Brak water is nie goed vir ankers nie.
Sy is ’n spreekwoordelike skip wat swaar trek aan ’n anker met onewe oppervlak. Roes, mengelmoes van kleur. Grof en lelik.
Beskadigde goods.
Sy is blootgestel aan die ontnugtering van teleurgestelde hoop. Maar sy kies wéér om hoop in te asem, die verbintenis met suurstof uit te daag.
Die Anker wat lewe gee sal gemaklik opsetlik, vaslê in ’n hawe vol uitdagings – polish van Gees as salf.
Die groot Geneesheer. Hy glimlag in die blik van dreigende diep waters. Hy anker weer haar siel. Korrosie en roes sal nie verniel.
Dis Hy alleen wat op die water kan vasstrap en uitlig tot die storm bedaar.NGVishoek: Ds. ( dominee ) Martin Barnard.
NGVishoek: Ds. ( dominee ) Martin Barnard.
Goedkeuring van sonde
In ’n artikel, ‘The Death Of Shame’ wat in The Mail Online verskyn het, het Bel Mooney, wat weer eens nie self ’n Christen is nie, geskryf hoe die samelewing dít wat eens as verkeerd en sondig beskou is, veralledaags – met ernstige gevolge vir die hele samelewing. ’n Advertensie wat slenterseks (‘one night stands’) as ’n plesiertjie afgemaak het en ten spyte van talle besware, tog deur die advertensiebeheerliggaam van Engeland skadeloos verklaar is, het aanleiding tot die artikel gegee. Sy bely dat sy self in die verlede nie onskuldig was nie en voer aan dat wanneer die skaamtegevoel van ’n hele samelewing verlore gaan, ons ernstige probleme op hande het. Die Bybel praat van ’n tyd wanneer sonde nie net gedoen sal word nie, maar ook goedgekeur sal word. Romeine 1 praat van ’n komende seisoen wanneer die mensdom ’n gebrek aan insig sal hê, en hulle onverstandige harte so sal verduister dat hulle nie reg van verkeerd sal kan onderskei nie. “Hulle is mense wat die verordening van God ken dat dié wat sulke dinge doen, die dood verdien, en tog doen hulle nie net self hierdie dinge nie, maar hulle vind dit ook goed as ander dit doen.” Rom 1:32.
Wat is sonde?
Die bekende koerant, USA Today, het onlangs ’n artikel gepubliseer oor ’n opname wat hulle gedoen het. Die titel van die artikel was, ‘Has The Notion Of Sin Been Lost?’ Die opname het bevind dat die meeste Amerikaners steeds in sonde glo. Om die waarheid te sê beweer 87% Amerikaners dat hulle in die bestaan van sonde glo. Die probleem is dat ‘sonde’ deesdae heromskryf word . Die opname het bevind dat dít was eens as ‘sonde’ of ‘sondig’ bestempel is, toenemend as normaal aanvaar word. Wanneer daar dus oor ‘sonde’ gepraat word, verwys dit nie noodwendig meer na dieselfde dinge as wat tradisioneel as sondig beskou is nie. Daar is bevind dat dinge soos dobbel, voorhuwelikse seks, saamwonery, gay-verhoudings, ens., nie meer as sondige kwessies beskou word nie – om jou egter daarteen uit te laat of dit te veroordeel, wel.
Gebrek aan oortuiging
Dit is hartseer dat hierdie benadering selfs onder Christene ’n groeiende neiging is. Die samelewing word deur die sekulêre media, veral televisie, deurweek van lewenswyses en gedrag wat voorheen onaanvaarbaar sou wees, maar nou normaal geword het. Ons is nie meer geskok nie en neem nie meer aanstoot nie; ons sien dit daagliks op ons skerms, in ons wonings. Die teksgedeelte in Romeine het waar geword: “en tog doen hulle nie net self hierdie dinge nie, maar hulle vind dit ook goed as ander dit doen.” [Ons glanskultuur.] Die profeet Jeremia spreek sy situasie aan en dit is baie van toepassing op die tye waarin ons leef: “Wanneer hulle aan die kaakgestel word oor die gruwelike dinge wat hulle gedoen het, skaam hulle hulle nie eens nie, hulle weet nie van skaamte nie.” Jer 6:15.
Maak sonde vir jou saak?
