Profete teen onreg


Onlangs het die vier moderatuurslede van die 1994-sinode op Franschhoek saamgeëet en gesels oor die kerk van tóé en die kerk van nóú. Die destydse moderatuur was Freek Swanepoel (moderator), Kobus van der Westhuyzen (assessor), Pieter Coertzen (aktuarius) en ek (skriba).

Oor ’n glasie voortreflike wyn het ons saamgestem dat die “Sinode van Versoening” deur ’n sameloop van omstandighede ’n eie plek in die kerk – selfs die land – se geskiedenis inneem. Ná 20 jaar onthou die vier en hul vroue nie alles op dieselfde manier nie en moet hulle mekaar hier en daar “reghelp”. Maar op die ou end is daar eenstemmigheid oor die groot momente van die 1994-sinode.

Pres. Nelson Mandela was uitgenooi om die opening van daardie sinode by te woon, maar hy was oorsee. Met sy terugkeer na Suid-Afrika het sy kantoor laat weet dat hy tog die sitting op ’n geleë tyd sou wou bywoon, en dat hy die sinode dan ook graag sal toespreek. Die moderatuur het ingestem, en min mense wat dit beleef het, sal Mandela se besoek aan die sinode van die eertydse “apartheidskerk” vergeet.

Daar was ’n wedersydse gees van welwillendheid – Mandela was toe net ’n paar maande president van die land – en sy toespraak in Afrikaans is goed ontvang.

Hy het gewys op die NG Kerk se rol in die apartheidstyd, maar gesê hy wil nie sout in die wonde vryf nie. Dit is van die grootste belang dat die kerk haar rol in die nuwe bedeling, en in die heropbou en ontwikkeling van die land, moet speel, het hy gesê. En ja, het hy bygevoeg, die NG Kerk het ’n noodsaaklike bydrae tot die stormagtige oorgangstyd na die “nuwe” Suid-Afrika gelewer . . .

Mandela is ná sy toespraak staande toegejuig en in ’n onbestrede mosie van volgehoue voorbidding ver­seker.

Die versoenende gees het ook wyer gestrek. Die vorige president, mnr. F.W. de Klerk, is geprys vir sy openlike Christenskap tydens sy termyn. En hoewel beswaarde lidmate oor die kerk se verreikende beleidstuk, Kerk en Samelewing, kans gekry het om (weer) hul saak te stel kon die sinode hulle nie gelyk gee nie. Maar ook hulle is nié die deur gewys nie.

En toe die besoeke van prof. Ben Marais en dr. Beyers Naudé aan die sinode. In die loop van die sitting is per besluit erkenning gegee aan lidmate van die NG Kerk wat hul profetiese stem teen die onreg van apartheid laat hoor het toe die kerk die beleid nog vergoelik het. Met die besoeke van Marais en Naudé kon die sinode dié boodskap aan hulle oordra. Moderator Swanepoel het Marais geëer as ’n profeet wat “binne die mure van die NG Kerk” sy stem laat hoor het toe haas niemand wou luister nie.

Vir Naudé, ’n eertydse moderator van die sinode van Suid-Transvaal, het Swanepoel gehuldig as ’n profeet wat “buite die mure van die NG Kerk” opgetree het, aangesien Naudé mettertyd uit die NG Kerk bedank het om lidmaat van die (“swart”) NG Kerk in Afrika te word.

Die meeste mense wat daardie Oktoberdag in Pretoria teenwoordig was toe versoening saam met die jakarandabloeisels in die stad opgedaag het, sal dit onthou as ’n teken dat “selfs die Kerk kan verander”, soos die titel van Willie Jonker se bekende boek lui. Daar het dit voor ons oë gebeur: Twee bejaarde predikante wat jare lank met kerklike kilheid bejeën is, is hartlik en met toejuiging en die sing van seënpsalms in die Kerk se boesem terugverwelkom.

Daar was wel ook mense wat anders gevoel het. Piet Strauss, ’n vorige moderator van die algemene sinode, het onlangs in die boek Kerkwees in die Branding ’n paar krapperige opmerkings oor die Sinode van Versoening gemaak. Maar ek dink hy verteenwoordig ’n minderheid. Daardie sinode sal in die kerkgeskiedenis opgeteken staan as ’n keerpunt – iets wat nie so beplan is nie, maar gebéúr het en mense aangegryp het. Mense, selfs kerkmense, kán hulle met mekaar versoen, selfs al wou hulle jare lank niks van mekaar hoor nie.

Daarmee het die sinode sekerlik nie te kenne gegee dat die “profetiese stemme” altyd in alles reg gehad het nie. Want dit is nie so nie. Maar dit is onteenseglik waar dat die Kerk vroeër en beter na hulle moes geluister het – veral toe die Kerk apartheid Bybels geregverdig het en lank nie oortuig wou word dat ’n beleid wat onreg oogluikend toelaat, nooit “Bybels” kán wees nie.

En die Kerk van nou?

Die vier dominees wat 20 jaar gelede by die sinode se “groen tafel” gesit het, het land en sand gesels oor wat alles in die twee dekades sedert daardie gedenkwaardige dae in Pretoria gebeur het. En hulle het aan ’n verklaring begin werk om in die Kerk se blad, Kerkbode, te publiseer.

Daar is baie goeie goed om op te noem, het hulle saamgestem. En ’n paar minder goeies. Dit is veral bitter jammer dat 20 jaar verbygegaan het en die NG Kerk-familie steeds verdeeld is. Van die groot planne om ’n nuwe kerkorde op te stel, het nog niks gekom nie (en dis nie net één van die kerke se skuld nie). Sou dit nie in die 1990’s ’n groot ding gewees het as die NG familie tóé een kerk geword het nie?

Maar daar is vordering. Die onderlinge gesindheid tussen die familiekerke is waarskynlik die beste in jare. En die lewensomstandighede van miljoene mense in die land is beter as 20 jaar gelede. Maar werkloosheid en haglike armoede en misdaad en geweld en onverdraagsaamheid en korrupsie het baie van die drome van 1994 laat verdof. Partykeer lyk dit ook of versoening tussen bevolkingsgroepe – kenmerkend van die Mandela-tyd – nie meer vir politieke leiers ’n danige prioriteit is nie.

Toe hulle groet, stem die vier eertydse moderatuurslede saam: Van die kantlyn gesien, probeer die NG Kerk in totaal ander omstandighede as destyds om in die praktyk van vandag waarlik ’n kerk van Jesus Christus te wees. So doen die Kerk op maatskaplike terrein enorme werk. En in die ekumeniese wêreld word die NG Kerk se stem al hoe duideliker gehoor. Maar terwyl met die onreg van apartheid klaargespeel is, is daar ongetwyfeld nog vorme van onreg in kerk en samelewing aanwesig. Mag die kerk die genade kry om nie vandag se profete wat teen onreg protesteer, met die nek aan te kyk nie.

■ Frits Gaum was die skriba van die algemene sinode van die NG Kerk en is die skrywer van dié Kerk se “getuienis en belydenis”: Die Verhaal van die NG Kerk se Reis met Apartheid.

