Oosterse wortels
Die slawe uit Hollandse kolonies in die Verre-Ooste, soos Batavia (tans Java), het uit verskillende linguistiese agtergronde gekom, maar almal kon tot ’n meerder of mindere mate Maleis-Portugees (wat self uit ’n soort Pidgin-Portugees onstaan het) praat.  Dit was omdat Portugees meestal deur handelaars, soldate en matrose gepraat kon word. 
In die Kaap het die slawe nou ook Hollands begin praat. Omdat die slawe hierdie tipe Hollands by mekaar leer praat het (by nie-moedertaalsprekers), was dit ’n vereenvoudigde Hollands wat deur Maleis-Portugees en ander slawetale beïnvloed is. Dit was die begin van die Kaapse Afrikaans. 
Oorblyfsels van Maleis-Portugees is steeds in moderne Afrikaans te vind in woorde soos: baie, koejawel, makou, blatjang, bobotie, sosatie en piesang.

Suid-Afrikaanse wortels
Die inheemse Khoi-bevolking het ook ’n invloed op Afrikaans gehad. Die boere en Khoi moes handel dryf en hierdie ruilhandel het tot die ontstaan van ’n tipe Pidgin-Hollands tussen die vryburgers en die Khoi gelei. 
Die Khoi se sosiale stelsel is vernietig en ná die pokke-epidemie het baie van die Khoi na die gebied naby die Oranjerivier uitgewyk. Die tipe Hollands wat hulle gepraat het, was bekend as Oranjerivier-Afrikaans.  Oorblyfsels van die Khoi-tale kan in mo-derne Afrikaans gevind word in woorde soos: abba, boegoe, dagga, kanna, karos en kierie, koedoe, kwagga, geitjie, kango, kamma, aitsa, arrie en eina. 

Vader van Afrikaans
Ná die Britse oorname in 1806 het die Kaap verengels weens ’n verengelsingsbeleid om Nederlands en Afrikaans te probeer verdring. Arnoldus Pannevis word as die vader van Afrikaans beskou. Hy was ’n taalkundige en onderwyser by De Gimnasium, ’n privaat skool vir Hollandssprekende kinders. Hy het besef dat die Kaaps-Hollands nie meer as ’n dialek van Hollands beskou kan word nie, maar inderwaarheid ’n nuwe taal is. Hy was die eerste persoon wat die taal, Afrikaans genoem het.

Genootskap van ‘regte’ Afrikaners
As diep godsdienstige wou Pannevis hê dat die Bybel in Afrikaans vertaal word, maar alvorens dit kon gebeur, moes Afrikaans erkenning as skryftaal kry. Die jong predikant, S.J. du Toit wat deur Pannevis by die Bybelgenootskap vir hierdie taak benoem is, het ’n vergadering byeengeroep om die vertaling en erkenning van Afrikaans as skryftaal te bespreek. Tydens die vergadering is besluit om die Genootskap van Regte Afrikaners (GRA) te stig om Afrikaans, wat toe reeds die spreektaal van duisende mense was, tot skryftaal te verhef en as landstaal erken te kry.

Lojale Afrikaanse harte
Die rede vir die benaming ‘regte’ Afrikaners was omdat daar volgens die GRA drie soorte Afrikaners in Suid-Afrika was: Afrikaners met Hollandse harte lojaal aan hul Hollandse verlede; Afrikaners met Engelse harte wat die taal en kultuur van die Engelse regering as hul eie beskou het; Regte Afrikaners met Afrikaanse harte lojaal aan die taal en kultuur van Suid-Afrika. Die GRA wou die Britse kul-tuurinvloed teenstaan. 

Interessante feit
Van die vroegste Afrikaanse geskrifte is deur Imams van die Oosterse slawe in Arabies geskryf. Lees die volgende getranskribeerde voorbeeld hardop: “Oewhans wiet die riegtie wieg.” Dit beteken: “Ons weet die regte weg.”* 
*Transkribering en verklarings uit «Abu Bakr se ‹Uiteensetting van die Godsdiens›» deur A. van Selms, 1979, North-Holland Publishing Company, Amsterdam/Oxford/New York

Wat is ’n dialek?
’n Dialek is ’n streeks- of ’n sosiale variëteit van ’n taal wat van die standaard literêre taal verskil. Dit mag verskil in uitspraak, grammatika of woordeskat.  Cockney is byvoorbeeld ’n dialek van Engels, of Griekwa-Afrikaans ’n dialek van Afrikaans.

Wat is ’n pidgin?
Dit is ’n vereenvoudigde taal wat gebruik word in ’n situasie waar tydelike kontak tussen mense is wat nie dieselfde taal praat nie, soos in die konteks van handelaars, matrose en jagters wat met inheemse bevolkingsgroepe moet kommunikeer. Dit is ’n embriotaal met al die elemente van ’n taal, maar ’n beperkte woordeskat en vereenvoudigde grammatika. Die oorsprong van die naam kom glo van die Chinese Pidgin-Engels waar die woorde ‘talk business’ ‘tok pidgin’ geword het.

Betekenisverskil van Hollands
Teen die einde van die 19de eeu het die Hollands aan die Kaap al baie van standaard Hollands verskil. Die tabel dui aan hoe Afrikaans vandag van Hollands verskil:

WOORD           HOLLANDSE BETEKENIS                        AFRIKAANSE BETEKENIS
Kombers          growwe kombersstof op skepe gebruik           sagte kombers
Kombuis          skeepskombuis (‘galley’)              kookplek in ’n huis 
Vlei             ’n plek tussen twee berge (vallei)          moerasagtige grond tussen
hoogliggende gebiede

’n Koerant en ’n skool
Die GRA het dit gedoen deur ’n eie Afrikaanse koerant, Die Afrikaanse Patriot, te publiseer en deur die eerste Afrikaanse skool, die Gedenkschool der Hugenoten, te stig. Die eerste uitgawe van Die Afrikaanse Patriot het op 15 Januarie 1876 verskyn. D.F. du Toit (oom Lokomotief) was een van die eerste redakteurs van die koerant.
In 1914 is Afrikaans as amptelike skooltaal erken en in 1925 het dit saam met Engels een van twee amptelike landstale geword. Die eerste amptelike Afrikaanse Bybelvertaling het in 1933 verskyn. Ná 1994 het Afrikaans een van elf amptelike landstale geword. 

Taalmonument
Die Afrikaanse Taalmonument in die Paarl vier die ontstaan en voortbestaan van Afrikaans. Almal behoort hierdie unieke monument te besoek. Die ge-
dagte om ’n monument vir die Afrikaanse taal op te rig, het in 1942 posgevat. 
’n Afrikaanse Taalmonument-komi-tee is gestig en daar is begin om fondse in te samel. Bouwerk het in 1972 begin en die monument is in 1975, ’n honderd jaar na die stigting van die GRA, ingewy. 
Hierdie taalmonument  is nie die enigste een in die land nie. Die oudste een staan op Burgersdorp en is eintlik opgerig vir die erkenning van Hollands. Die dorpe Kroonstad en Welkom het albei in 1959 monumente vir die Afrikaanse taal opgerig. 
Daar is ook monumente op Lichtenburg, Ventersburg, Touwsrivier, Worcester, Louis Trichardt, Belfast, Ermelo, Ohrigstad, Delareyville, Petrus Steyn, Reddersburg, Reitz, Johannesburg, Ladismith, Riebeek-Kasteel, Aberdeen en Oos-Londen opgerig tydens die Taalfeesjaar in 1975. 

Taalmuseum
Die Taalmuseum is in die hartjie van die Paarl, in die voormalige huis van Gideon Malherbe, een van die stigterslede van die Genootskap van Regte Afrikaners (GRA) en waar die GRA inderdaad gestig is. Die museums is gestig om die lede van die GRA te vereer en is in 1971 deur die Taalmonument-komitee gekoop en deur argitek, Gabriel Fagan gerestoureer. Dit is in 1975 amptelik geopen. Die museum se uitstallings handel oor die geskiedenis en diversiteit van Afrikaans. 

Afrikaans in die nuwe bedeling
Tydens die 2011-Sensus het dit aan die lig gekom dat Afrikaans die derde grootste taalgroep in Suid-Afrika is met meer as ses miljoen moedertaalsprekers (Zulu en Xhosa die twee ander taalgroepe) en met bykans net soveel mense wat dit as tweede of derde taal praat. Tog is daar ’n opvatting dat Afrikaans aan die kwyn is en nie deur baie mense gepraat word nie. Volgens die Sensus is die opvallendste taalverandering dat daar ’n toename in huistaalsprekers van Engels is, met ’n afname in Afrikatale en ’n geringe toename in Afrikaans. Dit is ’n geval van taalverskuiwing.

Taalverskuiwing
Taalverskuiwing geskied wanneer mense van ’n taalgroep daardie taal met ’n ander taal vervang. Soms is dit net gedeeltelike verskuiwing – wanneer die verskuiwing net binne ’n sekere konteks plaasvind, bv. Afrikaanssprekendes wat by restaurante en tydens inkopies Engels praat, maar by die huis Afrikaans praat. 
Wanneer mense egter die ander taal die heeltyd gebruik en die oorspronklike taal afskeep, word dit totale taalverskuiwing. Die afsterf van die taal is die finale fase van taalverskuiwing. Dit geskied gewoonlik oor ’n lang tydperk en in verskillende fases. Tweetaligheid wat oorgaan in vervangende tweetaligheid, waar die spreker hulle eie taal met die dominante taal begin vervang, is een van hierdie fases. Dit lei tot sprekers wat sy moedertaal nie meer ordentlik kan praat nie en uiteindelike eentalig word.

Simboliek van die Taalmonument
Die simboliek van die monument sluit die bydrae van al die tale in wat tot Afrikaans se ontstaan gelei het: 
• Drie suile = Wes-Europese tale, onder meer Hollands, Frans, Duits en Portugees. 
• Muur = Maleise taal. 
• Podium met rondings = Khoi-, Nguni- en Sothotale. 
• Brug = ver-smelting van Afrika en Europese tale. 
• Hoofsuil = Afrikaans. 
• Suil = Suid-Afrika

Dominante status van Engels
Weens Engels se dominante status word dit in verhouding met die ander tale meer gebruik (al is dit nie die moedertaal van die oorgrote meerderheid Suid-Afrikaners nie). Mense kies bloot om dit meer as ander tale te praat omdat hulle dit as die taal van ekonomiese, politiese en sosiale mag beskou.

Ongelykheid in toedeling van beurse
In sy artikel haal Flip Smit aan dat net 2% wit studente en 4% bruin studente tans beurse van die National Student Financial Aid Scheme (NSFAS) ontvang. Dit veroorsaak dat minder as 20% na universiteite kan gaan. Volgens Langner van Solidariteit Helpende Hand is dit te min om selfs een Afrikaanstalige universiteit te regverdig, tensy daar stappe gedoen word om die benadeling van wit en bruin studente – deur die disproporsionele toedeling van beurse – reg te stel.

Afrikaans as onderrigtaal
Daar is ’n toenemende daling in die gebruik van Afrikaans as onderrigtaal in beide skole en universiteite. Volgens statistieke het Afrikaans-enkelmedium skole in ’n provinsie soos Mpumalanga van 1993 tot 2003 met 96% gedaal (van 90 skole tot slegs 3 in 2003). Vyf Suid-Afrikaanse universiteite was in 1980 Afrikaans-medium en 15 Engels; in 1994 was 18 Engels, 5 tweetalig en géén universiteit wat Afrikaans as enigste onderrigmedium gebruik nie. 
Sedert 1995 het Tukkiesstudente wat kies om Afrikaans as onderrigtaal te gebruik, van bykans 70% tot 34,8% gedaal en die studente wat Engels verkies, van 29,2% na 65,2% gestyg.
Afrikaanse ouers plaas toenemend hulle kinders in Engelse skole. Afrikaanse skole veg om voortbestaan en Afrikaanssprekendes in die gemeenskap dien self die doodslag toe! Die gesindheid is dat kinders met ’n Afrikaanse opvoeding ’n agterstand teenoor Engelse in die sakewêreld sal hê. Dit is ’n groot mistasting. Suksesvolle Afrikaanse sakelui, soos die Ruperts en Christo Wiese, staan glad nie terug in die sakewêreld nie. 
Die wêreld is hedendaags ’n globale stad met multinasionale beroepslui in elke hoekie van die aardbol. Ingenieurs van Duitsland (eentalige nasie), het nie ’n agterstand teenoor En-gelse ampsgenote nie, om nie te praat van die 800 000 Afrikaners wat geëmigreer het en werk kon kry ‘ten spyte van’ hulle moedertaalonderrig nie. Waarom die wanpersepsie? Dalk weens uitlatings soos dié van professor Jansen.   