Christene het ‘sag’ geword oor sonde. Selfs die sekulêre media het opgemerk dat die ‘S’-woord in baie kerke nie gewild is nie. Wanneer ons streef daarna om positief te wees, is om oor sonde te praat ’n bietjie lastig en ongemaklik. Mense hou nie daarvan om te hoor dat sonde wel saak maak nie, dat dit vernietigend is en tot God se oordeel lei nie. Die ou cliché dat die bose floreer wanneer goeie mense niks doen nie, is geldig. In baie situasies het die Kerk stilswyend oor sonde geword. So moeilik soos dit is, bly dit steeds die plig van die Kerk en Christene om die wêreld te waarsku dat sonde saak maak, selfs wanneer die wêreld dit nie wil hoor nie.
Kompromie bedroef God
Michael Horton van Westminster Seminarium het ’n koeranthoofopskrif opgemerk, “To hell with sin when being good is enough.” Hy het gemerk dat daar ’n verskuiwing is, weg daarvan om met sonde af te reken na ’n ‘positiewe’ Evangelie wat aantreklik is vir die voordeel wat ons daaruit kan trek. Hy merk verder op dat ons geluk met heiligheid vermeng. Wat nou saak maak, is dat ons almal gelukkig is en alles het wat ons benodig. God word die middel tot ’n doel. Tensy ons erken dat sonde ’n ernstige probleem is en God se oplossing vir die probleem toepas, loop ons volgens die Bybel gevaar om “’n ander Evangelie” te verkondig. Galasiërs 1:6-9. Dit is nie negatief om ’n ernstige probleem aan te spreek en dit by name te noem nie. Dit is liefdevol en barmhartig om dit te doen. Geen dokter gee voor dat alles goed gaan wanneer ’n ernstige siekte die pasiënt se lewe bedreig nie. In ’n selfvernietigende wêreld waar miljoene mense dieper en dieper in sonde verval en die gepaardgaande gevolge dra, moet die boodskap dat sonde saak maak, weer onverskrokke gepreek word.
Sonde het ernstige gevolge
Baie mense blameer die Bybel en die Christendom vir die wêreld se probleme. Die aandrang is dat almal gaaf en aanvaardend moet wees en nie oordeel nie. Alle gedrag word as relatief beskou; ’n persoonlike keuse. Inteendeel, baie mense betwis enige idee van sonde en verantwoordbaarheid. “Doen wat jou ookal gelukkig maak,” is die mantra. As Christene glo ons egter dat die pro-bleme van, en die wroeging in die wêreld nie as gevolg van die aanspreek van sonde is nie, maar juis omdat sonde geïgnoreer en heromskryf word. Alhoewel ons weet dat God op die ou end alle sonde sal oordeel en dat almal dan verantwoording gaan doen, bring sonde in die werklikheid van ons daaglikse lewe nietemin ernstige gevolge mee. “Ons maai wat ons saai”. Ons sien dit oral: in die politiek, die samelewing en in die daaglikse lewe van gewone mense. Daar is ’n koste verbonde aan oneerlikheid. Daar is ’n koste verbonde aan onsedelikheid. Daar is ’n koste verbonde wanneer God se Gebooie geïgnoreer word. Sy Gebooie is nie willekeurige reëls wat Hy daargestel het om ons pret en geluk te beperk nie. Hulle is daar om ons te beskerm en geestelike gesondheid en seën in ons lewens en in die hele samelewing te bring
God sal jou vergewe as jy jou sonde bely, moet dit nie verberg nie
Dawid skryf, toe hy met sy eie sonde worstel: “Dit gaan goed met die mens wie se oortredings nie gestraf word nie, wie se sonde vergewe word. Dit gaan goed met die mens vir wie die Here die oortreding nie toereken nie en in wie se gees daar geen valsheid is nie. Toe ek oor my sonde geswyg het, het my liggaam uitgeteer soos ek heeldag om hulp geroep het. U hand het dag en nag swaar op my gedruk, my krag het opgedroog soos water in somerhitte. Toe het ek my sonde bely, my oortreding nie weggesteek nie. Ek het gesê: ‘Voor die Here bely ek my opstandigheid;’ en U het my skuld vergewe.” Ps 32:1-5.
Erken die realiteit van sonde
Ons jongmense moet geleer en daaraan herinner word dat die “loon wat die sonde gee, die dood [is]; die genadegawe wat God gee, die ewige lewe [is].” Rom 6:23. Selfs die sekulêre samelewing begin erken dat om te leef soos jy wil, jou duur te staan kan kom. Dr. Menninger se vraag oor wat van sonde geword het, spruit uit sy beroep as ’n psigiater en die jare wat hy bestee het aan die waarneming van mense en om hulle te probeer help. Hy het tot die slotsom gekom dat geestesgesondheid en sedelike gesondheid identies is. Hy het die erkenning van die realiteit van sonde as ’n geleentheid beskou om hoop aan ’n beangste en siek wêreld te bied; die hoop in voorkoming van die probleme. Die Psalmdigter het dit verstaan: “Hoe kan ’n jongmens sy lewe skoon hou? Deur hom te hou aan U woord!” Ps 119:9.