Bron:  http://www.netwerk24.com/stemme/2014-11-05-profete-teen-onreg NGVishoek: Ds. ( dominee ) Martin Barnard.

Lees Meer >>

Effektiewe geestelike leierskap


Die gestoei met hierdie vrae laat ons, as geestelike leiers, oneffektief voel.

Thomas Kelly beskryf hierdie oneffektiewe gevoel soos volg:

We feel honestly the pull of many obligations and try to fulfill them all. And we are unhappy, uneasy, strained, oppressed, and fearful we shall be shallow… We have hints that there is a way of life vastly richer and deeper than all this hurried existence, a life of unhurried serenity and peace and power. If ony we can slip over into that center!… We have seen and known some people who have found this deep Center of living, where the fretful calls of life are integrated, where No as well as Yes can be said with confidence…

Indien ek en jy ernstig is oor wat Thomas Kelly die “Center of Living” noem dan kan dit help as ons met nuwe vrae begin leef. Hier is ‘n paar voorbeelde:


  • Wat help dit iemand om die hele wereld te verower maar haar siel te verloen?

  • Wat help dit my om die beste en mees effektiewe leier te wees en my siel te verloen?

  • Waarna smag my siel?

  • Waarna smag my mense se siele?

  • Wat is die impak waarmee ek in die bediening besig is my siel?

  • Hoe betekenisvol is my leierskap vir my?

  • Hoe betekenisvol is my leierskap vir ander?

  • Watter behoefte van my siel moet aangespreek word om my leierskap nog meer betekenisvol te maak?


Laasgenoemde vrae mag dalk tot gevolg he dat betekenisvolle geestelike leierskap vir jou belangriker word as effektiewe geestelike leierskap.

Lees gerus Ps 63.

Bron:  ekerk.org

NGVishoek: Ds. ( dominee ) Martin Barnard.

Lees Meer >>

Herprogrammeer Jou Brein


Wanneer jy dink, word jou gedagtes geaktiveer, wat weer jou ingesteldheid bepaal; jou ingesteldheid is die somtotaal van jou gedagtes en weerspieël jou denkwyse. Hierdie ingesteldheid word in die vrygestelde chemiese afskeidings gevorm. ’n Positiewe ingesteldheid lei tot die afskeiding van die korrekte hoeveelhede chemiese stowwe, en ’n negatiewe ingesteldheid versteur die chemiese afskeidings en ontwrig die natuurlike vloei daarvan. Die chemiese stowwe kan vergelyk word met sellulêre seine wat die inligting van jou gedagtes omskakel na ’n fisieke (tasbare) realiteit in jou liggaam en bewussyn en dít het ’n emosie tot gevolg.
Die kombinasie van gedagtes, emosies en die gevolglike ingesteldheid het ’n positiewe of negatiewe uitwerking op jou liggaam. Dit beteken dat jou denke en liggaam in werklikheid onafskeidbaar is en hierdie verbinding begin by jou gedagtes.

Inleiding tot die wetenskap van denke
Gestel jy lees terwyl daar klassieke musiek op die agtergrond speel. Jy sit in ’n gemaklike stoel, ruik pas gesnyde gras deur die oop venster en geniet ’n happie vrugte. Sou jy jou in hierdie idilliese prentjie bevind, sou al vyf jou sintuie – sig, gehoor, reuk, tassin en smaak – die kontak tussen jou eksterne en jou interne wêreld wees, en sodoende jou denke aktiveer.

1. DIE VYF SINTUIE: die poort
Terwyl die inligting deur die vyf sintuie jou brein binnestroom, versamel jou brein elektriese impulse deur jou periferale senuweestelsel (die kommunikasiestelsel tussen jou brein en jou liggaam). Jou sintuie word die poort na jou intellek; dit het ’n invloed op jou vrye wil en emosies. Die eerste stap in hierdie proses, die vorming van ’n gedagte en die insameling van elektriese impulse, verwerk die inkomende sintuiglike inligting sodat dit sin maak. Hierdie inligting word verder in breinstrukture geprosesseer, wat die inligting op pad ‘geur’, verryk en versprei na waar jy kan besluit of hierdie data blywend deel gaan word van wie jy is. Die opwindendste feit is die brein se vermoë om op toksiese of nietoksiese inligting te reageer, en die talle geleenthede wat ons het om die inkomende inligting te aanvaar of te verwerp. Jy kan die inkomende inligting beheer en ontslae raak van dit wat jy nie wil hê nie, voordat dit wortelskiet.

2. DIE TALAMUS: die sender
Wanneer die inligting jou brein deur enige van die vyf sintuie binnekom, gaan dit deur ’n belangrike sender (die talamus) wat hierdie inligting kontroleer en verwerk. Al die senuwees wat die verskillende dele van die brein verbind, kom by die talamus bymekaar. Die talamus kan met ’n lugverkeerstelsel vergelyk word.
Daar is geen sein uit jou omgewing wat nie deur die talamus gaan nie. Dit verbind die brein aan die liggaam en die liggaam aan die brein. Dit laat die hele brein toe om gelyktydig groot hoeveelhede belangrike data vanaf die eksterne én interne wêreld te ontvang. Die talamus stuur die elektriese data deur jou hele brein. Senuweeselle as bestaande gedagtes in die buitenste gedeelte van die brein (die serebrale korteks) word sodoende geaktiveer om jou te help om die inkomende inligting te verstaan. Die aktive-
ring van hierdie selle is wat ek die “breeze through the trees”-stadium noem. Hierdie senuweeselle, as bestaande gedagtes in die serebrale kor­teks, lyk soos bome in ’n woud en die aktivering is soos ’n bries wat daardeur waai; dit bring dan die bestaande gedagtes na die bewuste vlak. Hierdie komplekse uitsendings van inligting deur die serebrale korteks aktiveer jou ingesteldheid. Ingesteldheid is ’n denkwyse (alle gedagtes op die ‘bome’) en dit beïnvloed ons keuses en wat ons sê en doen.
As die ingesteldheid negatief is, sal die emosionele reaksie negatief of stresvol wees. As die ingesteldheid positief is, sal daar rustigheid wees. Die feit is dat jou ingesteldheid aan die lig sal kom, ongeag hoe hard jy probeer om dit weg te steek. Die geaktiveerde ingesteldheid word dan van die talamus af na die hipotalamus gestuur.