Engels as taal van versoening?
Prof Jansen, rektor van die Universiteit van die Vrystaat, het onlangs die stelling gemaak dat Engels, eerder as Afrikaans, die taal van versoening in hierdie land sal moet wees. “Dit verbaas my steeds hoe ‘n versigtige argument oor taalinklusiwiteit ernstig verdraai kan word vir die maksimum mediabohaai,” het hy in reaksie op die ontstoke debatvoering wat daarop gevolg het, getwiet. 
Wat hy taalinklusiwititeit noem, sal noodwendig tot eentaligheid lei. Ons behoort eerder meertaligheid na te streef. Slegs diegene wat reeds eentalig Engels is, sal by Jansen se voorstel baat en ander sprekers sal hulle tale daarvoor inboet, soos wat reeds aan die gebeur is met die Afrikatale.

Skyn van veeltaligheid
Volgens die skrywers van ’n navorsingsverslag, ‘Taalkeuses en -opinies van Afrikaanssprekende studente aan Unisa’, word die oorheersing van Engels onder die skyn van veeltaligheid aangeblaas. By UNISA neem die aantal vakke wat slegs in Engels aangebied word al hoe meer toe en verloor Afrikaans sy voorheen gelyke status met Engels.
Volgens Flip Smit, voormalige rektor van UP, is dubbelmediumonderrig (Afri-kaans en Engels die swakste wyse van onderrig en gewoonlik net ’n tussenstadium vir Engelstalige onderrig. ’n Kosteberaming by een universiteit dui aan dat dié wyse van onderrig vir alle kursusse onbekostigbaar is, maar dat tolkdienste goed werk en bekostigbaar is. 
By die NWU word die tolkmodus gebruik om hierdie  probleem op te los. Dit is die pad wat uiteindelik ook vir US en UP voorlê. Daar moet seker gemaak word dat Afrikaans aan minstens twee universiteite status as universiteitstaal behou.

Professor Wannie Carstens, professor aan Noordwes-Universiteit en voorsitter van die Raad van die Afrikaanse Taalmuseum en -monument (ATM) het in sy lesing sy droom vir Afrikaans in 2033 uitgespreek. Hy het gesê dat hy droom dat Afrikaans oor 20 jaar steeds as volwaardige taal in skole, universiteite, howe, ens., gebruik sal word. Hy twyfel nie aan Afrikaans se potensiaal nie. Dit is ’n beduidende taal (een van die 120 grootste tale uit 7 105 tale). Min mense weet byvoorbeeld dat Afrikaanse taalverwerwing en Geskiedenis van Afrikaans as vakke geneem kan word by die Adam Mickiewicz-Universiteit (UAM) in Pole.  Daar word selfs tans aan die eerste Pools-Afrikaanse woordeboek gewerk.

Groei of kwyn
’n Taal se oorlewing word gemeet aan faktore soos die behoud van die taal se funksies en die status van die taal. ’n Taal moet hoë sowel as lae funksies hê. As ’n hoë funksie soos gebruik in amptelike konteks verlore gaan, het dit ’n negatiewe effek; daarom is dit van kardinale belang dat Afrikaans steeds as ’n vakkundige taal op tersiêre vlak gebruik moet word.

Verseker voortbestaan
Volgens prof. Carstens kan ons die volgende stappe doen om Afrikaans se voortbestaan te verseker:
• Maak seker dat Afrikaansmedium kinders na Afrikaansmedium skole gaan
• Behou Afrikaans as wetenskapstaal
• Behou Afrikaans as publikasietaal – publi-seer koerante, tydskrifte, boeke, weten-skapartikels
• Hou vol om Afrikaans in al sy funksies te gebruik: by die huis, by die werksplek (Afri-kaans is ’n ekonomiese bate), by die kerk, in die howe, daar waar ons ontspan. Ons durf nie toelaat dat een funksie verlore gaan nie. Onthou: as ons op onderwysvlak verloor, begin die taal te kwyn – onderwys is die skakel tussen alle funksies
• Ons moet die volle verskeidenheid van Afrikaans erken. Ons het standaard- en niestandaardvariëteite en die een is nie noodwendig beter as die ander een nie.
• Ons moet Afrikaans ondersteun waar ons kan. Kom ons koop Afrikaanse boeke, koerante en tydskrifte; luister Afrikaanse musiek; woon Afrikaanse kunstefeeste by. Kom ons gee ons geld vir Afrikaans en help ’n mark vir Afrikaans en sy produkte skep.
• Raak betrokke by Afrikaanse projekte. As jy nie tyd het nie, gee dan jou geld. Ons het baie fondse nodig om Afrikaanse kinders te laat studeer sodat hulle op hulle beurt weer die ekonomie kan stimuleer deur hulle vaardighede
• Ons moet trots wees op ons taal, maar ons moet terselfdertyd ook beleef wees teenoor die sprekers van ander tale. Watter beeld dra ons van Afrikaans en sy sprekers oor?
• Ons moet werk en geleenthede in Afrikaans skep

Inligting bekom uit prof. W. Carstens se ATM-lesing 26 September 2013; uit ‘Taalkeuses en -opinies van Afrikaanssprekende student aan Unisa’ deur E. Bornman, P.H. Potgieter en J.C. Pauw in ‘Tydskrif vir Geesteswetenskappe’ 53 (3)September 2013; statistieke soos uit die artikel van Vic Webb (2012): ‘Managing multilingualism in higher education in post-1994 South Africa, Language Matters: Studies in the Languages of Africa’, 43:2, 202-220 en ‘Language in a Changing World’: UNISA studiegids vir LIN2046, 2007:88-91.

Bron:  juig.co.za

NGVishoek: Ds. ( dominee ) Martin Barnard.

Die Grieke
Na gelang ek die werke gelees het van die Griekse filosowe wat van ongeveer 600 tot 100 voor Christus geleef het, was ek verbaas om primitiewe ewolusionêre teo-rieë en melding van ontsaglike tydperke te ontdek, lank voor Darwin en moderne aannames. Die fragmente van Anaximander (610-546 v. C.) het geleer dat mense oorspronklik gelyk het na ’n ander tipe dier, naamlik visse.1
Daar was Demokritus (460-379 v.C.) wat onderrig het dat primitiewe mense met ‘verwarde’ en ‘onverstaanbare’ klanke begin kommunikeer het, maar ‘geleidelik woorde begin artikuleer het’. 2 Epikurus (341-270 v.C.) het onderrig dat daar geen behoefte bestaan vir ’n God of gode nie omdat die heelal ont-staan het deur die toevallige bymekaarkom van atome. 3

Onkundig oor die Skepping
Ná hulle, het die Romeinse naturalis, Plinius die Ouere (23-79 n. C.) gesê: “…ons is so onderworpe aan toeval dat Toeval die plek van God inneem; dit bewys dat God se bestaan onseker is.” 4
Aangaande die lang tydperke in die ontwikkeling van die heelal was Plato en talle Griekse filosowe van mening dat die huidige heelal miljoene jare gelede tot stand gekom het. Laktantius het in die vierde eeu n.C. geskryf: “Aangesien hulle onkundig was oor die ontstaan van alles en van daardie oertydperk waartydens die wêreld geskape is, het Plato en talle ander filosowe gesê dat duisende tydperke verbygegaan het sedert hierdie skone stand van die wêreld voltooi is…” 5 (’n tydperk verwys hier na ’n 1 000 jaar.)

Egiptenare, Babiloniërs en Hindoes
Die Grieke het sommige van hierdie idees van die Babiloniërs, Egiptenare en Hindoes geleen, wie se filosofieë eeue ver terugstrek. So byvoorbeeld lui een Hindoegeloof dat Brahma (‘die heelal’) ongeveer 4,3 biljoen jaar gelede spontaan op sy eie, soos ’n saad, ontwikkel en uitgebrei het om alles wat bestaan, te vorm.6
Hierdie Hindoes het in ’n ewige heelal geglo wat kringlope van hergeboorte, vernietiging en rustoestande, bekend as ‘kalpas’, gehad het – ietwat soos ossillerende oerknal-teorieë. Ons lees ook in die Hindoe ‘Bhagavad Gita’ dat die god, Krishna, sê: “Ek is die bron waaruit alle wesens ontwikkel het.” 7 Sommige Babiloniërs het daarop aanspraak gemaak dat hulle astronomiese inskrywings op klei-tablette wat oor 730 000 jaar strek, in hulle besit het; ander soos Berosus, het daarop aanspraak gemaak dat die inskripsies oor 490 000 jaar strek. Die Egiptenare maak daarop aanspraak dat hulle astronomie reeds vir langer as 100 000 jaar verstaan.8

Mislei deur menslike gissings
Die vroeë Christelike kerkvaders het voortdurend met die heidene oor die ouderdom van die aarde, of oor die ouderdom van die beskawing geredeneer. Die kerkvaders was eenstemmig daaroor dat God die aarde minder as 6 000 jaar gelede geskape het, voordat hulle geskrifte begin skryf het.9
So byvoorbeeld het een van die invloedrykste kerkvaders, Augustinus (354-430 n.C.) in sy beroemdste werk, ‘Stad van God’, ’n hele hoofstuk daaraan gewy: ‘Die Valsheid van Geskiedenis Wat Der Duisende Jare Aan die Wêreld Se Verlede Toeskryf’.
Daarin sê hy: “Laat ons dan die gissings van die mens weglaat wat nie weet waarvan hulle praat wanneer hulle hulle oor die aard en oorsprong van die mensdom uitlaat nie…Hulle is ook mislei deur die hoogs leuenagtige dokumente wat aanspraak maak dat hulle die geskiede-nis van der duisende jare weergee, hoewel ons, deur berekeninge aan die hand van die heilige geskrifte, vind dat nog nie 6 000 jaar verbygegaan het nie.10

Astrologiese berekeninge
Teofilus (115-181 n.C.), biskop van Antiogië, het ’n apologetiese werk geskryf wat hy aan die heidense magistraat, Autolycus, gerig het oor die probleem van die lang tydperke soos weergegee deur die heidene. Hy het verwys na Plato wat gesê het dat ’n tydperk van 200 miljoen jaar tussen die Vloed en sy eie era verloop het. Teofilus het ook verwys na Apollonius, die Egiptenaar, se aanspraak van ten minste 155 625 jaar wat verloop het sedert die skepping.11
Die antieke heidene kon hulle ontsaglike lang tydperke met behulp van astrologie bereken het omdat hulle dit as ware wetenskap beskou het. Julius Africanus (200-234 n.C.) het geskryf: “Die Egiptenare het inderdaad met grootpraterige idees van hulle eie oudheid, en aan die hand van hulle astroloë, ’n weergawe daarvan voorgehou in siklusse en ontelbare jare…”12

Moderne heidene?
Hedendaagse wetenskaplikes gebruik veel meer komplekse dateringsmetodes, byvoorbeeld radiometriese metodes om hoë ouderdomme te ‘bewys’. Soos Creation Magazine egter dikwels uitwys, is hierdie metodes nié metings van tyd nie, maar interpretasies van metings van objekte soos byvoorbeeld produkte van radioaktiewe verval. Sulke interpretasies is op foutiewe aannames gebaseer. 13
Meer onlangs het wetenskaplikes ‘nuwe’
teorieë’ uitgedink om te verduidelik hoe lewe op aarde sou kon ontstaan, gegewe die kwynende klein waarskynlikheid van spontane ewolusie wat werklik plaasgevind het. Die gewese Francis Crick, die medeontdekker van RNA se struktuur (in samewerking met James Watson en Maurice Wilkins), het geglo dat buiteaardse wesens, en nie God nie, verantwoordelik is vir lewe op aarde.14 Die heidense gode het teruggeslaan met mening!
Daar word baie gegis oor die ‘veelal’ (multi-verse) of ‘parallelle heelal’-teorie, soos ’n onlangse artikel in Scientific American, deur Max Tegmark. 15 16 Hierdie fantasie is nogal nuttig omdat enigiets nou moontlik is, soos in die Matrix-wetenskapsfiksierolprente! Nietemin is so ’n idee antiek. Augustinus het voor 430 n.C. daaroor gekla toe hy gesê het: “Daar is sommige, wat alhoewel hulle nie veronderstel dat hierdie wêreld ewig is nie, tog van mening is dat hierdie nie die enigste wêreld is nie, maar dat daar ontelbare ander wêrelde is, of andersins, dat hierdie inderdaad nie die enigste een is nie, maar dat dit sterf en met gereelde tussenposes hergebore word, en dít male sonder tal.17

Niks nuut onder die son nie
Salomo het ongeveer 3 000 jaar gelede gesê: “Wat was, sal weer wees; wat gebeur het, sal weer gebeur. Daar is niks nuuts in hierdie wêreld nie. Kan jy van iets sê dit is nuut? Nee, dit was lankal daar, lank voor ons tyd. Wat verby is, word vergeet en ook wat later kom, sal vergeet word deur dié en wat daarna kom.” Prediker 1:9-11.