Die antwoord op ons sondige probleem is slegs in Christus
Ons moet sonde sien vir wat dit is: dit is nooit ’n bietjie skadelose skietgee nie, maar ’n verslawende en vernietigende krag; ’n rebellie teen God en Sy standaarde. Ons moet sonde sien soos die Skrif dit omskryf; soos God dit sien en nie volgens die gewilde mening as verwysing nie. Daar is geen ware vryheid behalwe die vryheid wat Jesus skenk nie. Hy is die enigste oplossing vir menslike sondigheid en al die gepaardgaande gevolge daarvan. Hy is die enigste Verlosser. Hy het die prys betaal wat niemand anders kon betaal nie. Hy bring vergifnis en vryheid en skenk dit as ’n gawe aan dié wat hulle sonde bely het, met sonde afreken en wat vertrou op God se genade om hulle van sonde te weerhou. Hoewel niemand sondeloos is nie, leef ons met die wonderlike belofte dat : “Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid.” 1 Joh 1:9. Ons kan sonde omskryf en herklassifiseer soveel ons wil, maar dit is slegs wanneer ons met sonde op ’n Bybelse ma-nier afreken dat ons genade en vryheid sal vind.
Bron:juig.co.za NGVishoek: Ds. ( dominee ) Martin Barnard.
Terwyl dinge steeds hooploos is, dink hy terug aan die verloop van sy lewe. Hy dink aan die verlede en hoe hy na die Here gegaan het toe dinge moeilik was. Hy dink terug aan die tye wat daar fees gevier is en die redes vir die blydskap in sy lewe. En die verrassende ontdekking: hy het dit reggekry om fees te vier, al was daar storms. En dit voel asof “U het golf na golf oor my laat slaan.” (vers 8)
MAAR die Bron van hoop, is steeds sy helper en sy God …
… vir my en jou bly God steeds wie Hy is, niks of niemand kan dit verander nie: Hy is die lewende God, Hy is my helper en my God, my Rots, my skuiling!
Vandag leef ek Hom raak, al lyk dinge hoe sleg, want “tog sal die Here weer op ‘n dag sy trou laat blyk …” (vers 9). “Ja, ek sal weer vir Hom ‘n loflied sing.” (vers 12)
Hier is die geleentheid vir elkeen wat hooploos voel: leef jou eie persoonlike Bron van hoop raak in jou eie unieke ellende, én vertel vir ander hooplose mense Wie Hy vir jou is! Raak eerstehands bewus van jou eie woorde om Hom te beskrywe, of praat die Psalmskrywer na in die woorde in sy Woord oor wie Hy vir jou is.
Laat die Gees op jou hart skrywe wie die Bron van hoop vir jou, in jou eie lewe is!
Bron: http://doomcharl.blogspot.com/ NGVishoek: Ds. ( dominee ) Martin Barnard.
Jesus bars egter vinnig sy mede-gaste se borrel. Hy vertel dat hulle nooit moet laat loop vir die kollig nie. Die lewe gaan nie oor self-bevordering, self-verbetering of ’n opwaartse reis teen die sosiale leer nie. Ons lewe nie om meer openbare erkenning, eer of mag te behaal nie. Inteendeel, lewe in die teenwoordigheid van God gaan oor nederigheid. Dit gaan oor onderbeklemtoning en om op die agterste plek te sit. Dit is om terug te hou, tweede viool te speel en om jou volle vertroue heelhartig in God se hande te plaas om sy eer aan jou te skenk as en wanneer dit Hom pas. Eer is nooit ’n openbare aanspraak op eiewaarde onder volgelinge van Jesus nie. Nóg streef jy om erkenning te bereik ten koste van ander. Eer is ’n geskenk van God. Hy skenk dit wanneer en waar Hy goeddink.
Om meer status of roem te bekom deur ander te klop of uit te oorlê is om die ware spel van die lewe te verloor in die oë van Jesus. Dit is om skandelik op te tree. Dit maak ’n bespotting van God se genade. En dit is ook waarom Jesus altyd ander met respek behandel het. Hy het altyd opgekyk na diegene in nood. Hy het voete gewas, aan melaatses geraak en die onreines genees. Hy het omgegee. Hy het die laagste sitplek ingeneem. Hy was nie afhanklik van openbare erkenning nie. Hy het nie ’n persoonlike agenda gehad om op te beweeg op die heersende sosiale skaal nie. Hy was afwaarts mobiel, nie andersom nie. Jesus het gekom om te dien, lief te hê en God se mense terug te bring na Hom. Hy het gekom om gemeenskap en eenheid te herstel. In hierdie proses Hy het gewys dat nederigheid, eerder as self-bevordering, die enigste pad na grootheid in God se oë is.