3. DIE HIPOTALAMUS: Die chemiese fabriek
Die hipotalamus is soos ’n chemiese fabriek waar die gedagtebou-prosesse plaasvind en bepaal die soort en hoeveelheid chemiese stowwe wat in die liggaam vrygestel moet word. Die talamus gee die teken aan die hipotalamus om chemies ’n reaksie op jou gedagtes voor te berei.
Die endokriene-stelsel is ’n groep kliere en organe wat hoofsaaklik hormone produseer en reguleer. Daar word dikwels na die hipotalamus as die ‘brein’ van die endokriene-stelsel verwys; dit beheer onder meer dors, honger, liggaamstemperatuur en die liggaam se reaksie op jou emosies. Die hipotalamus is soos ’n kloppende hart wat op jou emosies en gedagtewêreld reageer en ’n groot uitwerking het op hoe jy emosioneel en intellektueel funksioneer.
Dit beteken dat wanneer jy angstig of bekommerd is, die hipotalamus op hierdie angstigheid en bekommerde ingesteldheid reageer met ’n vrystelling van stresstowwe wat die pituïtêre klier – die hoofklier van die endokriene-stelsel – betrek. Die endokriene-stelsel skei die hormone af vir die organisasie van triljoene selle wat enige dreigende gevaar moet hanteer. Negatiewe gedagtes verskuif die fokus na beskerming en verminder jou vermoë om inligting met wysheid te verwerk, te dink, of om gesonde gedagtes te kweek.
As jy jou ingesteldheid verander en besluit om God se uitstekende raad te volg en jou nie te bekommer nie, sal dit die hipotalamus dié chemiese stowwe laat afskei wat ’n gevoel van vrede tot gevolg het.  Die res van die brein sal reageer deur die korrekte ‘formule’ neurosenders (chemiese stowwe wat elektriese impulse oordra) vir gedagtebou en helder denke af te skei. Hoewel jy nie altyd jou omgewing kan beheer nie, kan jy beheer hoe dit jou brein beïnvloed. Hoe? Die inkomende inligting is nog tydelik. Dit is nog nie in jou geheue geberg nie en het nog nie deel van jou geword nie. Jy kan kies om die geaktiveerde gedagte en inkomende inligting te verwerp, óf dit toe te laat om die weg in jou verstand (siel) en gees te baan, en uiteindelik jou onderbewuste binne te dring, wat beheer wie jy is, en daar weg te sink. Selfs al kan jy nie altyd jou omstandighede beheer nie, kan jy fundamentele keuses maak wat jou sal help om jou reaksie op jou omstandighede te beheer en toksiese toevoer na jou brein te verhoed.
Ons het die amigdala en die hippokampus om ons by te staan om goeie keuses te maak. Die amigdala hanteer die perseptuele emosies wat aan inkomende gedagtes verbind is, sowel as al die gedagtes wat reeds in jou brein geberg is. Die hippokampus hanteer geheue en motivering. Dit is hier waar jy nou doelbewus ’n rol kan speel deur te besluit of hierdie inkomende gedagtes deel sal word van wie jy is of nie.

4. DIE AMIGDALA: Die biblioteek
Die amigdala, ’n dubbele amandelvormige struktuur in jou brein, is ontwerp om jou liggaam en denke teen enige bedreiging – soos gevaar of stres – te beskerm. Dit is die dryfkrag agter geheuevorming deurdat dit die hippokampus beïnvloed om gevestigde inligting in ag te neem.
Die amigdala hanteer positiewe, liefdesgedrewe emosies soos vreugde en geluk, sowel as negatiewe, vreesgedrewe emosies soos hartseer, woede en jaloesie. Die talamus maak die amigdala bewus van enige inkomende inligting vanaf die vyf sintuie. Die amigdala voeg dan letterlik sy vingerafdruk op die inkomende inligting by – deur dit met emosie te ‘geur’.

Hoe doen die amigdala dit?
Die amigdala is soos ’n biblioteek wat die emosionele persepsies stoor wat elke keer tydens gedagtebou plaasvind – met ander woorde, elke keer wanneer ons ’n herinnering bou, aktiveer ons emosies. Die endokriene-stelsel en die brein moet die korrekte chemiese stowwe, wat nodig is vir die bou van gesonde of toksiese herinneringe, vrystel.
Omdat die amigdala voortdurend in kommunikasie met die hipotalamus is (wat chemiese stowwe in reaksie op jou ge-dagtelewe vrystel), kan ons liggaamsreaksies op ons denke ervaar. Hierdie fisieke reaksies (’n vinnige hartklop en adrenalien wat deur jou are pomp) dwing ons om te besluit of ons die inligting gaan aanvaar of verwerp, op grond van hoe ons fisiek voel.
Om ons verder te help het die amigdala kommunikasieverbindings wat aan die frontale lob verbind is, wat redenering, besluitneming, analise en strategering beheer – alles funksies van die uitvoerende vlak. Hierdie verbinding stel ons in staat om die emosies wat ons fisiek ervaar, op te weeg en verstandig daarop te reageer.
Hier is die opwindende nuus: ons kan nou besluit om te sê: “Ek kies nou om nie verder oor hierdie kwessie te dink nie,” en die tydelike gedagtes sal verdwyn. Die keuse om nie verder aandag aan die gedagtes te gee nie, laat gedagtes eenvoudig vervaag tot hulle verdwyn.
As ons egter aanhou tob oor die kwessie, vloei al die inligting (insluitend die toksiese of nietoksiese ingesteldheid wat na die bewuste gebring is) ’n seeperdjievormige struktuur binne – die hippokampus – en word daar geberg.
Die hippokampus is ’n soort sorteerlokaal vir gedagtes. Dit klassifiseer en liasseer inkomende inligting as lang- of korttermyn, dit skakel tydelike gedagtes na permanente gedagtes om, wat dan deel word van wie jy is. (’n Groot deel hiervan geskied snags terwyl jy slaap.)
Dit is nou wanneer ons lewensverande-rende besluite kan neem. Wil ek hê dat hierdie inligting deel van my word of nie? Hou in gedagte dat toksiese herinneringe stres veroorsaak en dat die hippokampus geweldig vatbaar vir stres is omdat dit ryk aan streshormoonreseptors is (klein seldeurtjies wat chemiese inligting ontvang), wat normaalweg gebruik word om herinneringe te versterk. Uitermatige stres is vir hierdie breinselle soortgelyk aan ’n klapper wat in ’n glasfles ontplof. Dit veroorsaak dat die hippokampus selle verloor en gevolglik krimp. Dit het ’n uitwerking op die kommunikasie tussen die hippokampus en die sentrale deel van die brein.

Ons moet besef dat toksiese denke ons sinne en gedrag negatief aantas. Wanneer ons verstaan hoe ’n gedagte vorm en wat die uitwerking daarvan op ons emosies en liggaam is, kom ons voor die keuse te staan: ons kan ons gedagtes toelaat om giftig en toksies te wees, of ons kan ons negatiewe denke ‘detoksifiseer’ wat dan ons emosionele welstand kan verbeter en selfs ons fisieke gesondheid kan herstel.

Wat verkies jy?
“Ek roep vandag die hemel en die aarde tot getuie teen julle dat ek die lewe en die dood aan jou voorgehou het, die seën en die straf. Kies die lewe, sodat jy en jou na­geslag kan lewe.” Deut 30:19.