Die wêreld is geskape
Ons moet ag slaan op Teofilus se woorde aan Autolycus slegs 150 jaar na Christus se opstanding: “My doel is nie net om maar net ’n onderwerp vir besprekings te verskaf nie, maar om lig te werp op die aantal jare wat sedert die grondlegging van die wêreld verloop het. Om die leë arbeid en beuselagtighede van hierdie outeurs te veroordeel omdat daar nie 20 000 keer 10 000 jaar sedert die Vloed tot die hede was, soos Plato gesê het nie; ook nie 15 keer 10 375 jaar soos ek reeds genoem het Apollonius, die Egiptenaar, voorgestel het nie.
Nóg is die wêreld ongeskape, nóg is daar ’n spontane voortbrenging van alle dinge soos Pythagoras en die res van gedroom het, maar omdat dit inderdaad geskape is, val dit onder die voorsienigheid van God wat alle dinge geskape het, en die hele verloop van tyd en jare word openbaar gemaak aan diegene wat die waarheid wil gehoorsaam.18
Van die skepping van die wêreld tot die vloed was 2 242 jaar…Al die jare vanaf die skepping van die wêreld kom te staan op ’n totaal van 5 698 jaar19 en enkele maande en dae.”

Bron:  juig.co.za NGVishoek: Ds. ( dominee ) Martin Barnard.

Massa Doop op Pinksterdag

Die Heilige Gees is uitgestort op Pinkster Dag soos beskryf in Handelinge 2. 3000 Jode het tot bekering gekom as gevolg van Petrus se kragtige boodskap en almal is dadelik gedoop in die naam van Jesus Christus. (Act 2:38  En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang. Act 2:41  Die wat toe sy woord met blydskap aangeneem het, is gedoop; en daar is op dié dag omtrent drie duisend siele toegebring.)

Somtyds word die vraag gevra, waar was die massa mense gedoop? Daar is geen rivier of meer in Jerusalem nie, maar daar was tallose rituele baddens of Mikvah’s in die hele Jerusalem soos opgrawings sedert 1967 tot die huidige reeds bevestig het. Verder moet die volgende in ag geneem word: Petrus het sy prediking begin ongeveer 09:00 in die oggend. (Act 2:15  Hierdie mense is tog nie dronk soos julle dink nie, want dit is nog maar die derde uur in die môre.) Rondom hierdie tyd in die oggend sou die wierook offer reeds voltooi wees en die daaglikse oggend brandoffer sou toe op die vuur altaar geplaas word.

Op daardie oomblik sou die mense versamel in die voorhowe van die Tempel vir gebed en om die priesters se seën te ontvang. (Num 6:22  En die HERE het met Moses gespreek en gesê: Num 6:23  Spreek met Aäron en sy seuns en sê: So moet julle die kinders van Israel seën deur vir hulle te sê:

Num 6:24  Die HERE sal jou seën en jou behoed;

Num 6:25  die HERE sal sy aangesig oor jou laat skyn en jou genadig wees;

Num 6:26  die HERE sal sy aangesig oor jou verhef en aan jou vrede gee.

Num 6:27  So moet hulle dan my Naam op die kinders van Israel lê; en Ék sal hulle seën.

Die Goddelike tydsberekening op die dag van Pinkster was perfek, presies op die tyd toe die groot massa mense op pad was na die Skone Poort (Beautyful Gate) om deel te neem aan die oggend gebede, is hulle gekonfronteer met die wonderwerk van die spreek van tale en met Petrus se Messiaanse boodskap.

Op die Ophel, i.e. aan die suidelike kant van die Tempel Berg voor die Skone Poort waar hierdie gebeurtenis plaasgevind het, is dosyne rituele baddens of Mikvah’s wat dateer uit daardie tyd opgegrawe en in die omliggende area is daar nog baddens. Mens kan dus sien dat die moontlikheid van ʼn massa doop vir 3000 mense op Pinkster dag glad nie ʼn probleem was nie.

Die Betekenis van Pinkster

Pinkster het 50 dae na die Fees van Eerste Vrugte of die Fees na Weke in Hebreeus “Shavu’oth”, plaasgevind. (Lev 23:16  tot die dag ná die sewende sabbat moet julle vyftig dae tel; dan moet julle ‘n nuwe spysoffer aan die HERE bring. Deu 16:10 Dan moet jy die fees van die weke hou vir die HERE jou God ooreenkomstig die vrywillige offer van jou hand wat jy sal gee, namate die HERE jou God jou sal seën.) Pinkster was een van die drie groot Tempel feeste wat elke Joodse man verplig was om by te woon. (Deu 16:16  Drie maal in die jaar moet al jou manne voor die aangesig van die HERE jou God verskyn op die plek wat Hy sal uitkies; op die fees van die ongesuurde brode en op die fees van die weke en op die huttefees; en hulle mag nie met leë hande voor die aangesig van die HERE verskyn nie;)

Die Eerste Vrugte van die Graan Oes

Op hierdie dag het die volk van Israel, verteenwoordig deur ʼn afvaardiging, twee gesuurde brode, gebak van die eerste vrugte van die graan oes, as graan offer na die Tempel gebring. (Lev 23:16  tot die dag ná die sewende sabbat moet julle vyftig dae tel; dan moet julle ‘n nuwe spysoffer aan die HERE bring. Lev 23:17  Julle moet uit jul woonplekke twee beweegbrode bring; dit moet van twee tiendes van ‘n efa fynmeel wees; gesuurd moet dit gebak word as eerstelinge aan die HERE.) Hierdie was ʼn uitsondering, aangesien graan offers normaalweg geen suurdeeg mag  bevat het nie. (Lev 2:11  Geen spysoffer wat julle aan die HERE bring, mag van iets wat ingesuur is, berei word nie; want van géén suurdeeg of heuning mag julle vir die HERE ‘n vuuroffer aan die brand steek nie. Lev 2:12  As ‘n offer van eerstelinge mag julle dit aan die HERE bring, maar op die altaar mag dit nie as lieflike geur kom nie.) Waarom sou dit wees? In die Bybel is suurdeeg ʼn beeld van die sonde. (Mat 16:6 Daarop sê Jesus vir hulle: Pas op en wees op julle hoede vir die suurdeeg van die Fariseërs en Sadduseërs. Mat 16:12  Toe het hulle begryp dat Hy nie gesê het dat hulle moes oppas vir die suurdeeg van die brood nie, maar vir die leer van die Fariseërs en Sadduseërs. 1Co 5:8  Laat ons dan feesvier, nie met die ou suurdeeg of met die suurdeeg van ondeug en boosheid nie, maar met die ongesuurde brode van reinheid en waarheid.) Deur die brood te bak is die uitwerking van die suurdeeg in die brood geneutraliseer. Hierdie offer is ʼn wonderlike beeld van die Christen kerk wat bestaan uit verloste sondaars. By Pinkster is die gelowiges deur die Heilige Gees verenig in een liggaam, die “liggaam van Christus”. (1Co 12:13  Want ons is almal ook deur een Gees gedoop tot een liggaam, of ons Jode of Grieke is, slawe of vrymanne; en ons is almal van een Gees deurdronge.) Daarom kan dus gesê word: (1Co 10:17 Omdat dit een brood is, is ons almal een liggaam, want ons het almal deel aan die een brood.)

Wanneer Paulus sê dat hy aan God aanbied mense wat tot geloof gekom het deur sy diens as ʼn offer, dan verwys hy direk na die graan offer by Pinkster. (Rom 15:15  Tog het ek ten dele taamlik gewaag om aan julle te skrywe, broeders, as een wat julle herinner, kragtens die genade wat my deur God gegee is Rom 15:16  om ‘n dienaar van Jesus Christus onder die heidene te wees, ‘n dienaar van die evangelie van God, sodat die offer van die heidene welgevallig kan wees, geheilig deur die Heilige Gees.)

Offering van die Eerste Vrugte

Vanaf die tyd van Pinkster is daar begin om die eerste vrugte na die Tempel te bring. (Exo 23:19  Die beste van die eerstelinge van jou grond moet jy in die huis van die HERE jou God bring. Jy mag die bokkie nie kook in sy moeder se melk nie.  Deu 26:1 En as jy in die land kom wat die HERE jou God jou as erfenis sal gee en jy dit in besit neem en daarin woon, Lev 23:10  Spreek met die kinders van Israel en sê aan hulle: As julle in die land kom wat Ek julle gee en sy opbrings oes, moet julle die eerstelingsgerf van julle oes na die priester bring.  Deu 26:2  dan moet jy neem uit die eerstelinge van al die vrugte van die land wat jy inbring uit jou land wat die HERE jou God jou sal gee, en dit in ‘n mandjie sit; en jy moet gaan na die plek wat die HERE jou God sal uitkies om sy Naam daar te laat woon,) Die offers moes geskied tussen die Pinkster Fees en die Hutte Fees. Volgens tradisie was dit verstaan dat die 7 getuienisse van die Beloofde Land volgens Deuteronomium 8:8 gebring moes word. (Deu 8:8  ‘n land van (1) koring en (2)gars en (3) wingerdstokke en (4) vyebome en (5) granate; ‘n land van (6) olieryke olyfbome en (7) heuning;) Die eienaar moes deur die landerye stap en n stukkie riet of tou om sekere van die vrugte wat vroeg ryp word bind en dan vrywillig uitroep:

“ Kyk, dit is die Eerste Vrugte”.

Die aanbieding van hierdie offerhande het plaasgevind soos voorgeskryf in Deuteronomium 26:1-11. Dit is interessant in hierdie verband dat die gelowiges in die kerk wat deur God ingestel is op die dag van Pinkster, “Eerste Vrugte” in die Nuwe Testament genoem word. (Jas 1:18  Volgens sy wil het Hy ons voortgebring deur die woord van die waarheid, sodat ons as eerstelinge van sy skepsele kan wees.)

In Romeine 8 word die resultate van verlossing wat ons al reeds vandag besit “Eerste Vrugte”, genoem want dit is die voorhoede van algehele, toekomstige verlossing. Die verlossing van die liggaam gaan slegs gebeur by die koms van Christus by die wegraping en opstanding. (Rom 8:23  En nie alleen dit nie, maar ons self ook wat die eerstelinge van die Gees het, ons sug ook in onsself in afwagting van die aanneming tot kinders, naamlik die verlossing van ons liggaam.) Die eerste gelowiges van ʼn sekere streek word ook as “Eerste Vrugte” beskryf. (Rom 16:5  Groet ook die gemeente by hulle aan huis. Groet Epénetus, my geliefde, wat die eersteling van Acháje is vir Christus. 1Co 16:15  En ek versoek julle, broeders—julle weet dat die huisgesin van Stéfanas die eersteling van Acháje is en dat hulle hul tot diens van die heiliges gestel het—) Soortgelyk word die voorhoede van die  gelowige oorblyfsel van Israel in Openbaring 14 ook “Eerste Vrugte” genoem. (Rev 14:4  Dit is hulle wat hulself met vroue nie besoedel het nie, want hulle is maagdelik rein; dit is hulle wat die Lam volg waar Hy ook heengaan; dit is hulle wat gekoop is uit die mense as eerstelinge vir God en die Lam.)

NGVishoek: Ds. ( dominee ) Martin Barnard.

Hierdie hele proses het my laat nadink. Aan die verskil tussen klippe en bakstene. Natuurlik is die duidelikste verskil dat bakstene mensgemaak is, terwyl klippe deur die natuur gevorm word. Bakstene word deur mense gemaak, gewoonlik in ’n vorm gegiet sodat almal dieselfde lyk en dieselfde funksie verrig. Bakstene pas netjies op mekaar. Afgerond. Presies. Dieselfde grootte, kleur, vorm. Bakstene word deur ’n meganiese proses vervaardig in ’n relatiewe kort tyd. Dit word gevorm en gebak. Klippe word egter nie in ’n oond gebak nie, maar gevorm deur ’n noodsaaklike bestandeel — tyd. Geen klip is nog ooit in ’n kits gevorm nie.