Bron: ekerk.org NGVishoek: Ds. ( dominee ) Martin Barnard.
Ek lees nou onlangs weer Matt 5:8 in The Message:
You’re blessed when you get your inside world — your mind and heart — put right. Then you can see God in the outside world.
Hierdie beweging van binne na buite kan nie ontglip word nie; soos ’n wyse dit stel “As within, so without.” Buite verwys na die uiterlike, publieke, sigbare JY. Dit sluit onder andere jou prestasies, werk en reputasie in. Binne dui op die innerlike JY asook jou innerlike lewe waar jou diepste geheime, hoop en wense aangetref word.
Dallas Willard het hierdie innerlike lewe soos volg beskryf:
“What is running your life at any given moment is your soul. Not external circumstances, not your thoughts, not your intentions, not even your feelings, but your soul. The soul is that aspect of your being that correlates, integrates, and enlivens everything going on in the various dimensions of the self. The soul is the life center of human beings. The soul seeks harmony, connection, and integration.”
Volgens John Ortberg is die siel die entiteit wat jou binnewereld bymekaar hou. Die siel integreer die wil (Intensies), jou verstand (Denke, Gevoelens, Waardes, Gewete), en jou liggaam (Gesig, Liggaamstaal, en aksies) in ’n gesonde lewe in. Met ander woorde; wanneer jy in verhouding met God en ander mense staan is jy besig om ’n gesonde siel te kweek. Die wonderlike geskenk is dat ’n gesonde siel tot gevolg kan he dat leiers, God in die buitewereld begin raak sien. Dit is ware geluk!
Aan die ander kant veroorsaak ’n gefragmenteerde, ongesonde siel dat leiers God glad nie in die buitewereld kan herken nie. Dit is ware ongeluk en ongelukkig waar!
Die goeie nuus is dat elke leier ’n rol kan speel om ’n gesonde siel te kweek: Gaan gerus alleen met vakansie. Wanneer jy alleen is sal jy herinner word dat Hy jou liefhet — jou siel sal weet dat daar iets aan hierdie lewe is wat dieper strek as alle verwagtinge, belangrikste rolle of enige prestasies van my uiterlike lewe. Die kans is goed dat jy God ook sal begin sien vir wie HY is.
Bron: ekerk.org
NGVishoek: Ds. ( dominee ) Martin Barnard.
Van die afgevaardigdes wou dit egter nie aanvaar nie. Ouderling Kerneels Oosthuizen van Springfontein het selfs aangevoer dat die Duiwel “dierbare kinders van die Here” gebruik het om Belhar op te stel sodat dit verdeeldheid in die kerk kan bring. Hy meen Belhar hoort in “file 13″. Hy wou dit nie terugtrek nie, maar het dit later probeer verduidelik.
Prof Johan van Rensburg het gesê Belhar is in ooreenstemming met die Skrif, maar hy dink nie dit moet ’n belydenisskrif wees nie. Die inhoud van Belhar gaan volgens hom nie oor die Christelike geloof nie, maar oor uitvloeisels daarvan.
Verder was daar ook argumente wat nie oor die inhoud van Belhar gegaan het nie, maar oor lidmate wat moontlik die kerk sal verlaat en gemeentes dan in geldelike krisis sou dompel. Ds Johan Lötter van Vredefort het verwys na lidmate wat uit die Afrikaanse Protestantse Kerk na sy gemeente oorgekom het van wie hy afhanklik is vir ’n salaris.
Aan die ander kant was daar verskeie stemme wat opgegaan het vir Belhar.
Dr Carel van der Merwe van Universitas-Wes het vertel van sy seun wat al agt maande lank sonder werk sit en wat telkens in sy aansoeke weens sy velkleur benadeel word. Hy het uit ’n gedeelte van Belhar aangehaal wat hom duidelik teen ongeregtigheid uitspreek.
Sy boodskap was dat Belhar aan die kerk ’n manier gee om teen sulke onreg standpunt in te neem.
Ds Jean van Biljon van Edenville het Belhar bestempel as God se droom vir Suid-Afrika. Hy het verwys na Belhar se Suid-Afrikaanse en Afrikaanse wortels en gepleit vir die aanvaarding van die belydenisskrif.