Jy ervaar die uitwerking van al jou gedagtes jou hele lewe lank al en het dit waarskynlik nie eens geweet nie! Byvoorbeeld, het jy in die nadraai van ’n moeilike of traumatiese gebeurtenis al ooit siek geword? Jy het dalk nie die verband gesien nie en dit as ’n toeval beskou wanneer dit na alle waarskynlikheid die gevolg van toksiese gedagtes was wat hulle tol van jou gesondheid geëis het. Gedagtes is nie net wetenskaplik meetbaar nie, maar ons kan ook bewys hoe hulle ’n uitwerking op ons liggaam het.
Ons kan ons gedagtes en emosies voel

Emosies is betrokke by elke gedagte wat ons bou. Trouens, met elke herinnering wat jy skep, het jy ’n ooreenstemmende emosie wat daaraan geheg is, wat in jou brein gestoor word en as ’n fotokopie in jou liggaam se selle teenwoordig is. Emosies is aan gedagtes geheg. Hierdie emosies is baie werklik en verbind ons gedagtes aan die reaksie binne ons liggaam en brein. Dit word die psigosomatiese netwerk genoem. Hierdie emosies kan jare nadat iets gebeur het, weer opduik wanneer die herinnering aan daardie gebeurtenis, herroep word.
Om te demonstreer hoe dit werk: bestee ’n minuut daaraan om te fokus op ’n ontstellende gebeurtenis wat onlangs in jou lewe plaasgevind het. Terwyl jy diep oor hierdie voorval nadink, word bewus van hoe jy voel en hoe jou liggaam op hierdie gedagtes en emosies reageer. Deur weer oor die voorval te dink en dit op te roep, aktiveer jy ’n stroom chemiese stowwe. Hoe meer jy daaroor nadink, hoe sterker word die stroom en helderder die herinnering. Jy mag selfs kwaad, gefrustreerd of ontsteld word. Jy sal verstandelik en fisiek op die gedagtes begin reageer asof dit weer van voor af plaasvind. Dít waaroor jy dink, kan ontwikkel en groei.

Wat jy kies om oor na te dink, kan vreugde, vrede en geluk be-vorder, of die totale teenoorgestelde uitwerking hê. Trouens, jou gedagtes kan veranderinge teweeg bring, selfs tot op genetiese vlak, waar dit die samestelling van die sel herstruktureer. Wetenskaplikes het bewys dat hierdie herstrukturering dit vir siektes moontlik maak om vatplek in die liggaam te kry. Wanneer ons die keuse maak om nietoksiese gedagtes te dink, betree ons ’n hele nuwe terrein van brein- en liggaamsfunksies. “Goedvoel”-chemiese stowwe word vrygestel wat ons rustig laat voel en genesing, geheuevorming en diep denke bevorder, wat op hulle beurt weer intelligensie laat toeneem. Gesonde, nietoksiese denke help om ’n positiewe grondslag in die neutrale netwerke van die gemoed te kweek.

Hierdie positiewe gedagtes versterk positiewe kettingreaksies en stel biochemiese stowwe, soos endorfien en serotonien, vanuit die brein se natuurlike apteek vry. Gebaai in hierdie positiewe omgewing, floreer die intellek en tesame daarmee die verstandelike en fisieke gesondheid.

“ Verder, broers, alles wat waar is, alles wat edel is, alles wat reg is, alles wat rein is, alles wat mooi is, alles wat prysenswaardig is – watter deug of lofwaardige saak daar ook mag wees – daarop moet julle julle gedagtes rig.” Fil 4:8.

’n Gedagte mag onskadelik lyk, maar as dit toksies word, kan selfs daardie vlietende ge-dagte fisiek, emosioneel of geestelik gevaarlik wees. Elke keer wanneer jy ’n gedagte vorm, is dit aktief besig om jou brein en liggaam te verander – ten goede of ten kwade.

Het jy al ooit moedeloos, ongefokus, of oorweldig gevoel? Het jy ongesonde gewoontes wat jy net nie kan verbreek nie? Genadig het ons nou ’n beter insig as ooit tevore in die wyse hoe ons gedagtes ’n uitwerking op ons emosies en liggaam het. Die grootste vreugde vir my as ’n wetenskaplike is dat dit alles met God se voorskrifte strook. Toksiese gedagtes is soos gif, maar die goeie nuus is dat jy die kringloop van toksiese denke kan verbreek. Jy kan die uitwer-king van toksiese gedagtes omkeer. Wanneer die kringloop van toksiese denke eers verbreek is, kan jou gedagtes inderdaad elke area van jou lewe verbeter – jou ingesteldhede, jou gesondheid en selfs jou sukses!

’n Gedagte mag onskadelik lyk, maar as dit toksies word, kan selfs daardie vlietende gedagte fisiek, emosioneel of geestelik gevaarlik wees.

Gedagtes is meetbaar en neem fisieke ruimte op. Gedagtes is aktief, hulle groei en verander. Gedagtes beïnvloed elke besluit, woord, daad en fisieke reaksie. Elke keer wanneer jy ’n gedagte vorm, is dit aktief besig om jou brein en liggaam te verander – ten goede of ten kwade.
Daar is 12 areas van toksiese gewoontes – ek noem hulle die ‘Dirty Dozen’ – wat so skadelik soos wesenlike gif in ons liggaam kan wees. Toksiese denke het elke dag ’n uitwerking op mense in verskillende lewensfases, in elke deel van die wêreld. Selfs ’n klein irritasietjie kan toksies word en daar moet van hierdie gedagtes ontslae geraak word!

Toksiese denke het stres as neerslag in jou liggaam; hierdie tipe stres is veel meer as net ’n vlietende emosie.
Stres is ’n oorkoepelende term vir die uiterste stremming wat toksiese denke op jou liggaamstelsels plaas. Dit beskadig die liggaam en die verstand op verskeie maniere met gevolge wat strek van gebrekkige geheue tot ernstige geestesgesondheids-, immuunstelsel-, hart- en spysverteringsprobleme.
Geen stelsel in die liggaam spring vry wanneer stres hoogty vier nie. ’n Groot hoeveelheid navorsing dui kollektief daarop dat tot 80% fisieke, emosionele en geestesgesondheidskwessies direk aan die gedagtewêreld gekoppel kan word. Daar is egter hoop! Jy kan die kringloop van toksiese denke verbreek en begin om gesonde gewoontes aan te kweek wat vrede in ’n stormagtige ge-dagtewêreld kan bring.

Toe ek meer as 20 jaar gelede oor die brein begin navorsing doen het, het die wetenskaplike gemeenskap nie die direkte skakel tussen die wetenskap van denke en die uitwerking daarvan op die liggaam aanvaar nie.
Die algemene mening was dat die brein soos ’n masjien is en sou ’n deel daarvan breek, kon dit nie herstel word nie. Daar is geglo dat die brein van geboorte bestem is tot agteruitgang met die ouderdom. Voeg by hierdie aanname dat ons deur erf-likheidsfaktore bestem is tot ’n voorafbepaalde uitkoms, en dit laat min hoop vir die toekoms.

Bron: juig.co.za NGVishoek: Ds. ( dominee ) Martin Barnard.

Lees Meer >>

Om vrugte te dra


In die gelykenis van onvrugbare vyeboom leer ons egter iets totaal anders. Hierdie vyeboom staan in die eienaar se wingerd geplant. Vir drie jaar soek hy elke jaar in vyetyd vrugte aan die boom en dan is daar niks. Nou gee die eienaar opdrag aan die tuinier om die vyeboom sonder vrugte uit te kap, want dit put net die grond uit. Die tuinier vra grasie, ja, nog ‘n kans om iets aan die vrugtelose boom te doen. Die tuinier neem verantwoordelikheid, vra nog ‘n jaar kans om, om te spit en te bemes.