Klippe is anders. Klippe pas nie presies op mekaar nie, want geen twee klippe is dieselfde gevorm nie. Part is grof en hoekig. Ander glad en gerond. Part groot, soos rotse. Ander klein soos spoelklippes. Die vorm en grootte hang af van die plek, omstandighede, tydsduur en klimaat waarin hul gevorm is.

As jy met bakstene bou, het jy sement nodig om die stene bymekaar te hou. Weens die feit dat die bakstene almal dieselfde lyk kan dit maklik omval as dit nie aanmekaar gegiet is nie. As jy met klippe bou gebruik jy ook sement, maar baie keer gebruik mense sommer modder. Die rowwe kante en vorm van die klippe kan juis tot gevolg hê dat dit stewig inmekaar pas. Die verskille in vorm kan juis die krag verseker.

Sommige mense verkies om met bakstene te bou weens al die voordele wat dit inhou in produksie, tyd en geld. Ander verkies klip… soms slegs vir estetiese redes, maar dikwels bloot omdat dit is wat die natuur aan hul verskaf. In ons samelewing maak bakstene meer sin. Dis vinnig. Dis effektief. Dit bou vinniger. Dis minder gespesialiseerd.

Maar dis ook nie uniek nie.

Dit is vir my onrusbarend hoe die samelewing al meer staatmaak om “eenersheid”. Jy moet inpas, nie uitpas nie. Orals is daar vooraf gemaakte vorms waarin jy moet pas, of wat jou wil vorm en hard bak om ’n funksie te verrig.

In ons gesinne het ons klippe in bakstene verander.
In ons skole het ons klippe in bakstene verander.
In ons kerke het ons klippe in bakstene verander.
In ons verhoudinge het ons klippe in bakstene verander.
In ons drome het ons klippe in bakstene verander…

Want, one het mos nie tyd nie. En ons verwag meer, en meer, en meer… van dieselfde.

Bron:  juig.co.za NGVishoek: Ds. ( dominee ) Martin Barnard.

Hy het dit tasbaar vir die NG Kerk kom wys toe hy die vergadering van die

Algemene Sinode in 1994 in Pretoria besoek het. So het hy die lidmate van die NG Kerk saamgenooi

op hierdie reis!

Ons treur saam met die land, sy familie en dierbares oor die verlies van ’n geliefde leier. Ons is

dankbaar dat God iemand soos Madiba gestuur en gebruik het om Suid-Afrika uit ‘n doodloopstraat

te lei na ‘n nuwe toekoms. Ons is dankbaar vir die baie jare wat hy na sy vrylating gespaar was.

Sy lewe en erfenis daag ons uit om in ons alledaagse lewe menswaardigheid en respek teenoor

mekaar in elke deel van ons land se bestaan en samelewingstrukture te koester.

Ons is oortuig Madiba het die goeie wedloop afgelê en die wenstreep bereik. Ons groet hom: Hamba

Kahle, Madiba!

Namens die Moderatuur van die Algemene Sinode Moderamen

Dr JJ Gerber

Algemene Sekretaris van die NG Kerk

NGVishoek: Ds. ( dominee ) Martin Barnard.

Levitiese Onreinheid

Op hierdie stadium moet ʼn paar fundamentele opmerkings aangaande rituele onreinheid of reiniging soos deur Moses voorgeskryf, gemaak word. Hierdie onderwerp op sigself is uiters kompleks, nie te min kan die simboliese boodskap wat daardeur uitgedra word, baie eenvoudig verduidelik word, indien daar eerstens vasgestel word dat Levitiese onreinheid in sy breedste vorm tot ʼn groot mate verbind word met die dood en geboorte. Dit is deur hierdie simboliese boodskap wat die volgende twee fundamentele Bybelse doktrine, wat veral duidelik in die Nuwe Testament openbaar word, voorberei is:

1.         Mense word gebore in sonde. Dit beteken hulle kom in die wêreld met ʼn sondige, gedegenereerde en onreine natuur, wat hulle van Adam geërf het, wat hulle dryf na boosheid sodat hulle gewoond raak daaraan om sonde te doen. (Rom 5:12 Daarom, soos deur een mens die sonde in die wêreld ingekom het en deur die sonde die dood, en so die dood tot alle mense deurgedring het, omdat almal gesondig het Psa 51:5 (51:7) Kyk, in ongeregtigheid is ek gebore, en in sonde het my moeder my ontvang. Job 14:4 Ag, kon maar ‘n reine voortkom uit ‘n onreine—nie een nie!)

2.        Die dood is die loon van die sonde. (Rom 6:23  Want die loon van die sonde is die dood, maar die genadegawe van God is die ewige lewe in Christus Jesus, onse Here.)

Oor die algemeen gesproke leer Levitiese onreinheid vir ons dat sonde die mens onrein en veil maak. Die betekenis van rituele reiniging onder die Wet van Moses wys in simboliese taal na God se manier/plan van verlossing wat ons uitlei van die onreinheid van sonde na gemeenskap met die Ewige God.

Die Betekenis van Rituele Reiniging

Gedurende die tyd van die Tweede Tempel, is reinheid bewerkstellig deur te was, deur al die klere te verwyder en in ʼn bad van 40 Se’ah (292 liter) water totaal en al onder die water in te gaan/onderdompel.

Daar was ʼn Rabbiniese voorskrif betreffende die bou van rituele baddens (Mikvah’s) en die samestelling van die water wat gebruik kon word vir reiniging. Slegs deur aan hierdie vereistes te voldoen kon die water as rein beskou word. Die “doktrine van reiniging” deur middel van sulke reinigings baddens (Mikvah) het fundamenteel behoort aan Judaïsme. (Heb 6:1 Daarom moet ons nie bly by die begin van die prediking aangaande Christus nie, maar na die volmaaktheid voortgaan sonder om weer die fondament te lê van die bekering uit dooie werke en van die geloof in God, Heb 6:2  van die leer van die doop en van die handoplegging en van die opstanding van die dode en van die ewige oordeel.)

Die Twee Wee

Hier bo sien ons een van die oorspronklike rituele baddens naby die Monumentale Trappe en langs dit ʼn voorbeeld van ʼn moderne rituele of Mikvah bad, let op die skeiding in die trappe. Dit word geskei in ʼn “breë weg en ʼn noue weg”. Wanneer ʼn persoon die bad binne gegaan het om hom of haarself te reinig het die persoon na die water afgegaan langs die “breë weg” in ʼn onreine toestand en na totale onderdompeling onder die water het die persoon ʼn 180° draai gemaak en in ʼn reine toestand uit die bad geklim langs die “noue weg”. Die verband tussen hierdie gebruik en die woorde van Jesus tydens die Bergpredikasie is ooglopend. (Mat 7:13  Gaan in deur die nou poort, want breed is die poort en wyd is die pad wat na die verderf lei, en daar is baie wat daardeur ingaan. Mat 7:14  Want die poort is nou en die pad is smal wat na die lewe lei, en daar is min wat dit vind.) Daar is veral baie van hierdie baddens gevind wat dateer rondom die tweede Tempel periode.

Reiniging Deur Die Woord Van God

In Efesiërs 5 word die verband tussen die simboliese betekenis van die rituele bad en die reiniging van die Christen kerk deur Christus verduidelik. (Eph 5:25  Manne, julle moet jul eie vroue liefhê, soos Christus ook die gemeente liefgehad en Homself daarvoor oorgegee het Eph 5:26  om dit te heilig, nadat Hy dit gereinig het met die waterbad deur die woord, Eph 5:27  sodat Hy die gemeente voor Hom kon stel, verheerlik, sonder vlek of rimpel of iets dergeliks; maar dat dit heilig en sonder gebrek sou wees.)

Volgens Efesiërs 5:25 is die water van reiniging ʼn beeld van God se Woord. Wanneer ons die Bybel lees, ontbloot God ons sondes en onreinhede deur sy Woord. Dit behoort ons gedurig daartoe te lei om ons sondes te bely voor God in ooreenstemming met 1 Johannes 1. (1Jn 1:9  As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.)

ʼn Persoon moet ʼn volledige 180° omkeer maak wanneer hy afgestap het langs die breë weg van onreinheid deur ʼn doelbewuste, eens en vir altyd besluit te maak en dan terug te keer na God langs die noue weg wat lei na die lewe. Die Skrif noem dit “bekering” en die oorspronklike woord beteken letterlik om weg te draai van die sonde i.e. jou rug op die sonde te draai na God toe. Maar selfs die gelowige moet oor en oor sy lewe toets in die teenwoordigheid van God en reggestel word deur die Bybel. Paulus noem dit “om ʼn mens self te ondersoek” of om ʼn mens self te oordeel”. (1Co 11:31  Want as ons onsself beoordeel het, sou ons nie geoordeel word nie.)

Net soos die rituele reiniging behoort het aan die algemene daaglikse lewe van Judaïsme, (Heb 9:10  omdat dit net bestaan het in spys en drank en verskillende wassinge en vleeslike verordeninge wat opgelê is tot op die tyd van herstelling.),  so is self ondersoek en daaglikse reiniging in die lig van die Bybel deel van die normale lewe van ʼn Christen.

Reiniging Deur Die Bloed Van Jesus

Die water van die Mikvah bad wys na die Woord van God wat sonde ontbloot aan die een kant, maar aan die ander kant ook na die bloed van Christus wat reinig van sonde. (1Jn 1:7  Maar as ons in die lig wandel soos Hy in die lig is, dan het ons gemeenskap met mekaar; en die bloed van Jesus Christus, sy Seun, reinig ons van alle sonde.) Die verbintenis tussen water en bloed is baie nou, aangesien bloed bestaan uit ʼn groot persentasie van water. Sodoende kan die volgende Skrifgedeelte in die Nuwe Testament wat verwys na rituele reiniging beter verstaan word. In die openings hoofstuk van die laaste boek van die Nuwe Testament word die seevierende Verlosser deur sy mense geloof met woorde wat direk tot die hart spreek. (Rev 1:5b Aan Hom wat ons liefgehad het en ons van ons sondes gewas het in sy bloed Rev 1:6  en ons gemaak het konings en priesters vir sy God en Vader, aan Hom die heerlikheid en die krag tot in alle ewigheid! Amen.)

In die tweede gedeelte van Openbaring 7 sien Johannes ʼn groot menigte verloste mense van alle nasies, stamme en tale. Dit was aan hom verduidelik wie die mense was: (Rev 7:14b Dit is hulle wat uit die groot verdrukking kom, en hulle het hul klere gewas en hul klere wit gemaak in die bloed van die Lam.)

In die Joodse rituele wassing/reiniging was dit nie net die hele liggaam wat gewas is nie, maar ook die rituele onreine klere. As gevolg hiervan moet daar veral gelet word op die gedeelte hierbo uit Openbaring 7, aangesien die aspek van die was of reiniging van die klere daar genoem word. Klere simboliseer ons uiterlike opmerkbare karakteristieke en ons daaglikse gewoontes. Selfs hierdie gebied van menslikheid is deurdrenk met onreinheid (Jud 1:23  maar ander moet julle met vrees red deur hulle uit die vuur te ruk; en ook die kleed moet julle haat wat deur sonde bevlek is.) en  Goddelike reiniging deur die verlossings werk van die Here Jesus is dus nodig.

Die Wassing van Wedergeboorte

In Titus 3 word die vernuwing van ʼn persoon by sy wedergeboorte gekoppel aan die beeld van rituele wassing/reiniging. (Tit 3:4  Maar toe die goedertierenheid van God, ons Verlosser, en sy liefde tot die mens verskyn het— Tit 3:5  nie op grond van die werke van geregtigheid wat ons gedoen het nie, maar na sy barmhartigheid het Hy ons gered deur die bad van die wedergeboorte en die vernuwing deur die Heilige Gees Tit 3:6  wat Hy ryklik uitgestort het op ons deur Jesus Christus, ons Verlosser; Tit 3:7  sodat ons, geregverdig deur sy genade, erfgename kan word ooreenkomstig die hoop van die ewige lewe.)