Omdat die sinode nie direk oor Belhar gestem het nie, was dit nie duidelik waar die oorwig van menings gelê het nie.
Die sinode het wel die dokumente aanvaar vir die proses waarvolgens gemeentes oor die voorgestelde Artikel 1 moet gaan stem. Volgens die tydraamwerk wat die sinode goedgekeur het, word die derde kwartaal van vanjaar gebruik vir algemene toeligting en voorbereiding in ringe. Kerkrade en gemeentes sal dan in die vierde kwartaal kans kry om te stem. Die hele proses word dan in die eerste kwartaal van 2015 afgehandel, onder meer deur ’n volgende buitengewone sitting van die sinode.
Die volledige besluit van die sinode sowel as die inleidings van prof Johan van Rensburg en ds Jan Lubbe is te kry op die nuwe webwerf van die Vrystaatse NG Kerk by www.ngkerkvrystaat.co.za/dokumente.
Bron: kerkbode.co.zaNGVishoek: Ds. ( dominee ) Martin Barnard.
Desperate worsteling
Natuurlik begin genesing met belydenis aan God en om tyd in Sy teenwoordigheid te bestee. Tog is daar ’n skare Christene wat desperaat probeer vrykom, maar steeds voor hierdie verslawing swig. Mense wat nie die worsteling van versla-wing aan pornografie ken nie, oordeel dikwels vanuit hulle eie ‘heiligheid’. Sommige oordeel dat mense wat met pornografie sukkel, nie werklik gered is nie. Dalk moet ons onderskeid tref tussen regverdigmaking (‘justification’) en die proses van heiligmaking (‘sanctification’).
Hoekom kyk mense na pornografie?
Die logiese antwoord is dat mense dit vir seksuele stimulasie doen. Tog begin elkeen wat in pornografie vasgevang is, om verskillende redes daarmee. Baie mense is hierin vasgevang hoewel hulle huwelikslewe in die slaapkamer nie ongesond is nie. Waarom kyk mense dit dan?
• Blootstelling op jong ouderdom Baie kinders word op ’n ouderdom, wanneer hulle nuuskierig is oor hulle eie liggame en dié van die teenoorgestelde geslag, deur maats en media aan pornografie blootgestel. Pornografie word dan die basis van hulle seksuele kennis. Omdat die meeste kinders dit vanweë skuldgevoelens geheim hou en dikwels nie ouers het wat openlik oor seks praat nie, kry hulle nooit die waarheid as teenantwoord nie en bly lank vasgevang in die ‘geheim’ met gepaardgaande skuldgevoelens.
• Toevallige blootstelling Sommige mense swig voor pornografie by hulle werk of deur toevallige blootstelling op sosiale media. Hulle dink dat hulle net een keer sal kyk, maar een keer se kyk word maklik nog ’n keer, wat later in ’n probleem ontwikkel.
• Gevoelens van mislukking Wanneer ’n man soos ’n mislukking voel by sy vrou (veral op die seksuele gebied) en hy dikwels gekritiseer word, word pornografie maklik ’n seksuele uitla-ting sonder kritiek – in ’n wêreld waar die man goed genoeg kan voel. Met die anonieme vroue op die skerm of in ’n boek kan hy nie faal nie en hoef hy nie te vrees dat dít wat hy kan bied, te min is nie.
Deesdae is daar toenemend ook vroue wat onvervuld voel in hulle sekslewe of emosioneel verwerp voel en na liefde en aandag by mans op die internet soek. In die teenwoordigheid van hierdie mans – al is dit via tegnologie – voel hulle begeerlik. Iets wat as emosionele ontvlugting begin, kan later erotiese foto’s en meer behels.
• Emosionele ontvlugting Baie mense getuig dat pornografie ’n emosionele kruk is – soos sigarette en drank vir ander mense is – iets waarheen hulle vlug in oomblikke van verveeldheid; konflik; in tye van finansiële druk, stres, moedeloosheid of depressie.
Wortel nie altyd wellus nie
Daar is sekerlik nog redes waarom mense in pornografie verstrik raak, maar wat wel vir my belang-rik is, is dat ons besef dat daar Christene is wat met hierdie donker geheim saamleef en worstel. Die wortel van die probleem is nie altyd blote wellus of ’n swak karakter nie.