Ons enigste God is die eienaar van die wingerd en die vyeboom daarin. Die vyeboom is simbool vir ons as Jesus-mense. Ons staan in God se wingerd geplant. Jesus is die tuinier wat deur die Gees van God verantwoordelikheid neem vir die wingerd met die vyeboom in. Die Tuinier met ‘n hoofletter werk in die wingerd van God. Hy sorg dat dit omgespit en bemes word, sodat die vrugtebome vrugte kan dra. Geen vrugteboom is in staat om sonder die Tuinier se ingryping vrugte te dra nie.

Wat beteken dit vir ons? Ons kan net seker maak ons staan geplant in God se wingerd, daar wil ons wees met alles in ons. En binne die kragveld van die Gees se werk, sal daar vrug wees! Soms gaan die “omspit en bemes” met pyn en seerkry gepaard. Ander kere is dit pure plesier om te ervaar dat daar net die wonderlikste dinge deur ons gebeur, sonder enige inspanning deur ons.

Die verrassing is dus, dat vrug dra in God se koninkryk ‘n Gees-werking is, solank ons net in die wingerd is. 

Bron: http://doomcharl.blogspot.com/ NGVishoek: Ds. ( dominee ) Martin Barnard.

Lees Meer >>

Jou huwelik se 10 Gebooie


Want jy het nie met die verkeerde persoon getrou nie . . . “Goeie huwelike is gebou op veel meer as passie. Dit is gebou op beginsels.” Só sê die prediker Bayless Conley op crosswalk.com. Volgens hom bied die Skrif die heel beste riglyne ooit vir ’n gesonde huwelik en dit is alles opgesluit in die tien gebooie.

 

Die huwelik se eerste gebod: Eksklusiwiteit
In Eksodus 20:3 staan daar: “Jy mag naas My geen ander gode hê nie.” Hiermee sê God, in kort, dat hy ’n eksklusiewe verhouding met jou wil hê. Hoe gepas is dit nie vir die huwelik nie? Toe Henry Ford op sy vyftigste huweliksherdenking gevra is wat sy geheim tot ’n suksesvolle huwelik is, het hy gesê: “Die geheim van my suksesvolle huwelik is dieselfde geheim wat ek in besigheid het: I stick to the same model.” Besef dat jou lewensmaat geen kompetisie behoort te hê nie. Besluit vandag: Een God. Een man. Een vrou. Dis genoeg.

Die huwelik se tweede gebod: Moenie ’n plaasvervanger liefhê nie
Eksodus 20:4-6 gee jou die volgende beginsel vir ’n sterk huwelik. God beveel dat ons nie enige afgode mag dien nie. Want wat is ’n afgod anders as ’n plaasvervanger vir die ware God? Net so is jou man of vrou jou lewensmaat in vlees en bloed en mag jy nie jou vervulling soek in iets soos pornografie nie – dit beroof jou van ’n intieme verhouding met jou vlees-en-bloed perfekte ander helfte.

Die huwelik se derde gebod: Praat mooi van jou maat
In Eksodus 20:7 staan daar: “Jy mag die Naam van die Here jou God nie misbruik nie, want die Here sal die een wat sy Naam misbruik, nie ongestraf laat bly nie.” Dalk dink jy jou stukkie kritiek is skadeloos, maar daar is min dinge wat ’n huwelik só kan laat verspoel soos negatiewe woorde. Bayless sê woorde is houers wat liefde, haat, vreugde of bitterheid kan bevat. Jou woorde kan jou huwelik in ’n rigting stuur – kies watter rigting jy wil hê dit moet wees.

Die huwelik se vierde gebod: Bring eksklusief tyd saam deur
Die vierde gebod kom voor in Eksodus 20:8-11 en hierin beveel God ons om die Sabbat heilig te hou. Sabbat beteken intermissie – om jou werk neer te lê en te rus. Om asem te haal. Met hierdie gebod, meenBayless, vra God spesiale tyd saam met Hom vir ’n langtermyn verhouding. Op dieselfde manier het ’n man en vrou geskeduleerde tyd saam nodig vir hul huwelik om te floreer.

Die huwelik se vyfde gebod: Eer jou maat deur hom/haar te wys hoe dankbaar jy is
Eksodus 20:12 sê dat jy jou vader en moeder moet eer. Ouers belê tyd en moeite en geld in hul kind se lewe en dit is rampspoedig as daardie kind ondankbaar is. Deel van hierdie gebod herinner ons om dankbaar te wees teenoor ons ouers. En in die huwelik beteken dit om dankbaar te wees teenoor jou maat, vertelBayless. Waar die hart van vol is, loop die mond van oor. Kyk na al jou maat se mooi eienskappe en komplimenteer hom of haar of wys hoe dankbaar jy is met ’n kaartjie, ’n bos blomme of mooi woorde.

Die huwelik se sesde gebod: Moenie jou maat vernietig nie, maar wees sag
Eksodus 20:13 beveel ons om nie moord te pleeg nie. Baie mense spot deur te sê: “Ek het nog nooit aan egskeiding gedink nie, maar aan moord? Baie!” Op ’n ernstiger trant is hierdie gebod meer van toepassing op die huwelik as wat jy dink. Jy mag nie jou maat vernietig nie. As jy ’n langdurige huwelik wil hê, moet jy leer hoe om sag te werk met jou maat. Gewelddadigheid en kort humeure vernietig verhoudings. Onthou dat jy jou maat se selfbeeld met jou woorde kan vernietig of kan bou.

Die huwelik se sewende gebod: Moenie egbreuk pleeg nie
Eksodus 20:14 gee waarskynlik die belangrikste huweliksgebod. Daar is seker niks so skadelik soos ’n affair nie. Waak ook teen die affairs wat in jou gedagtes gepleeg word, meen Bayless. In Matteus 5:28 staan die woorde: “Elkeen wat na ’n vrou kyk en haar begeer, het reeds in sy hart met haar egbreuk gepleeg.” Baylesssê daar is soveel plek vir liefde, maar geen plek vir lus in ’n huwelik nie. “Liefde gee, lus neem. Liefde dien, lus eis. Liefde voed, lus wurg.” Daarmee saam prys hy seks as ’n heilige instelling wat binne die grense en heiligheid van ’n huwelik geniet mag word.

Die huwelik se agtste gebod: Wees ’n persoon van integriteit
Eksodus 20:15 sê ons aan om nie te steel nie. As jy nie ’n persoon van integriteit is nie (as jy altyd cheat of kortpaaie wil vat), gaan dit vir jou maat moeilik wees om jou te respekteer. Jou eerbaarheid moet jou maat trots maak, want respek tussen huweliksmaats is só belangrik. Dis moeilik om jouself volkome aan iemand te wy wat nie integriteit het nie.

Die huwelik se negende gebod: Wees eerlik
Eerlikheid is sentraal tot ’n gelukkige huwelik, want iemand wat leuens vertel, is nie ’n goeie huweliksmaat nie, want, meen Bayless: “As jy sonder moeite vir iemand anders kan jok, kan jy ewe maklik vir jou maat jok. En as jy mense indoen, oneerlik is om bo uit te kom of in enige opsig vals is, gaan jou maat jou nie kan vertrou nie.”