Toegang tot God se Teenwoordigheid na Rituele Wassing/Reiniging

In Hebreërs 10 word die persoon wat deur Christus verlos is, aangemoedig om in te gaan in die direkte teenwoordigheid van God in die hemelse Tempel/heiligdom, wat die heeltyd moontlik is deur middel van gebed. Selfs hier word die reiniging van die besoedeling van sonde verduidelik deur die beeld van die Mikvah. (Heb 10:19 Terwyl ons dan, broeders, vrymoedigheid het om in die heiligdom in te gaan deur die bloed van Jesus Heb 10:20  op die nuwe en lewende weg wat Hy vir ons ingewy het deur die voorhangsel heen, dit is sy vlees, Heb 10:21  en ons ‘n groot Priester oor die huis van God het, Heb 10:22  laat ons toetree met ‘n waaragtige hart in volle geloofsversekerdheid, die harte deur besprenkeling gereinig van ‘n slegte gewete en die liggaam gewas met rein water.)

NGVishoek: Ds. ( dominee ) Martin Barnard.

Lev 16:4  Hy moet ‘n heilige linnerok aantrek en ‘n linnebroek moet oor sy vlees wees en met ‘n linnegordel moet hy hom gord en ‘n linnetulband moet op sy hoof wees. Dit is heilige klere; en hy moet sy liggaam in die water bad en dit aantrek.

Lev 16:5  En van die vergadering van die kinders van Israel moet hy twee bokramme as sondoffer en een ram as brandoffer neem.

Lev 16:6  Dan moet Aäron die sondofferbul wat vir hom bedoel is, aanbring en vir hom en sy huis versoening doen.

Lev 16:7  Hy moet ook die twee bokke neem en hulle voor die aangesig van die HERE stel by die ingang van die tent van samekoms.

Lev 16:8  En Aäron moet oor die twee bokke die lot werp, een lot vir die HERE en een lot vir Asásel.

Lev 16:9  Dan moet Aäron die bok aanbring waar die lot vir die HERE op gekom het en hom as sondoffer berei;

Lev 16:10  maar die bok waar die lot vir Asásel op gekom het, moet lewendig voor die aangesig van die HERE gestel word, om oor hom versoening te bewerk deur hom vir Asásel in die woestyn te stuur.

Daar is ʼn merkwaardige verwysing in die Talmud aangaande die deure van die Tweede Tempel:

“Veertig jaar voor die vernietiging van die Tempel (i.e. 30 AD) het die lot nie weer in die regterhand geval nie, die rooi lint (om die Asésel of sondebok se nek) het nie weer wit geword nie, die westelike lig (die ewige lig) het nie meer gebrand nie en die deure van die heikhal (of heiligdom) het vanself oop gegaan, totdat Rabbi Yochanaon ben Zakkai dit bestraf het.” Hy het die volgende gesê: (aan die Tempel)

“O heikhal, heikhal waarom onstel jy jouself. Ek weet baie goed dat jy bestem is om vernietig te word, want Zechariah ben Iddo het reeds aangaande jou geprofeteer “Zec 11:1 Open jou deure, o Líbanon, sodat vuur jou sederbome verteer!

(Talmud Bavli, Yoma 39b)

Dit is belangrik om daarop te wys dat die Talmudiese verwysing 40 jaar voor die vernietiging van die Tweede Tempel gemaak is. Die Tweede Tempel is vernietig in 70 AD. Die datum toe hierdie merkwaardige gebeurtenis plaasgevind het, was presies dieselfde jaar toe Christus aan die kruis gesterf het.

Die buitengewone swaar deure van die Tempel het vanself oop gegaan. Daar is ook ander sekulêre Joodse bronne wat hierdie gebeurtenis bevestig:

“By dieselfde Fees (Pasga) …het die Oos hek van die binne hof van die Tempel, wat van brons gemaak was en verskriklik swaar was en met groot moeite met die hulp van twintig man gesluit moes word, wat gerus het op ʼn basis wat met yster versterk is en met yster penne vasgehou was diep in die sterk vloer gemaak van een groot soliede klip, is gesien om teen die sesde uur van die nag vanself oop te gaan.”

(Josephus; The Wars of the Jews 6.5.3)

Die Nuwe Testament vertel vir ons dat die Voorhangsel van die Tempel van bo tot onder in die middel deur geskeur het.

Mat 27:50  Daarop het Jesus weer met ‘n groot stem geroep en die gees gegee.

Mat 27:51  En kyk, die voorhangsel van die tempel het in twee geskeur, van bo tot onder, en die aarde het gebewe en die rotse het geskeur;

Mat 27:52  en die grafte het oopgegaan en baie liggame van die ontslape heiliges het opgestaan.

Mat 27:53  En ná sy opstanding het hulle uit die grafte uitgegaan en in die heilige stad ingekom en aan baie verskyn.

Mat 27:54  En toe die hoofman oor honderd en die wat saam met hom Jesus bewaak het, die aardbewing sien en die dinge wat daar gebeur, het hulle baie bevrees geword en gesê: Waarlik, Hy was die Seun van God.

n Wonderbaarlike gebeurtenis wat 40 jaar voor die vernietiging van die Tempel in 70 AD gebeur het. Die Talmudiese gedeelte hier bo bevestig ook twee ander merkwaardige gebeurtenisse wat gebeur het. Na die dood en opstanding van die Messias, het die westelike lig opgehou brand. Die ewige lig “Ner Tamid” wou nie meer brand in die Aller Heiligste nie. Die lot vir die Azazel gedurende Yom Kippur het ook nie meer in die regter hand geval nie en die rooi lint wat om die sondebok se nek vasgemaak was en aangedui het of die volk se sonde vergewe was, het nooit weer wit verkleur nie i.e. daar was nooit weer versoening/vergifnis van sonde vir die volk van Israel deur die bring van offerhande na die dood en opstanding van Christus nie, die lint het rooi gebly.

Die lot is gegooi vir die Azazel of sondebok op Yom Kippur. Twee bokke was gekies en die lot het altyd op die bok aan die regterkant geval. Na die dood en opstanding van Christus is die lot gegooi en die bok aan die linkerhand is gekies om die volk se sonde die wildernis in te dra. Daar was ʼn rooi lint om die sondebok se nek vasgemaak.

Die lint het altyd wit verkleur om aan te dui dat die volk se sonde vergewe was.

Isa 1:18  Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol.

Vanaf 40 jaar voor die vernietiging van die Tempel, die jaar toe die Messias gesterf het aan die kruis en uit die dood opgestaan het, het die lint nooit weer wit verkleur nie.

NGVishoek: Ds. ( dominee ) Martin Barnard.

Dit is presies wat gebeur het in die geskiedenis, maar in Openbaring 13 en 17 kry ons weer te doen met die 4de wêreld ryk van die boek van Daniel. (Rev 17:8  Die dier wat jy gesien het, was en is nie, en sal uit die afgrond opkom en na die verderf vaar; en die bewoners van die aarde wie se name nie van die grondlegging van die wêreld af in die boek van die lewe) Ons het hier drie periodes. Die Romeinse Ryk:

(a)             Was

(b)            Is Nie

(c)             Sal Opstaan

Daar was ʼn Romeinse Ryk met Christus se eerste koms en daar sal ʼn Romeinse Ryk wees met Sy tweede koms.

Na Napoleon was enige poging om die ou Romeinse ryk aan die gang te hou op ʼn einde, maar toe kom die Eerste en Tweede Wêreld Oorloë en ongeveer 70 000 000 mense sterf. In 1946 gaan Winston Churchill na Zurig en sê “let Europe arise” en bepleit die vereniging van Europa en vandag het ons die Europese Unie bestaande uit 27 nasies, die herlewing van die ou Romeinse ryk vanuit die afgrond of bodemlose put, “abysos” wat in Romeine 10 gebruik word. In Grieks beteken dit die ryk van die dood en uit die dood en vernietiging van die Eerste en Tweede Wêreld Oorloë word die nuwe Europa/Romeinse Ryk gebore.

DEEL 4 (Die Profesieë van Jesus in Matteus 24, Markus 13 en Lukas 21.)

Hier vra die dissipels vir Jesus 3 vrae: (Mat 24:3  En toe Hy op die Olyfberg gaan sit het, kom die dissipels alleen na Hom en sê: Vertel ons, (1)wanneer sal hierdie dinge wees (bedoelende die vernietiging van die Temple), en (2) wat is die teken van u koms (i.e. wat gaan gebeur net voor Jesus terugkom) en (3) van die voleinding van die wêreld? (in ander woorde wat gaan gebeur aan die einde van die tyd)

Hier moet ons oplet dat in Lukas 21:12-24 beskryf Jesus die vernietiging van die Tempel in 70AD, ʼn profesie wat letterlik vervul is en ons kan dus seker wees dat die res van die profesie ook letterlik vervul gaan word.

Mat 24:4 En Jesus antwoord en sê vir hulle: Pas op dat niemand julle mislei nie.

Mat 24:5 Want baie sal onder my Naam kom en sê: Ek is die Christus! en hulle sal baie mense mislei.

Mat 24:6 En julle sal hoor van oorloë en gerugte van oorloë. Pas op, moenie verskrik word nie, want alles moet plaasvind, maar dit is nog nie die einde nie.

Mat 24:7  Want die een nasie sal teen die ander opstaan en die een koninkryk teen die ander; en daar sal hongersnode wees en pessiektes en aardbewings op verskillende plekke.

Mat 24:8  Maar al hierdie dinge is ‘n begin van die smarte.

Mat 24:9  Dan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.

Mat 24:10  En dan sal baie tot struikel gebring word en mekaar verraai en mekaar haat.

Mat 24:11 En baie valse profete sal opstaan en baie mense mislei.

Mat 24:12  En omdat die ongeregtigheid vermeerder word, sal die liefde van die meeste verkoel.

Mat 24:13  Maar wie volhard tot die einde toe, hy sal gered word.

Mat 24:14  En hierdie evangelie van die koninkryk sal verkondig word in die hele wêreld tot ‘n getuienis vir al die nasies; en dan sal die einde kom.

Mat 24:15  Wanneer julle dan die gruwel van die verwoesting, waarvan gespreek is deur die profeet Daniël, sien staan in die heiligdom—laat hy wat lees, oplet—

Mat 24:16  dan moet die wat in Judéa is, na die berge vlug;

Mat 24:17  wie op die dak is, moet nie afkom om iets uit sy huis weg te neem nie;

Mat 24:18  en wie op die land is, moet nie omdraai om sy klere weg te neem nie.

Mat 24:19  Maar wee die vroue wat swanger is en die wat nog soog, in daardie dae.

Mat 24:20  En bid dat julle vlug nie in die winter of op die sabbat mag plaasvind nie.

Mat 24:21  Want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie.

Mat 24:22  En as daardie dae nie verkort was nie, sou geen vlees gered word nie; maar ter wille van die uitverkorenes sal daardie dae verkort word.

Mat 24:23 As iemand dán vir julle sê: Kyk, hier is die Christus! of: Daar! —moet dit nie glo nie.

Mat 24:24 Want daar sal valse christusse en valse profete opstaan, en hulle sal groot tekens en wonders doen om, as dit moontlik was, ook die uitverkorenes te mislei.

Mat 24:25  Kyk, Ek het dit vir julle vooruit gesê.

Hier praat Jesus een keer van oorloë, hongersnood en verdrukking, maar 4 keer in hierdie gedeelte se Hy pasop dat julle nie mislei word nie. Om die waaruit te se dit is die heel eerste ding wat Hy sê in vers 4 en dan herhaal Hy dit ʼn tweede keer in vers 5 en weer in vers 11 en sluit af in verse 23 en 24 deur te se pasop dat julle nie mislei word nie. Dit behoort dus ooglopend te wees dat die grootste kenmerk dat ons in die einde van die tyd leef, misleiding in die kerk is.