Die nagevolge van pornografie in die huwelik
• Baie paartjies getuig dat hulle verhouding aanvanklik baie vurig en passievol was, maar dat diep intimiteit mettertyd heeltemal gekwyn het
• Baie mense maak die fout om te dink dat ’n man meer begeerte vir sy eie vrou sal ontwikkel en andersom. Die teendeel is egter waar. Baie mans skram later van hul vroue weg as hulle vir hulle voorstelle en versoeke gekritiseer word; ook omdat hulle drange ontwikkel waaraan hulle vroue nie wil meedoen nie
• ’n Man wat wel ’n verhouding met God het, maar in die geheim met pornografie worstel, begin weens skuldgevoelens van God wegskram. Hy kruip weg soos ’n kind wat weet dat sy pa gaan raas oor wat hy aangevang het – iets wat die afstand tussen hom en God al groter maak. Soos met enige sondige geheim, ervaar hy die inspraak van die Heilige Gees al hoe moeiliker – en dít maak die proses om bevryding soveel moeiliker
• Hy voel soos ’n klug voor sy kinders, vrou, vriende en kollegas omdat hy ’n front moet voorhou dat hy moreel skoon lewe.
Skuldgevoelens vreet aan sy menswees, en sy dubbele lewe veroorsaak voortdurende spanning uit vrees dat hy uitgevang kan word
• Baie mans en vroue getuig dat die versla-wing hulle selfone en rekenaars oorneem, en dat dit baie van hulle werkstyd steel
Is jy of jou maat vasgevang?
• Jy is deel van God se genesingsplan vir jou maat! Vra God om jou die oop deur in jou of jou maat se gees te wys – wat was die oorsprong van die soeke na pornografie?
• Probeer vasstel of pornografie ’n emosionele kruk is. Dit is makliker om die versoeking te vermy as jy weet dat jy elke keer struikel wanneer jy byvoorbeeld finansieel sukkel
• Kry iemand aan wie jy verantwoordbaar is; teenoor wie jy eerlik kan oopmaak wanneer jy vasval
• Wees eerlik met jouself (of jou maat) oor die tye of plekke waar pornografie ’n probleem vir jou is. Hoe meer bewus jy van slaggate is, hoe makliker kan jy dit vermy
• Salf jou maat (selfs sonder hulle medewete). Proklameer daagliks God se waarheid oor verbond, reinheid en vryheid oor jou maat en julle huwelik
• Maak seker jou maat weet hy/sy is genoeg vir jou. Koester, waardeer en respekteer hulle in die klein dingetjies – emosioneel, geestelik én fisiek – al voel jy hy/sy verdien dit nie!
• Word ’n instrument van genade en liefde – geen veroordeling nie. As jou maat gered is, wil hulle vry wees. Hulle het stille, geestelike ondersteuning nodig
• Moenie in die slaapkamer emosioneel te veel druk op hulle plaas nie. Intimiteit sal saam met genesing kom
• Moenie jou maat peper met wat God van hulle verwag nie, dan hardloop hulle van jou én van God af weg! Dit help nie jy preek vir jou maat dat Jesus die Brood van die Lewe is, maar hulle kry nooit ’n krummel by jou te ete nie. Hulle moet Jesus in jou sien en hoor en nie met die Bybel geslaan word nie
• Jou geveg is nie teen jou maat se vlees en bloed nie. Staan in die Gees op vir hom/haar. Bid sonder ophou!
• Kry hulp voordat dit te laat is. Pornografie laat ’n bloedspoor van verwoeste lewens in baie gesinne – jou gesin en God se beloftes is te veel werd om net tou op te gooi!
Mag God ons huwelike en gees beskerm, ons gedagtes elke dag vernuwe en ons hart en oë gerig hou op alles wat goed, edel, rein en prysenswaardig is!
GRETHA WIID is ’n verhoudingskenner, gasspreker en outeur. Kontak haar by: www.grethawiid.co.za of Facebook: Gretha Wiid
Bron: www.juig.co.za NGVishoek: Ds. ( dominee ) Martin Barnard.
As jy jok, word jy “cleaners” toe gevat en word dit vir lank teen jou gehou. So sal jy in ’n hof staan en ’n eed aflê dat jy die waarheid, die volle waarheid en niks anders as die waarheid sal praat nie, “so help my God”.
As jy daar jou hand opgesteek het, is dit dieselfde as jou handtekening. Toe ek in die huwelik bevestig is, het daardie woordjie “ja” alles in my toekoms verander, want daardie belofte was voor God en voor die teenwoordiges gemaak en enige een van daardie getuies kan my tot verantwoording roep … “till death do us part”. So het ek belowe met my kinders se doop en die hordes kere wat ek op kerkrade verkies is. Dit was voor die kansel in die kerk en elke keer het ek my handtekening gemaak om my belofte te bekragtig. Dan was daar ook al huiskontrakte, motorfinansiering ens. In die “ou” dae het ons tjeks geteken waar jy as’t ware belowe dat daardie papiertjie geruil kan word vir geld. ’n Belofte is ’n belofte en hoe het ons altyd as kinders gesê: beloftes maak skuld.