Die huwelik se tiende gebod: Wees tevrede met wat jy het
Die tiende gebod in Eksodus 20:17 sê dat jy nie mag begeer nie. Dit is ’n direkte gebod. Wees tevrede met wat jy het. Beklemtoon dit waarmee jy en jou huweliksmaat geseën is. Dit beteken dat jy jou maat se giere en geite moet vier eerder as om te dink: “Ek wens hy was eerder só . . .” Gee jou maat se gawes vlerke en moenie dink die gras is groener aan die ander kant van die draad nie.

Leef jou lewe volgens die tien gebooie en voor jy sien, het jy ’n huwelik gebaseer op beginsels – en dan kom die passie só maklik!


Bron: http://intiem.co.za/in-geloof/10-huweliks-gebooie.html NGVishoek: Ds. ( dominee ) Martin Barnard.

Lees Meer >>

Die Louwarm Christen



4. Louwarm mense wil nie werklik van hulle sonde verlos word nie; hulle wil net die straf van hulle sonde vryspring. Hulle haat sonde nie werklik nie en het nie ware berou daaroor nie; hulle is bloot jammer omdat God hulle gaan straf. Louwarm mense is nie werklik oortuig dat hierdie nuwe lewe wat Jesus bied, beter as hulle ou sondige lewe is nie. Joh 10:10, Rom 6:1-2.

5. Louwarm mense word geroer deur verhale van ander wat radikale dinge vir Christus doen; tog doen hulle self niks nie. Hulle neem aan dat sulke dade vir ‘ekstreme’ Christene is, nie gemiddelde Christene nie. Louwarm mense bestempel dit wat Jesus van al sy volgelinge verwag, as ‘radikaal’. Jak 1:22, Jak 4:17, Matt 21:28-31.

6. Louwarm mense deel selde hulle geloof met hulle bure, medewerkers of vriende. Hulle wil nie verwerp word of ander mense ongemaklik laat voel deur privaatsake soos godsdiens te bespreek nie. Matt 10:32-33.

7. Louwarm mense meet hulle sedelikheid of ‘goedheid’ deur hulleself met die sekulêre wêreld te vergelyk. Hulle troos hulleself daaraan dat hoewel hulle nie so voluit vir Jesus leef soos sus-en-so nie, hulle nie naastenby so erg is soos die ou onder in die straat nie. Luk 18:11-12.

8. Louwarm mense sê dat hulle Jesus liefhet en Hy is inderdaad ’n deel van hulle lewe, hulle geld en hulle gedagtes, maar Hy word nie toegelaat om hulle lewens te beheer nie. Luk 9:57-62.

9. Louwarm mense het God lief, maar nie met hulle hele hart, siel en vermoëns nie. Hulle sal jou gou verseker dat hulle probeer om Hom so lief te hê, maar dat daardie soort algehele toewyding nie werklik haalbaar is vir die gemiddelde mens nie; dit is net vir pastore, sendelinge en radikales beskore. Matt 22:37-38.

10. Louwarm mense het ander lief, maar net nie so lief soos hulle hulleself het nie. Hulle liefde vir ander is tipies gerig op diegene wat hulle terug liefhet, soos familie, vriende en ander kennisse met wie hulle ’n verbintenis het. Daar is min liefde oor vir diegene wat hulle nie terug kan liefhê nie, nog minder vir diegene wat hulle doelbewus minag, wie se kinders beter atlete as hulle eie is, of met wie gesprekke moeilik of ongemaklik is. Hulle liefde is uiters voorwaardelik en baie selektief. Matt 5:43-47. Luk 14:12-14.

11. Louwarm mense sal God en ander dien, maar daar is perke aan hoe ver hulle sal gaan of hoeveel tyd, geld en energie hulle bereid is om af te staan. Luk 18:21-25.

12. Louwarm mense dink meer gereeld oor die lewe op aarde as aan die Ewigheid in die Hemel. Die daaglikse lewe is meesal gerig op vandag se lysie van dinge om te doen, hierdie week se program en volgende maand se vakansie. Selde of ooit oorweeg hulle die toekomstige lewe in alle erns. Fil 3:18-20.

13. Louwarm mense is dankbaar vir hulle weelde en geriewe en oorweeg dit selde om so veel moontlik aan die armes te skenk. Matt 25:34, Jes 58:6-7.

14. Louwarm mense sal alles in hulle vermoë doen om te sorg dat hulle nie te skuldig voel nie. Hulle wil die volstrekte minimum doen om ‘goed genoeg’ te wees sonder dat dit te veel van hulle verg. 1 Kron 29:14, Matt 13:44-46.

15. Louwarm mense is begaan daaroor om aan die veilige kant te bly; hulle is slawe van die god van beheer. Hierdie beheptheid om geen risiko’s te neem nie, weerhou hulle daarvan om opofferings vir God te maak en kanse vir Hom te waag. Matt 10:28.

16. Louwarm mense voel gerus omdat hulle kerk bywoon, op twaalf jaar oud ’n geloofsbelydenis afgelê het, gedoop is en uit ’n Christen-huis kom.

17. Louwarm mense leef nie in geloof nie; hulle lewens is gestruktureer sodat hulle nie geloof hoef te beoefen nie. Hulle hoef God nie te vertrou wanneer iets onverwags gebeur nie – daarvoor het hulle ’n spaarrekening. Hulle het God nie nodig om hulle te help nie – hulle aftredebeplanning is reeds gedoen. Hulle soek nooit werklik God se aangesig vir die lewe wat Hy vir hulle in gedagte het nie – hulle het die lewe uitgewerk en vooruit beplan. Hulle vertrou nie op ’n daaglikse basis op God nie – hulle yskaste is vol. Die waarheid is, hulle lewens sou nie veel anders gelyk het as hulle skielik sou ophou om in God te glo nie. Luk 12:16-21.

18. Louwarm mense drink en vloek waarskynlik minder as die gemiddelde mens, maar afgesien daarvan verskil hulle nie veel van die tipiese ongelowige nie. Hulle stel hulle gedeeltelik gesaniteerde lewe gelyk aan heiligheid, maar dit is ver van die waarheid. Matt 23:25-28, Luk 14:34-35.

FRANCIS CHAN is die outeur van ‘Crazy Love’. Hierdie artikel is ’n uittreksel uit sy boek. Vir meer inligting: www.crazylove.org

Bron:  juig.co.za NGVishoek: Ds. ( dominee ) Martin Barnard.

Lees Meer >>

Die seën in pyn

Ek het in hierdie tyd ontdek dat beproewing ’n seën kan wees. Hoe absurd dit ookal mag klink!

Niemand hou tog van pyn nie.

Maar, dink ’n bietjie hieroor: Om jou liggaam en spiere in ’n goeie fisieke toestand te kry, moet jy oefen en soms is die oefeninge maar pynlik. Hoe meer jy jou spiere oefen, hoe sterker word hulle. Dit is ook hoe jou geloof groei. As jy met pyn en lyding te doen kry, kan jou geloof groei en sterker word. In moeilike tye leer ’n mens om op God staat te maak en op Hom te vertrou. Alleen kan jy nie deur moeilike tye kom nie.