Wel dit is presies wat besig is om te gebeur met dinge soos die “Emerging Chruch – Brian McLaren, Tony Campola en hulle ondersteuners”, “Rick Warren se Purpose Driven Church, die Alpha Course wat sy oorsprong het in die Anglikaanse kerk wie se hoof Dr Rowen Williams ʼn “Druid” is, die Jesus Seminar  en ʼn menigte ander sogenaamde “Christelikke bewegings en skrywers ” soos Joyce Meyers, Joel Osteen, Benni Hinn, C Peter Wagner en al sy volgelinge, Kennith Copeland, Kennith Hagan, Rodney Howard Brown,  Tod Bently, die lys is oneindig en uit ons eie kerk het ons die “Nuwe Reformasie”. Net onlangs het ons in die nuus gelees van ʼn man in Australië en in Durban wat hulle self die titel Jesus die Messias toeëien. En ek weet baie mense wat lees wat ek hier geskryf het, sal my wil kruisig omdat ek durf sommige van die mense as misleiers uitmaak, die tragedie van die saak is dat sulke mense self reeds mislei is. Al raad wat ek vir sulke mense het, is bid dat die Here julle oë oop maak en lees die Bybel in plaas van hierdie boeke wat op persoonlike opinies gebaseer is en nie op die Skrif nie. Die rede waarom mense sulke misleidende leesstof glo is omdat hulle nie die Woord Van God ken nie, want as hulle dit geken het sou hulle van beter geweet het en nie mislei word nie. Dan is daar die wat wel die Woord ken, maar dink hulle is slim en hulle daaraan toewy om die Woord te verdraai, hulle is die predikante en teoloë wat ʼn “ander Jesus” verkondig en die dwaalleer wat in hierdie boeke geskryf staan ondersteun. Wat gaan sulke mense doen wanneer die regte Antichris opdaag, hierdie persoon gaan nie ʼn rooi draak met ʼn gepunte stert wees wat vuur blaas nie, nee hy gaan die liefling van die wêreld wees met soveel “wysheid en sjarme”, tot op ʼn punt, dat feitlik elke persoon op die planeet agter hom gaan aanhardloop. (Kyk maar net hoe ons in hierdie land vir Nelson Mandela verafgod en hy is nie eens ʼn kind van die Here nie.) Mense dit is harde woorde, maar dit is nie nou die tyd om te dink ons is “cool” deur liberaal te probeer wees nie en te probeer in pas by wat die wêreld as “cool” ag nie. Glo in God en Sy Seun Jesus Christus en bestudeer Sy Woord eerder as om te luister na wat hierdie mense te sê het, want daar is nie baie tyd oor nie. Hierdie aspek sal later in groter detail behandel word.

So uit hierdie Skrifgedeelte sien ons dus die volgende:

(1) Pasop dat ons nie mislei word nie! (Hierdie waarskuwing is deurlopend in hierdie hele gedeelte)

(2)            Oorloë en gerigte van oorloë.

(3)            Revolusies

(4)            Hongersnood

(5)            Epidemies

(6)            Aardbewings

Dan die vervolging van Christene en grootskaalse afvalligheid.

Die Begin Van Die Smarte!

Jesus se vir ons dat hierdie gebeurtenisse gaan wees soos geboorte pyne en ons weet dat geboorte pyne kom in siklusse wat al nader en nader aan mekaar kom en meer intens word soos dit aangaan.

Ons weet reeds dat die begin van die einde van die tyd word aangedui deur die terugkeer van die Jode na die beloofde land Israel. Laat ons nou kyk na die eerste 40 jaar vanaf 1882 tot 1922 toe dit begin gebeur het. Gedurende hierdie tydperk gaan ons al hierdie 6 tekens van die begin van smarte sien en dan, die vervolging van Christene en groot afvalligheid van die geloof.

Oorloë en Gerugte van Oorloë.

Mar 13:7  Maar wanneer julle hoor van oorloë en gerugte van oorloë, moet julle nie verskrik word nie, want dit moet kom. Maar dit is nog nie die einde nie.

Mense sal sê ja, maar daar was altyd oorloë en hulle is reg, maar die oorloë wat in hierdie gedeeltes van gepraat word, is oorlog op ʼn massiewe skaal en in 1914 het ons die Eerste Wêreld Oorlog met 18 000 000 mense dood en kort daarna in 1939 die Tweede Wêreld Oorlog met 70 000 000 mense dood en van toe af was die wêreld nooit vir een oomblik sonder oorlog nie. Hierdie word wêreld oorloë genoem omdat nog nooit voorheen in die geskiedenis feitlik die hele wêreld op een slag in oorlog betrokke was nie.

Revolusies

Mar 13:8  Want die een nasie sal teen die ander opstaan, en die een koninkryk teen die ander; en daar sal aardbewings wees op verskillende plekke, en daar sal hongersnode wees en beroeringe (tarachai – moeilikheid). Hierdie dinge is ‘n begin van die smarte.

Luk 21:9  En wanneer julle hoor van oorloë en opstande (akatastasiai – revolusie), moenie skrik nie; want dié dinge moet eers plaasvind, maar dit is nie dadelik die einde nie.

1. Philippynse revolusie 1896-1898
2. Konstitusionele revolusie in Iran 1905-1911
3. Russiese revolusie 1905
4. Jong Turkse revolusie in die Ottomaanse Ryk 1908
5. Mexikaanse revolusie 1910
6. Chinese (Xinhai revolusie) 1911/1912
7. Arabiese opstand 1916-1918
8. Februarie revolusie in Rusland 1917
9. Oktober revolusie in Rusland 1917
10. November revolusie in Duitsland 1918/1919
11. Aster revolusie in Hongarye 1918
12. En nou die “Arab Spring”, Egipte, Yemen, Libië, Bahrain, Sirië ens.

En so kan ons aangaan, maar in die 40 jaar tussen 1882 en 1922 toe die Jode begin terugkeer het na Israel was daar 70 revolusies en rebellies en die Eerste Wêreld Oorlog. As ons nou verder gaan begin ons die “geboorte pyn effek” duidelik te sien, want tussen 1922 en 2012 was daar 264 revolusies en rebellies.

Hongersnood

China:                 1892-1894, 1 000 000 dood.

1896-1897, 5 000 000 dood.

1920-1921, 500 000 dood.

Rusland:            1891-1892, 2 000 000 dood..

1921, 5 000 000 dood.

Libanon:            1916-1918, 100 000 dood.

Indië:                  1896-1897 en 1899-1902, 100 000 000 geaffekteer en 11 000 000 dood.

Afrika:                1899, Sentraal Kenia ʼn beraamde 50-90% van die bevolking sterf.

ʼn Totaal van meer as 26 000 000 mense sterf van hongersnood gedurende hierdie

periode.

Ons sien dus hier 1882-1922, 9 hongersnode, 70 revolusies en rebellies en die Eerste Wêreld Oorlog. Die 20ste eeu is die eeu van hongersnood, die eeu waar daar meer kos is as wat die wêreld kan eet, maar miljoene tonne kos word elke jaar vernietig deur lande soos die VSA om pryse hoog te hou. Die 20ste eeu word gekenmerk deur kroniese hongerte onder die wêreld bevolking, daar gaan nie ʼn dag verby waar daar nie iewers op die aarde mense is wat honger is nie.

Vanaf 1900 tot 2000 styg die wêreld bevolking van 1,6 biljoen mense na 6,5 biljoen mense. Jaarliks sterf 8 miljoen mense van honger terwyl 1 biljoen hongerly.

Epidemies

1. Russiese Griep 1889/1890, 1 000 000 dood.
2. Die “Derde Pes Pandemie” 1896-1945, 12 000 000 dood.
3. Die “Sesde Cholera Epidemie” 1899-1923, 800 000 dood.
4. Russiese Typhus Epidemie 1918-1922, , 25 000 000 geaffekteer, 3 500 000 dood.
5. Spaanse Griep 1918-1920, 50-100 000 000 mense dood.

As ons gou weer opsom sien ons in hierdie 40 jaar periode; 5 groot epidemies, 9 hongersnode, 70 revolusies en rebellies en die Eerste Wêreld Oorlog. Maar as ons verder gaan kyk sien ons weereens die “geboorte pyn effek”:

1. Asiese Griep 1956-1958, 1-4 000 000 dood.
2. Hong Kong Griep 1968-1969, 800 000-2 000 000 dood.
3. Russiese Griep 1977-1978, 700 000 dood.
4. HIV vanaf 1981, 37 000 000 dood (33 000 000 vandag siek met 2 600 000 infeksies per jaar en 1 800 000 sterftes per jaar.)
5. Pokke, 300 000 000-500 000 000 dood in die 20ste eeu.
6. Tuberkulose, 100 000 000 dood in die 20ste eeu (vandag 1 500 000-2 000 000 dood per jaar).
7. Masels 1870-2011, 200 000 000 dood.
8. Hepatitis B of C 2011, 500 000 000 siek (elke 12de persoon op aarde) 1 500 000 sterf per jaar.
9. Nikotien verslawing in die 20ste eeu, 100 000 000 dood.

En so kan ons aangaan, ons het nog nie eens gekyk na dinge soos kanker en kardiovaskulêre siektes nie. (Terloops net ʼn gesondheids wenk – een van die top drie lande op aarde waar mense die meeste sterf aan hart siektes is die Ukraine, hierdie is ook die lande met die hoogste stysel en suiker inname van alle lande terwyl die grootste vleis etende land ter wêreld, Argentinië, 154ste op die lys is van mense wat sterf aan hart siektes – vertel dit vir jou dokter wanneer hy weer vir jou sê om minder vleis eet. Die Here het na die vloed gesê die mens kan vleis eet, waarom sou God opsetlik ons toelaat om iets te doen wat sleg is vir ons – al ooit daaraan gedink?)

Aardbewings

1. Ottomaanse Ryk 1883, 15 000 dood.
2. Iran 1893, 18 000 dood.
3. Iran 1985, 11 000 dood.
4. Japan 1896, 27 000 dood.
5. Indië 1905, 20 000 dood.
6. Messina/Sisilië/Calabria 1908, 72 000-110 000 dood
7. Italië 1915, 30 000 dood.
8. China 1920, 200 000 dood.

1882-1922, 8 groot aardbewings, 5 groot epidemies, 9 hongersnode, 70 revolusies en rebellies en die Eerste Wêreld Oorlog.

Ons sien verder dat in die 20ste eeu 2 300 000 mense dood is in 140 van die grootste aardbewings:

1. Japan 1923, 150 000 dood.
2. Turkmenia 1948, 100 000 dood.
3. Peru 1970, 100 000 dood.
4. China 1976, 800 000 dood.
5. Iran 1990, 50 000 dood.
6. Iran 2003, 41 000 dood.
7. Pakistan 2005, 90 000 dood.
8. China 2008, 80 000 dood.
9. Haiti 2010, 316 000 dood.

As dit nog nie oortuigend genoeg is nie kom ons kyk na die “geboorte pyn effek” van aardbewings, met ander woorde die frekwensie toename van aardbewings oor die jare.

Gedurende die eerste 1000 jaar na Christus, was daar ongeveer 5 groot aardbewings aangeteken (alhoewel ons seker is dat meer plaasgevind het in verafgeleë dele van die wêreld). Nietemin was daar ʼn toename in die getal van aardbewings oor die jare.

14de eeu, 157 groot aardbewings.

15de eeu, 174 groot aardbewings.

16de eeu, 253 groot aardbewings.

17de eeu, 278 groot aardbewings.

18de eeu, 640 groot aardbewings.

19de eeu, 2110 groot aardbewings.

Amper 900 000 aardbewings is reeds opgeteken gedurende die 20ste eeu, dit is ʼn aardbewing elke uur.

Vervolging, Dood en Haat

Mat 24:9  Dan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.

1. Kommunisme in die Söviet Unie besluit in die 1920’s om die Christendom te vernietig en Christene word vervolg tot en met 1991 met die ondergang van die Söviet Unie en kommunisme. Hierdie het nie net in die Söviet Unie gebeur nie, maar dwars oor die wêreld waar kommunisme in beheer was en die vervolging van Christen duur nog steeds voort vandag veral in Moslem lande.
2. Christene is en word nog steeds vandag vermoor, gemartel, in tronke, strafkampe en in gestigte gesit.
3. Meeste Christen martelaars sterf gedurende die 20ste eeu, 46 500 000 = 65% van alle Christen martelare ooit.
4. Geopende Deure beraam dat daar vandag meer as 100 000 000 Christene in 25 lande dwars oor die wêreld vervolg word.

Geforseerde Afvalligheid

Mat 24:10  En dan sal baie tot struikel gebring word en mekaar verraai en mekaar haat.

1. Miljoene word afvallig as gevolg van vervolging in die Söviet Unie en Oos Europa.
2. Ateïsme word die algemene lewens filosofie van hierdie lande en word aan kinders op skool geleer.

Verraaiing

Die Geheime Polisie in hierdie lande misbruik die algemene bevolking om mekaar te verraai.

Haat in die Gemeenskap

As gevolg hiervan was niemand seker wie is vriend of wie is vyand nie, selfs nie eens in jou eie familie nie en dit het gelei tot haat onder mekaar.

Vervolging Deur Familielede

Mar 13:12 En die een broer sal die ander tot die dood oorlewer, en die vader sy kind, en die kinders sal teen hulle ouers opstaan en hulle doodmaak.

