak hom by www.hope2overcome.org

Bron:  juig.co.za

NGVishoek: Ds. ( dominee ) Martin Barnard.

2. Waar het die naam vandaan gekom? Van die Romeine af. In ʼn poging om Judea van sy Joodse invloed te bevry, het die Romeine in die middel 130’s n.C. die gebied Filistea (Palestina) genoem. Hulle het genoeg gehad van die Joodse opstande en het besluit om die Jode te deporteer en die gebied se naam te verander. Die naam kom van die antieke Filistyne (wat geen verband het met hedendaagse Arabiere nie. Die Filistyne is in 1 200 v.C. uitgedelg ). Die gebied was ʼn streek, nie ʼn nasie nie. Voor Arafat was daar nog nooit ʼn president, of ʼn regering van Palestina nie. Dit kan vergelyk word met New England wat ʼn streek in Amerika is en geen regering het nie.

3. Die VN stemming het nie net aan Israel die outoriteit verleen om ʼn staat te stig nie, maar het ook aan die Arabiere wat aan die westekant van die Jordaanrivier gewoon het, die reg gegee om ʼn onafhanklike land te stig. Die Arabiere het dit verwerp. Hulle kon in 1948 hulle eie nasie gehad het, maar hulle het die aanbod van die hand gewys. Die Jode het dit aanvaar en op 14 Mei 1948 het Israel herleef. Die Arabiere wat agtergebly het, het deel van Jordanië geword.

4. Toe die PBO (Palestynse Bevrydingsorganisasie) gestig is, was Jordanië in beheer van die Wesbank. Die doel van die PBO was om Palestina te bevry. Die Wesbank was egter reeds in Arabiese hande. Hulle wou Israel hê. Met ander woorde, as hulle doel was om ʼn onafhanklike Palestynse staat in die Wesbank te stig, moes hulle Jordanië beveg het, nie Israel nie! Natuurlik was hulle uiteindelike doelwit die ondergang van Israel.

5. Voordat Israel in 1948 herleef het, is iemand wat in daardie streek gewoon het, as ʼn Palestyn beskou: hetsy hy ʼn Arabier of Jood was. Die Joodse koerant was die  ‘Palestine Post’. Waarom sou ʼn Joodse persoon sy koerant na ʼn ander bevolkingsgroep vernoem? Waarom sou enige Joodse persoon sy koerant na ʼn Arabiese land vernoem?

6. Jerusalem was die eerste hoofstad van Israel onder die koningskap van Dawid. Dit was nog nooit die hoofstad van enige ander land nie  ̶  insluitend Palestina. Dit was nog nooit van belang vir die Arabiese mense nie (nie tot Israel dit beheer het nie). Met ander woorde, jy sal nie hierdie woorde in die Koran vind nie, maar wel in die Hebreeuse Skrifte: “As ek jou sou vergeet, Jerusalem, mag my regterhand dan verlam raak. Mag my tong aan my verhemelte vaskleef as ek aan jou nie dink nie, as Jerusalem nie my grootste vreugde bly nie.” Psalm 137:5,6.

7. Toe Israel, Jerusalem in 1967 verower het, was dit nie van Palestyne nie, maar van Jordaniërs. Hoekom het Palestyne Jerusalem nie opgeëis toe Jordanië dit beheer het nie (1948-1967)? Hoekom het Jordanië nie ʼn onafhanklike Palestynse staat in die Wesbank  geskep nie? Dit was sekerlik binne hulle vermoë. Die rede hiervoor is eenvoudig  ̶  Jordaniërs het geen onderskeid getref tussen Arabiere wat oos of wes van die Jordaan gewoon het nie. Hulle was almal Jordaniërs.

8. Israel was nie van plan om Jordanië gedurende die Sesdaagse Oorlog aan te val nie. Koning Hoesein het egter die vals berigte van president Nasser geglo dat Egipte besig was om die oorlog te wen. Koning Hoesein het Israel aangeval in die hoop om meer grondgebied te bekom. Sy weermag is egter binne ʼn paar dae oor die Jordaanrivier teruggedryf. Dit is hoe Jerusalem in 1967 deur Israel verower is. 

9. Daar is geen taal wat as Palestyns bekend staan nie. Die Palestyne praat Arabies, soos die Jordaniërs, Siriërs en Egiptenare, die tale wat hulle praat is almal net streeksdialekte van Arabies.

Ron Cantor is die direkteur van ‘Messiah’s Mandate International. Volg hom op @RonSCantor op Twitter.

Bron:  juig.co.za

NGVishoek: Ds. ( dominee ) Martin Barnard.

NGVishoek: Ds. ( dominee ) Martin Barnard.