Met jou hand styf in God s’n, kan jy selfs in moeilike tye ’n loflied sing, soos Habbakuk: “Tog, ten spyte van alles, sal ek my verbly in die Here… Hy maak my voete soos die van ’n ribbok, op hoë plekke laat hy my veilig loop.”

Bron:  ekerk.org
NGVishoek: Ds. ( dominee ) Martin Barnard.

Lees Meer >>

Jou Huwelik En Die Skoonfamilie

Jy kán jou ouers eer én verlaat. Om jou ouers te ‘verlaat’ verwys nie na ’n fisieke verla-ting nie, maar dat jy jou ouers as die eerste prioriteit in jou lewe verlaat. Jou huweliksmaat word nou jou eerste verantwoordelikheid, jou belangrikste prioriteit in terme van verhoudinge, en die een op wie se kop die kroon te alle tye behoort te rus. Hierin moet julle mekaar aankleef (met ander woorde begeer om in alles deel van mekaar te wees) en soos een mens te lewe, wat beteken dat jou maat se behoeftes ook joune moet wees.

Stel grense op
Ouers of skoonouers kan manipuleer en verwerp wanneer dinge nie volgens hulle wil verloop nie, dan kan dit moeilik raak om jou maat se behoeftes bo dié van jou ouers te stel. Om ’n huwelik te verseker waarbinne jou maat geëer word, noodsaak grense – ’n gesonde verhouding waar manipulasie en verwerping van buitepartye teengestaan word. Daar moet grense wees wat kommunikeer dat ons ’n huwelikseenheid is en dat ons niks en niemand sal duld wat daardie eenheid bedreig nie.

Grense wat oorskry word
Daar is byvoorbeeld oumas wat voor aandete lekkergoed aan die kleinkinders uitdeel, al het Ma en Pa gesê dit mag nie. Soortgelyk is daar ouers wat gedurig rusie in hulle kinders se huwelike veroorsaak omdat hulle klein ‘stekies’ uitdeel wat soos goedbedoelde raad klink, of ander wat nooit hulle kinders se sieninge, besluite en tyd respekteer nie. Hulle daag op om te kuier al weet hulle dit is ongeleë, want hulle voel dit is hulle reg. Sulke voorbeelde is ’n realiteit vir baie paartjies – iets wat groot frustrasie en onmin in die huwelik veroorsaak. Dit is maklik om te sê: “Praat net met jou ouers daaroor!” Vir baie paartjies is dit nie so maklik nie.

Waarom is dit so moeilik?
• Vrees dat jou ouers julle sal verwerp
• Vrees dat jou ouers verwerp sal voel as die probleem aangespreek word
• Jy is bang vir konfrontasie en wil die vrede ten alle koste bewaar
• Die ydele droom dat die probleem sal verdwyn as julle die inmenging of manipulasie net ignoreer
• Die ouers het ’n finansiële of emosionele houvas
• Die wanpersepsie dat die daarstelling van ’n grens impliseer dat jy jou ouers nie eer nie
• Blindheid vir jou maat se frustrasie en pyn – jy dink jou maat is oorsensitief, of verstaan jou ouers verkeerd

Eer jou verbond
• Jou keuses moet bewys wie die belang-rikste in jou lewe is. As jy altyd jou ouers se kant kies, sal jou maat nie soos jou eerste prioriteit voel nie
• Sodra ons eie ouers seergemaak voel, vergeet ons soms van ons maat wat ook seer het. Jou maat bly jou eerste prioriteit – dit beteken nie dat jou ouers se gevoelens nie saak maak nie
• Te veel van enigiets buite jou huwelik is nooit ’n goeie ding nie – ook te veel kuier en kontak met jou ouers ten koste van jou maat
• Wanneer jou ouers finansiële beheer of ’n houvas op jou het, sal jou huwelik na hulle pype moet dans. Dit is maklik om te vergeet dat God ons voorsiener is, nie ons ouers nie
• Geloof en geld is dinge waaroor mense oorlog sal maak – maak seker dat julle in julle huwelik eenheid hieroor het
• ’n Probleem in die huwelik behoort binne die huwelik opgelos te word, nie by familie nie. Onthou dat jou ouers net die slegte dinge van jou maat hoor as jy jou huweliksprobleme met hulle bespreek. Hulle sal waarskynlik sukkel om jou maat te vergewe en dalk nooit weer met dieselfde oë na hom of haar kyk nie
• Wanneer ’n vrou haar pa altyd soos die held hanteer en haar man bewustelik of onbewustelik met hom vergelyk, sal haar man noodwendig in sy manlikheid gekrenk voel. Hy kan geïrriteerd raak met sy skoonpa en sy vrou dalk wys op die dinge wat haar pa verkeerd doen. Hy sal onbevoeg voel
• ’n Vrou sal sukkel om haar man as koning te eer as sy elke keer van haar eie kroon moet afstand doen wanneer die koninginmoeder by die voordeur instap
• As jy werklik verbond in die huwelik wil ervaar, sal jy skoonfamilie (en eie familie) volgens God se Woord moet hanteer. Eenheid in ’n huwelik kom nie van nature nie; dit is iets wat jy op alle terreine van jou huwelik moet kies en leef
• As jy weet dat jy ten koste van jou huwelik nog emosionele bande met jou ouers het, moet jy dit neerlê. Vra God om dit vir jou te wys. Hy is immers ’n kampvegter van beide verbond én familie. Met Sy hulp sal jy jou verbond kan red of verbeter sónder om jou familie vir ewig te verwond

As kind van God moet ons die balk eers uit ons eie oog haal, maar as jy voel dat jy aan die ontvangkant van ’n inmengerige skoonouer is, kan jy die volgende in jou hart bewaar:
• Sien jou skoonouers vir wie hulle is – ouers wat dalk voel hulle het beheer verloor; iemand wat miskien nog nie vrede gemaak het dat hulle kinders groot is nie. As jy jouself in hulle skoene van onsekerheid plaas, sal dit makliker wees om genadig teenoor hulle te wees. Onthou dat mense wat altyd in beheer wil wees, in wese eintlik baie onseker is. Bid vir hulle, al is dit moeilik. Weet ook dat gebed nie altyd ons omstandighede verander nie, maar dit verander altyd ons harte.
• Moenie vergeld nie. God se Woord leer ons immers dat sagte antwoorde grimmigheid afkeer
• Vang hulle onkant deur goed vir hulle te wees. Laat hulle belangrik voel. Spreek onverwags waardering uit.
As almal hierdie eenvoudige beginsels uitleef, sal hierdie onder-werpe nie meer in huweliksboeke aangespreek word nie en sou skoonma-grappies ook al opgedroog het. Mag God ons harte ondersoek, en dít wat nie binne Sy wil is nie, aan ons uitwys. Mag ons die nederigheid hê om te wil verander en die diepe begeerte om aan Hom gehoorsaam te wees en ons kinders se huwelike te eer.