Hierdie verraaiing het so ver gegaan dat letterlik, vaders hulle kinders en kinders hulle ouers verraai het.

Hier moet ons ook gaan kyk na die volgende:

2Th 2:3  Laat niemand julle op enige manier mislei nie, want eers moet die afval kom en die mens van sonde geopenbaar word, die seun van die verderf

Doelbewuste Afvalligheid

Hier kyk ons na afvalligheid van baie en Christen haat vanaf die Post-Christen ere van die 20ste eeu, veral vanaf die sestiger jare.

1. Miljoene mense verlaat die Christelike geloof en die etiese waardes wat daarmee saamgaan. (Die morele verval van veral die Westerse wêreld vandag, kan direk gekoppel word aan die agteruitgang van die Christelike geloof en die aanvaarding van die filosofie van evolusieleer.) En baie sogenaamde “Christene” baklei vandag met haat teen “Fundamentaliste” i.e. Christene wat nog getrou is aan die Bybel.
2. Deur liberale teologie word alle fundamentele aspekte van die Christelike geloof verwerp. (Die maagdelike geboorte van Jesus, Sy kruisdood en opstanding, die idee dat alle gelowe kan lei tot verlossing ens.)

Valse Profete – Baie Word Mislei

Mat 24:11  En baie valse profete sal opstaan en baie mense mislei.

Gedurende die 20ste eeu was daar 3 golwe van valse profete en valse herlewings:

1906 – Vanuit die VSA kom daar baie valse profete en verkeerderlik voorspel die koms van die Here.

1960 – Die begin van die Charismatiese beweging – duisende valse profesieë word gemaak deur hierdie Charismatiese leiers – volgens Deuteronomium 18 is een valse profesie genoeg om ʼn valse profeet te wees – soos reeds gesê duisende valse profesieë is gemaak, maar mense glo dit, nie te min, en volg die valse profete.

1980 – Valse profete voorspel die grootste herlewing van alle tye wat oor die hele wêreld sal gebeur in die jaar 2000. My Bybels sê daar gaan ʼn groot afvalligheid wees aan die einde van die tyd. (Die duisende wat by die Charismatiese beweging aangesluit het, was nie ʼn herlewing nie, maar “transferred growth”, in ander woorde dit is mense van bestaande kerke wat oor gegaan het na hierdie bewegings, weinig nuwelinge is bygevoeg en die uiteinde was afvalligheid as gevolg van mense wat teleurgestel is.)

Tekens en Wonderwerke

Die bekendste van hierdie moderne “Christelike” fiasko’s is die “Toronto Blessing” van wie Nicki Gumble, vader van die Alfa Course, ʼn dissipel was. Die enigste tekens van herlewing vandag vind ons in Katolieke en nie-Christen lande, daar is geen herlewing in Christen lande nie, net afvalligheid. Baie van die Charismatiese bewegings het goed en opreg begin maar het vinnig ontaard in wanorde, chaos en ʼn voertuig vir die duiwel om sy boodskap uit te dra. Duisende in die kerke praat sogenaamd in tale (ʼn gebabbel wat niemand kan verstaan nie, die tale wat in die Bybel gepraat is kon uitgelê word of verstaan word: 1Co_12:10 aan ‘n ander werkinge van kragte, aan ‘n ander profesie, aan ‘n ander onderskeiding van die geeste, aan ‘n ander allerhande tale, aan ‘n ander uitleg van tale. Act_2:6 En toe hierdie geluid kom, het die menigte saamgestroom en was in die war, want elkeen het gehoor hoe hulle in sy eie taal spreek; Act_2:8 En hoe hoor ons hulle, elkeen in ons eie taal waarin ons gebore is? Act_2:11 Kretense en Arabiere—ons hoor hulle in ons eie taal oor die groot dade van God spreek.) sien vissies en ontvang sogenaamde “hemelse” boodskappe. Byeenkomste van “evangeliste” soos Benni Hinn is ooglopend demonies van aard. Hy en vele ander in hierdie bewegings gebruik dan ook gereeld die twee vinger teken van die duiwel en analises van video opnames bevestig dat hulle gereeld die naam van Satan mompel aan die einde van sinne.

Die sogenaamde “slain in the spirit” fenomeen het ook geen Bybelse gronde nie. Die bewegings wat hierdie mense doen wanneer hulle “slain in the spirit” is stem oor een met die van demoniese besitting en mense van heidense gelowe wat in ʼn trans in gaan soos Kundalini Joga. Daar is 45 gevalle waar mense in die Bybel ontmoetings met die Gees van God gehad het en in elke enkele een van hierdie ontmoetings val die persoon op sy aangesig, soos by voorbeeld: Lev 9:23  Daarop het Moses en Aäron in die tent van samekoms gegaan; en toe hulle uitkom, het hulle die volk geseën. En die heerlikheid van die HERE het aan die hele volk verskyn  Lev 9:24  vuur het van die aangesig van die HERE uitgegaan en op die altaar die brandoffer en die stukke vet verteer. Toe die hele volk dit sien, het hulle gejuig en op hulle aangesig geval.) Toe die Heilige Gees uitgestort is op Pinkster dag het niemand omgeval nie, maar daar was tonge van vuur.

Maar in die Charismatiese bewegings val almal op hulle rug en in die Bybel vind ons net drie voorbeelde daarvan: 1Sa 4:18  Net toe hy melding maak van die ark van God, val hy agteroor van die stoel af aan die kant van die poort, sodat hy sy nek gebreek en gesterf het; want die man was oud en swaar. En hy het Israel veertig jaar lank gerig. Mar 9:20  En hulle bring hom na Hom toe; en toe hy Hom sien, laat die gees hom dadelik stuiptrekkings kry, en hy val op die grond neer en rol rond met skuim in die mond. Joh 18:6  Toe Hy dan vir hulle sê: Dit is Ek, het hulle agteruitgegaan en op die grond geval.) Hier sien ons dat in so ʼn geval dit of demoniese besitting is of ʼn vloek van God en NIE ʼn ontmoeting met die Heilige Gees nie. Dit het ʼn “fix” geword en mense gaan terug vir meer in plaas daarvan om God te dien en te gehoorsaam. Hierdie valsheid het versprei na oor die 50 000 kerke dwars oor die wêreld.

Valse Messiasse

Mat 24:24  Want daar sal valse christusse en valse profete opstaan, en hulle sal groot tekens en wonders doen om, as dit moontlik was, ook die uitverkorenes te mislei. Mat 7:22  Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie? Mat 7:23  En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!

1. Oskar Ernst Bernhard alias Abd-rushin (1875-1941) genaamd “die ware Christus”.
2. Jiddu Krishnamurti (1895-1986) sedert 1910 noem hy homself die “Messias wat weer gekom het”.
3. George Baker alias Father Divine (1880-1965) beskou homself as die tweede inkarnasie van God.
4. Maharishi Mahesh Yogi (1918-1998)Geestelike leier van die Beatles.
5. San Myung Mun (1920-) beskou homself as die “Seun van God” en die “Messias”.
6. Bhagwan Shree Rajnesh/Osho (1931-1990)
7. Guru Maharaj Ji (1957-) Divine Light Mission
8. David Koresh (1959-1993)
9. Swami Omkarananda (1930-2000) “alomteenwoordige God”.
10. Jim Jones (1931-1978) massa moord/selfmoord saam met 900 volgelinge in die woude van Guyana.
11. Marshall Applewhite (1931-1997) UFO sekte; massa selfmoord.
12. Charles Manson (1934-) glo swart mense sal hom eendag “Heerser van die Wêreld” maak.
13. Rabbi Menachem Mendel Schneerson (1902-1994) Vermoor 400 000 van sy volgelinge.

Tsunamis/Verwoestende Golwe

Luk 21:25  En daar sal tekens wees aan son en maan en sterre, en op die aarde benoudheid van nasies in hulle radeloosheid, wanneer see en branders dreun,

1. Java/Sumatra 1883: 36 000 dood, (30 meter hoe golwe).
2. Japan 1896: 26 000 dood.
3. Messina/Sisilië/Calabria: 72 000 dood.
4. Indië, Sri Lanka, Maldives, Indonesië, Thailand 2004: 300 000 dood.
5. New Orleans VSA 2005.
6. Texas VSA 2005.

Terrorisme

Luk 21:11  En daar sal groot aardbewings op verskillende plekke wees en hongersnode en pessiektes; en daar sal verskriklike dinge (Grieks: phobêthra – verskriklike gebeurtenisse, gebeurtenisse wat mense vreesbevange maak, verskrikking/terrorisme) en groot tekens van die hemel kom.

Daar is veral 4 periodes waar terrorisme geweldige impak gemaak het op die wêreld.

1. Sedert 1920
2. Sedert 1948
3. Sedert 1967
4. Sedert 2001 (911 – vandag is daar ʼn globale oorlog teen terrorisme)

Verskriklike Gebeurtenisse

Buiten die hongersnode, aardbewings en tsunami’s wat ons reeds behandel het, was daar ook en gebeur nog steeds met toenemende frekwensie en intensiteit:

1. Vloede
2. Hutte golwe
3. Veld brande
4. Olie besoedeling
5. Vulkaniese uitbarstings
6. Kern kragsentrale ongelukke, ens.

Die volgende grafiek illustreer die toename in wêreld rampe.

NGVishoek: Ds. ( dominee ) Martin Barnard.

Ek gaan ‘n paar kwel-situasies noem waaroor ons Christene nogal skerp kan verskil:

1)     Grootdoop vs kleindoop

2)     Ses dag skepping vs ‘n ou heelal

3)     Die eind tye – sal daar ‘n wegraping wees of nie?

4)     Is rockmusiek boos of nie?

5)     Wat mag geëet word en wat nie?

6)     Sabbats onderhouding op ‘n Saterdag vs geloof viering op ‘n Sondag?

7)     Gebruik van sekere rituele al dan nie

8)     Mag ek Kersfees vier of nie?

9)     Beeldjies, of dalk ‘n kruis in jou huis – mag dit?

10) Werk en inkopies op ‘n Sondag

11) Onderhouding van Geloftedag of nie?

12) Watter vertaling van die Bybel moet / mag ek lees?

13) Mag vrouens op die kansel kom?

Jip, oor hierdie goed en nog horde meer kan ons mekaar se hare lekker trek. Nou praat ek nie van verskille tussen gelowiges en ongelowiges nie, of van Christene en ander gelowe nie, ek praat van wedergebore Christene wat verskillende sieninge handhaaf…. lekker bekgevegte!

As ek Romeine 14 lees lyk dit vir my of hierdie nie ‘n nuwe ding is nie – dit gaan al duisende jare so!

Rom 14:1-6, 9-16
Aanvaar die een wat in die geloof swak is, sonder om met hom te stry as sy opvatting van joune verskil. Een glo ‘n mens mag alles eet; ‘n ander is swak in die geloof, en hy eet net groente. Die een wat alles eet, moet die ander wat net groente eet, nie verag nie; en die een wat net groente eet, moet die ander wat alles eet, nie veroordeel nie, want God het hom aangeneem. Wie is jy om oor iemand anders se bediende te oordeel? Sy eie werkgewer sal oordeel of hy goed doen of nie. Maar hy sal goed doen; daarvoor sal die Here sorg. Vir die een is een dag belangriker as ander dae; vir ‘n ander is alle dae ewe belangrik. Elkeen moet net in sy eie gemoed oortuig wees van sy opvatting. Die een wat ‘n bepaalde dag op ‘n besondere wyse hou, doen dit tot eer van die Here. Die een wat alles eet, doen dit tot eer van die Here, want hy dank God. En die een wat nie alles eet nie, doen dit tot eer van die Here, en ook hy dank God.

Hiervoor het Christus ook gesterf en weer lewend geword: om Here te wees van die dooies en die lewendes. Jy, waarom veroordeel jy dan jou broer? En jy, waarom verag jy jou broer? Ons sal tog almal voor die regterstoel van God moet verskyn, want daar staan geskrywe: “So seker as Ek lewe, sê die Here, voor My sal elke knie buig, en elke tong sal bely dat Ek God is.” Elkeen van ons sal dus oor homself aan God rekenskap moet gee. Laat ons mekaar dan nie meer veroordeel nie. Neem julle liewer voor om niks te doen wat jou broer kan aanstoot gee of tot ‘n val kan bring nie. Omdat ek die Here Jesus ken, weet ek en is ek daarvan oortuig dat niks vanself onrein is nie. Maar as iemand iets as onrein beskou – vir hom is dit dan onrein. As jy met wat jy eet, jou broer aanstoot gee, leef jy nie meer volgens die liefde nie. Moenie deur wat jy eet, iemand vir wie Christus gesterf het, laat verlore gaan nie. Moenie dat die goeie wat julle het, ‘n slegte naam kry nie.