Met ’n belofte verseël ek ’n ooreenkoms. En net so, doen die Here ook. Die Here het baie, baie beloftes gemaak, hetsy waar dit vir ’n bepaalde doel en tyd was, tot beloftes wat vir die mensdom van alle tye geldig sal bly.
Heb. 6:13-20
Toe God aan Abraham die belofte gemaak het, het Hy niemand groter as Hyself gehad by wie Hy dit met ‘n eed kon bevestig nie. Daarom het Hy dit met ‘n eed by Homself bevestig en gesê: “Ek sal jou beslis ryklik seën en jou ‘n baie groot nageslag gee.” En so het Abraham dan, nadat hy geduldig gewag het, gekry wat aan hom beloof is. Mense lê ‘n eed af by iemand groter as hulleself. Vir hulle is dit die bevestiging van ‘n saak, en dit sluit alle teëspraak uit. En omdat God aan die erfgename van die belofte bo alle twyfel wou verseker dat sy besluit onveranderlik is, het Hy dit met ‘n eed gewaarborg. Die twee onveranderlike dinge, die belofte en die eed, waarborg dat God sy woord gestand sal doen, en is vir ons wat ons toevlug tot Hom geneem het, ‘n kragtige aansporing om vas te hou aan die hoop op wat vir ons weggelê is. Hierdie hoop besit ons as ‘n veilige en onbeweeglike lewensanker, wat agter die voorhangsel vas is. Daar het Jesus, ons Voorloper, ter wille van ons ingegaan, en Hy is vir ewig Hoëpriester volgens die orde van Melgisedek.
Vers 18 (Die twee onveranderlike dinge, die belofte en die eed, waarborg dat God sy woord gestand sal doen) is God se belofte van hoop vir ons. Nou vra ek jou: glo jy dit? En hou jy daaraan vas? Abraham het baie, baie lank gewag voordat God se belofte vir hom waar geword het en vandag is ek en jy ook ’n uitvloeisel van daardie belofte wat God gemaak het. Maar weet jy, ons as mense is vreemde goed. Ons wil graag iets hê, of wil hê iets moet gebeur, of soek ’n oplossing vir ’n probleem, dan soek ons na tekste in die Bybel, neem dit aan as God se belofte, glo met ons hele hart dat dit God is wat gepraat het en dan word dit ons hoop. Daar is niks hiermee verkeerd nie, solank ons bevestiging daarvoor kry, dit toets by ander en kyk of daar nie dalk ’n “voorwaarde” is vir die belofte nie. As ons tydselemente aan die belofte koppel soos wat dit óns pas, dan kan ons baie gou ongeduldig en gefrustreerd raak en uiteindelik kan ons dalk die Here bevraagteken of ons geloof verloor. Ek wonder nogal hoe dit sou gewees het as die Here Sy beloftes op óns voorwaardes gehou het?
As jy in die Bybel konkordansie kyk hoeveel keer die woorde belowe, beloof en belofte voorkom, sal jy verstom staan. ’n Mens kan seker sê dat God nie beloftes hóéf te maak nie, want Hy sal tog nie jok nie en daar is niemand groter as Hyself om by te belowe of ’n eed te neem nie, maar tog lyk dit vir my dat God so sterk voel oor wat Hy vir die mense sê, dat Hy dit telkens met ’n eed bevestig. Daarom dink ek kan ek en jy vandag net so stewig vashou aan God se beloftes as die Israeliete toe Hy vir hulle gesê het dat Hy hulle na ’n beter plek toe sal neem, al loop daardie pad deur die woestyn. En as ek en jy ons hoop vestig op sy beloftes vir beter dinge, ’n beter lewe, Sy liefdevolle versorging, dan beteken nie dat ons nié deur die woestyn sal gaan nie. Die Here se ooreenkoms met die Israeliete was dat hulle heel anderkant sou uitkom, maar nié dat dit net maanskyn en rose sou wees nie. Daar het ongelooflike wonderwerke in die woestyn gebeur, daar was altyd genoeg kos en water en die wolke het skuiling gegee bedags, maar dit was steeds woestyn en swaarkry. En net so kan ek en jy vandag staatmaak op God se beloftes, al bevind ons onsself in die woestyn en al is daar hewige swaarkry. Dit lyk my as God belowe dat iets beter voorlê, onttrek Hy nie Sy beloftes in die “tussen-fase” nie. Manna en kwartels is nie steak en chips nie, maar dis steeds kos. Vraag is net, wil jy terugdraai Egipte toe, of gaan jy voortbeur op God se beloftes?