Paulus raak in Galasiërs 5 sommer erg omgekrap oor die besnydenis, want dit lyk my mense het soveel daarvan gemaak dat hulle in mekaar se saligheid begin twyfel het. En dis presies hoe dit vandag ook gaan tussen Christene. Ons byt en verskeur mekaar oor goed wat hoegenaamd geen ewigheidswaarde het nie.

Gal 5:1-6, 12
Christus het ons vry gemaak om werklik vry te wees. Staan dan vas in hierdie vryheid en moet julle nie weer onder ‘n slawejuk laat indwing nie.

Kyk, ek, Paulus, sê vir julle: As julle julle laat besny, sal Christus vir julle geen betekenis hê nie. Ek sê dit weer nadruklik vir elkeen wat hom laat besny: Hy is verplig om die hele wet van Moses te onderhou. Julle wat van julle sonde vrygespreek wil word deur die wet te onderhou, julle het julle band met Christus verbreek, julle het die genade van God verbeur. Wat ons betref, deur die werking van die Gees is dit ons hoop en verwagting dat ons deur te glo, vrygespreek sal word. In Christus Jesus is dit nie van belang of jy besny is of nie. Al wat van belang is, is geloof wat deur die liefde tot dade oorgaan.

Ek wens die mense wat dié verwarring onder julle stig, wou hulleself dan maar heeltemal ontman!

Wat Paulus eintlik sê is: as ons so hartstogtelik vashou aan sulke moets en moenies, mis ons dalk net vir Christus. Vers 6(b): Al wat van belang is, is geloof wat deur die liefde tot dade oorgaan. In Rom 14:13 “Laat ons mekaar dan nie meer veroordeel nie”. Hierdie is ‘n opdrag van God!

Hulle sê mos ons boere weet wat ons wil hê. As ons van mekaar verskil, stig ons ‘n nuwe politieke party en ‘n nuwe kerk.

Dit lyk my die Bybel is oor sommige sake nie baie duidelik nie. Miskien omdat dit vir die Here nie baie belangrik is nie. Paulus sê jy moet wat jy doen uit geloofsoortuiging doen. En dit is reg, handel en wandel soos jy doen, glo soos jy glo binne God se raamwerk van jou saligheid, maar moenie ander veroordeel wat anders as jy dink of doen nie.

As ons dan so verknog aan sekere dinge vashou, moet ons dan seker maar aan álles vashou wat daarmee saamgaan. Kom ek vra ‘n moedswillige vraag: mag ‘n Christen ‘n tatoeëermerk dra? Wat sê jy? Dalk sal jy sê: nee, want dit Bybel sê nee. Nog ‘n moedswillige vraag: sny jy jou baard, dié hier op jou wange? Of is jy skoon geskeer, soos ek?

Lev 19:28
Julle mag nie heidense rougebruike navolg deur die hare voor die ore en die wangbaard te knip of deur snye en tatoeëermerke op julle liggame te maak nie. Ek is die Here.

Daar het jy dit nou! Wang baarde en tatoeëermerke in een sin. Nee, ek is nie ‘n voorstaander van tatoeëermerke nie, maar sal geen mens daaroor veroordeel nie. Ek sal ook nie my kind se hand afkap as hy een op sy hand aanbring nie…. en ek gaan ook nie my wang baarde groei nie. Dis dalk hierdie tipe goed waarna Paulus verwys as hy sê: as jy een wet wil onderhou moet jy elke wet onderhou. Hy verwys na wettiese en godsdienstige reëls. Vraag is, hoe voel jy oor mense wat van jou verskil? Ek het al gesien hoe mense mekaar aanvat, Christene! en dan is daar geen sprake van die vrug van die Heilige Gees nie.

Hoe sal ons dan ons verskille hanteer? Anders as wat ons dit met politiek doen. Weet jy, ek sien BAIE meer verdraagsaamheid onder mense wat verskillende rugbyspanne ondersteun as mense wat verskillend glo en tog veronderstel is om in dieselfde geestelike span te speel. Hulle sê mos: Die Christene is die enigste weermag wat sy eie soldate skiet. Of dit so is, weet ek nie, maar dat mense liefdeloos van mekaar verskil is duidelik.

Ons weet teen dié tyd dat daar mense is wat glo die wederkoms van Jesus vind voor die einde van Mei plaas. Ek glo dit nie, maar hoe gaan ek optree teen die persoon wat dit verkondig, as 23 Mei wel aanbreek, en die wederkoms het toe nie plaasgevind nie? Gaan ek nydig wees, en die persoon se karakter afbreek? Of gaan ek bloot sê: vriend, ek het respek vir jou om so ver te gaan vir dit wat jy glo… al was hy verkeerd.

Miskien moet ons mekaar ook maar ‘n bietjie uit luister, meer  verdraagsaam wees, aanvaar dat daardie persoon gered kan wees, lief is vir die Here, al doen hy sekere dinge anders as wat jy dit doen. Paulus sê: as kos vir iemand onrein is, is dit vir hom onrein. Hy gaan egter nie sy eie siening daaroor verander nie, en ook nie sy broer veroordeel nie.

Kom ons verskil van mekaar in liefde. Onthou: Al wat van belang is, is dat ons geloof in liefde oorgaan in dade.

Bron:  heuning.co.za

NGVishoek: Ds. ( dominee ) Martin Barnard.

Gedurende die Tweede Wêreld Oorlog was daar nou bande tussen Irak en Hitler en in 1948 vind ʼn groot slagting van Jode in Bagdad plaas en duisende begin om die land te verlaat. In 1950 besef die Irakse regering dat dit die land baie skade aan doen en maak die verbod dat Jode die land slegs mag verlaat, as hulle al besittings agter laat, om hulle sodoende te probeer keer om die land te verlaat. Ten spyte hier van, verlaat meer as 150 000 Jode die land. Teen die begin van die Irak oorlog was daar feitlik geen Jode oor in Irak nie.

Die tydsberekening van die uittog uit Irak. Hier sien ons dat die profesie nie net praat van die Jode wat Irak sou verlaat nie, maar dat dit sou gebeur voor die straf van haar ongeregtigheid i.e. voor die Irak oorlog. En dit is presies wat gebeur het.

Die leër van ʼn land vanaf die eindes van die wêreld. Die oorgrote meerderheid 660 000 van die byna 1 000 000 geallieerde soldate in die Irak oorlog het gekom vanaf die VSA i.e. die eindes van die wêreld. (Isa 13:1 Godspraak oor Babel wat Jesaja, die seun van Amos, gesien het. Isa 13:4  Hoor, ‘n gedruis op die berge soos van baie mense! Hoor, ‘n rumoer van die koninkryke, van versamelde nasies! Die HERE van die leërskare hou wapenskouing oor ‘n oorlogsleër. Isa 13:5  Hulle kom uit ‘n ver land, van die einde van die hemel af, die HERE en die werktuie van sy grimmigheid, om die hele aarde te verwoes. – Engels –“ to destroy the whole land”.)

Die vernietiging van Irak 1991. (Isa 13:5 Hulle kom uit ‘n ver land, van die einde van die hemel af, die HERE en die werktuie van sy grimmigheid, om die hele aarde te verwoes – Engels – “to destroy the whole land”.)  Meer as 100 000 lug aanvalle is uitgevoer gedurende die oorlog. Daisy Cutters,  n 6,8 ton bom met ʼn vernietigings radius van ʼn halwe kilometer is in die oorlog gebruik. Oor ʼn radius van ʼn halwe kilometer waar die bom val is daar niks oor nie, absoluut niks lewend of staande nie. Die Jode was uit die land en is gespaar toe dit alles gebeur.

Die  klank van oorlog op die heuwels. (Isa 13:4 Hoor, ‘n gedruis op die berge soos van baie mense! Hoor, ‘n rumoer van die koninkryke, van versamelde nasies! Die HERE van die leërskare hou wapenskouing oor ‘n oorlogsleër.) Meeste van die geallieerde magte het Irak vanaf die suide oor die heuwels en berge ingeval en vandaar Koeweit binne gegaan.

Baie nasies versamel vir die oorlog. “Hoor, ‘n rumoer van die koninkryke, van versamelde nasies!” Die geallieerde magte het bestaan uit 956 000 soldate van 34 lande vanaf al 5 kontinente.

Die verowering van Babilonië, ʼn skok vir die wêreld 2003. (Jer 50:22  Daar is oorlogsgeskreeu in die land en ‘n groot verbreking. Jer 50:23  Hoe is die hamer van die hele aarde afgekap en verbreek! Hoe het Babel geword ‘n voorwerp van verbasing onder die nasies! ) Na die 1991 inval, het daar vrae ontstaan by sommige profesie analiste aangesien die 1991 inval nie die volle profesie vervul het nie, maar die met insig en onder die leiding van die Heilige Gees het geweet dat dit nog nie verby was nie en dat daar ʼn tweede inval sou wees. Die 2003 inval het “verbasing onder die nasies” veroorsaak, baie lande het die inval veroordeel en protes optogte is dwars oor die wêreld gehou.

Die verowering van Bagdad. (Jer 51:31  Die een loper hardloop die ander tegemoet en die een boodskapper die ander, om aan die koning van Babel bekend te maak dat sy stad van alle kante ingeneem is;) Dit is presies wat gebeur het met die inval van Bagdad.  Van ons sal ook onthou dat Saddam Husein homself beskou het as die tweede Nebukadneser en het homself voorgestel as koning van Babilon. Hy het selfs die ou stad Babilon begin herbou. Terloops die herbouing van die stad Babilon duur nog steeds voort en word deur ʼn menigte lande insluitende die VSA en ook die Verenigde Nasies gesteun en gefinansier, en ek is glad nie verbaas nie, want daar is profesieë aangaande die stad Babilon self wat nog in die toekoms vervul moet word en dit kan net gebeur indien die stad herbou word, wat tans aan die gebeur is.

Die brûe is beset. (Jer 51:32  en dat die driwwe beset is, en hulle die rietvleie met vuur verbrand het, en die krygsmanne verskrik is.) Die brûe en oorgang plekke oor die Tigris rivier in Bagdad is deur die geallieerde magte beset.

Die paleise(Hebreeus – “agammim” – bastionne, paleise, poele/vleie) is afgebrand. (Jer 51:32  en dat die driwwe beset is, en hulle die rietvleie met vuur verbrand het, en die krygsmanne verskrik is.) Saddam se paleise is afgebrand en sy soldate het in hulle duisende oorgegee.

ʼn Skielike einde aan die oorlog. (Jer 51:30  Die helde van Babel het opgehou om te veg, hulle het gebly in die bergvestings; hulle mag het verdwyn, hulle het vroue geword. Hulle het sy wonings aan die brand gesteek, sy grendels is verbreek.) Na net 25 dae is daar ʼn einde aan die oorlog. ʼn Irakese generaal sou later getuig hoe sy soldate gedros het of oorgegee het tot hy feitlik alleen oor was en die oorlog het tot ʼn skielike einde gekom as gevolg.

Die vernietiging van militêre geboue. (Jer 51:30  Die helde van Babel het opgehou om te veg, hulle het gebly in die bergvestings; hulle mag het verdwyn, hulle het vroue geword. Hulle het sy wonings aan die brand gesteek, sy grendels is verbreek.) Dit het gebeur.

Babilon se skatte in die hande van die vyand. (Jer 50:10  En Chaldéa sal ‘n buit word; almal wat hom beroof, sal versadig word; spreek die HERE.) Irak is een van die grootste olie produserende lande in die wêreld. Hierdie olie word vandag deur groot internasionale konglomerate beheer. Maar dit is nie net die olie wat deur die geallieerde magte geannekseer en ingepalm is nie, maar ʼn menigte van kuns en historiese skatte is ook geplunder na die oorlog.

Dit is nog steeds nie die einde nie! Die totale vernietiging van Suidelike Irak moet nog gebeur. (Jer 50:13  Weens die toorn van die HERE sal dit nie bewoon word nie, maar geheel en al ‘n wildernis wees; elkeen wat by Babel verbygaan, sal verbaas wees en spot oor al sy plae.)

NGVishoek: Ds. ( dominee ) Martin Barnard.