As ek sou dink wat God se belangrikste beloftes is vir ons vandag, is dit moeilik om ’n paar uit te sonder, maar ek wil tog die volgende beloftes uitlig:
1. Die Here sal vir ons ’n God wees.
Num. 15:41 Ek is die Here julle God wat julle uit Egipte gebring het om vir julle ‘n God te wees. Ek is die Here julle God. Ons hoef geen ander God te soek nie. As die Here sê: “Ek sal vir jou ’n God wees”, beteken dit dat jy ten volle aan Hom behoort, dat Hy alles wat jy van ’n God kan verwag, sal wees. Met Hom saam kan jy enige iets aanpak, jy kan deur enige woestyn kom en Hy is elke dag by jou.
2. Hy sal jou versorg en beskerm.
Ps. 121:5-8 Die Here beskerm jou, die Here bewaar jou van alle gevare. Bedags sal die son jou nie steek nie en snags sal die maan jou nie kwaad doen nie. Die Here sal jou beskerm teen alle gevaar, jou lewe sal Hy beskerm. Hy sal jou beskerm waar jy ook gaan, nou en vir altyd.
3. Jy sal voorspoedig wees.
Deut. 7:13 Hy sal jou liefhê, Hy sal jou voorspoedig maak. Ek dink die Here se wil is dat dit goed gaan met Sy kinders, maar ons ou lewe is so op die koffie, dat ons daagliks soveel teëspoed ervaar. Maar die Here is ook teenwoordig daar waar jy worstel met probleme.
4. Sy Seun gee die ewige lewe.
Joh. 3:16 God het die wêreld so liefgehad, dat Hy Sy enigste Seun gegee het, sodat die wat in Hom glo, nie verlore sal gaan nie, maar die ewige lewe sal hê. Die Here het reeds in die Ou Testament vir die mensdom gesê dat Hy ’n Verlosser sal stuur in die persoon van Sy Seun en Hy het Sy woord gehou. Die grootste belofte wat ek en jy vandag van die Here nodig het, is dat Hy ons nie sal verwerp nie, dat ons die ewige lewe sal hê. Wanneer jy Hom glo en in Hom glo, kan jy seker wees daarvan – dit is Sy belofte!
Bron: www.heuning.co.zaNGVishoek: Ds. ( dominee ) Martin Barnard.
Paulus hou reken met die werklikheid waarmee ons elke dag gekonfronteer word: terneergedruk, radeloos, vervolg, op die grond neergegooi, uiterlik besig om te vergaan. Ons sal hierdie redes tot moedeloosheid ook ander name kan gee: finansiële druk, spanning in verhoudings, gesondheidsprobleme, die bedreiging van misdaad in ons land, en al die uitdagings waarmee ons daagliks te doen kry. Hierdie is alles werklike of potensiële bedreigings wat ons hoop steel en ons rede gee om moedeloos te wees.
Maar so kry ons in die Woord van God die enigste oplossing vir ons hooploosheid (eie woord), naamlik “ons het dieselfde Gees wat geloof wek …” (2 Korintiërs 4:13). Alleen in ‘n definitiewe lewende verhouding met Jesus deur die inwonende werk van die Heilige Gees, glo ons in die nabyheid en teenwoordigheid van die onsigbare God in ons. Jesus het sy lewe vir ons redding gegee en daarmee kry ons deur geloof ‘n onlosmaaklike en onvoorwaardelike verbintenis met Hom. En alleen met hierdie verbintenis met die (weereens) onsigbare Jesus, kyk ons met ander oë na ons eie lewe en die sigbare uitdagings rondom ons.
Die Fondament vir hoop wat groei en groei, is Jesus self in ons. En om op hierdie Fondament te bou, is die enigste manier om hoop te vind en hoop uit te deel. Kom ons as Jesus-mense word kelners van hoop wat vir ander mense moed inpraat met die regte Vertrekpunt. Let wel hoofletter “V”, want dit kan nét ons Here in ons wees, wat die Bron van hoop is.
So baie mense vra moedeloos: “Is daar nog hoop vir my, Here?” En dan kom die antwoord in dieselfde vers: “U is my enigste hoop.” (Psalm 39:8)
Bron: http://doomcharl.blogspot.com/ NGVishoek: Ds. ( dominee ) Martin Barnard.