Basiese riglyne vir die hantering van konflik binne die familie:
• As die probleem by jóú ouers lê, moet jý die probleem aanspreek. Bloed is dikker as water, bloedfamilie luister makliker na mekaar as na aangetroude familie
• Onthou dat ’n grens waarvan mense nie bewus is nie, nie bestaan nie. As jy nie daaroor praat nie, gaan die probleem nie verdwyn nie
• Wanneer jy ’n netelige saak met moeilike ouers bespreek, gaan daar waarskynlik seergemaakte gevoelens wees wat ’n rukkie gaan neem om te heel. As jy weet dat jou ouers maklik verwerp en seergemaak voel, is dit belangrik dat jy vooraf voor God stil raak vir wysheid oor jou woorde en jou houding. Met die sagtheid van die Heilige Gees kan ons ’n vyand stormloop sonder om seer te maak
• Onthou, jy en jou maat is in dieselfde span. Wanneer jy met jou ouers oor die probleem praat, verteenwoordig jy jou maat ook. Gebruik woorde soos: “Ons voel” of “ons wil” en nie: “Sy voel” of “Hy wil” nie
• Wanneer jy toelaat dat jou ouers jou maat kritiseer, ignoreer of manipuleer en hulle nie daaroor aanspreek en vir jou maat opkom (selfs in hulle afwesigheid) nie, sal jou maat seergemaak en uitgelewer voel en jou nie vertrou en glo dat hy/sy die belangrikste mens in jou lewe is nie

’n Toets vir elke skoonouer
Indien jy wonder of jy een van daardie skoonouers is wat jou kinders se huwelik skade berokken, kan jy jou hart aan die volgende vrae toets:
• Voel jy geïrriteerd as jou seun iets mooi van sy vrou sê? Het jy ’n onkeerbare drang om jouself daarmee te vergelyk?
• Kyk jy krities na haar huis en vertel dan hoe mooi jy of jou dogter julle sitkamers gemaak het?
• Probeer jy om gewilder by jou kleinkinders te wees as hulle eie ouers?
• Herinner jy jou kinders gereeld daaraan dat jy al baie keer goed vir hulle was, en dat jy hulle finansieel bystaan of onderhou?
• Lewer jy kommentaar oor hulle hantering van opvoedingsake (al bedoel jy dit net goed)?
• Deel jy geheimpies met jou kind terwyl jy jou skoonkind doelbewus uitsluit?
• Verwag jy van jou dogter of seun om jou emosionele kruk te wees?
• Gaan jy oor jou skoondogter se kop heen wanneer daar iets gereël moet word?
• Herinner jy jou kind soms aan sy/haar maat se foute (al dink jy dat jy net jou kind wil beskerm)?
• Voel jy dat jy reëlings eerder met jou eie kinders wil tref en nie met jou skoonkinders nie?

’n Toets vir elke skoonouer
Indien jy wonder of jy een van daardie skoonouers is wat jou kinders se huwelik skade berokken, kan jy jou hart aan die volgende vrae toets:
• Voel jy geïrriteerd as jou seun iets mooi van sy vrou sê? Het jy ’n onkeerbare drang om jouself daarmee te vergelyk?
• Kyk jy krities na haar huis en vertel dan hoe mooi jy of jou dogter julle sitkamers gemaak het?
• Probeer jy om gewilder by jou kleinkinders te wees as hulle eie ouers?
• Herinner jy jou kinders gereeld daaraan dat jy al baie keer goed vir hulle was, en dat jy hulle finansieel bystaan of onderhou?
• Lewer jy kommentaar oor hulle hantering van opvoedingsake (al bedoel jy dit net goed)?
• Deel jy geheimpies met jou kind terwyl jy jou skoonkind doelbewus uitsluit?
• Verwag jy van jou dogter of seun om jou emosionele kruk te wees?
• Gaan jy oor jou skoondogter se kop heen wanneer daar iets gereël moet word?
• Herinner jy jou kind soms aan sy/haar maat se foute (al dink jy dat jy net jou kind wil beskerm)?
• Voel jy dat jy reëlings eerder met jou eie kinders wil tref en nie met jou skoonkinders nie?

Sou dit nie wonderlik wees as alle skoonma’s en hul skoondogters ’n verhouding soos Naomi en Rut gehad het nie? Helaas, die duisende huwelike wat bloei as gevolg van inmengerige familie, bewys dat nie almal so gelukkig soos Rut-hulle is nie. As alle getroudes net die eenvoudige wysheid van Efesiërs 5:31 kon verstaan: “’n Man sal sy ouers verlaat en sy vrou aankleef, en hulle sal een wees.” So basies, en tog vir sommige so moeilik om te verstaan en uit te leef.

Wat beteken ‘verlaat’?
Sommige mense vra hoe jy jou ouers kan verlaat as hulle weens ouderdom, siekte, of finansiële tekorte by jou in die huis moet bly. Ander redeneer weer die Woord sê jy moet jou ouers eer. Jy kán jou ouers eer én verlaat. Om jou ouers te ‘verlaat’ verwys nie na ’n fisieke verlating nie, maar dat jy jou ouers as die eerste prioriteit in jou lewe verlaat. Jou huweliksmaat word nou jou eerste verantwoordelikheid, jou belangrikste prioriteit in terme van verhoudinge, en die een op wie se kop die kroon te alle tye behoort te rus. Hierin moet julle mekaar aankleef (met ander woorde begeer om in alles deel van mekaar te wees) en soos een mens te lewe, wat beteken dat jou maat se behoeftes ook joune moet wees.

Stel grense op
Ouers of skoonouers kan manipuleer en verwerp wanneer dinge nie volgens hulle wil verloop nie, dan kan dit moeilik raak om jou maat se behoeftes bo dié van jou ouers te stel. Om ’n huwelik te verseker waarbinne jou maat geëer word, noodsaak grense – ’n gesonde verhouding waar manipulasie en verwerping van buitepartye teengestaan word. Daar moet grense wees wat kommunikeer dat ons ’n huwelikseenheid is en dat ons niks en niemand sal duld wat daardie eenheid bedreig nie.

Grense wat oorskry word
Daar is byvoorbeeld oumas wat voor aandete lekkergoed aan die kleinkinders uitdeel, al het Ma en Pa gesê dit mag nie. Soortgelyk is daar ouers wat gedurig rusie in hulle kinders se huwelike veroorsaak omdat hulle klein ‘stekies’ uitdeel wat soos goedbedoelde raad klink, of ander wat nooit hulle kinders se sieninge, besluite en tyd respekteer nie. Hulle daag op om te kuier al weet hulle dit is ongeleë, want hulle voel dit is hulle reg. Sulke voorbeelde is ’n realiteit vir baie paartjies – iets wat groot frustrasie en onmin in die huwelik veroorsaak. Dit is maklik om te sê: “Praat net met jou ouers daaroor!” Vir baie paartjies is dit nie so maklik nie.

Waarom is dit so moeilik ?
• Vrees dat jou ouers julle sal verwerp
• Vrees dat jou ouers verwerp sal voel as die probleem aangespreek word
• Jy is bang vir konfrontasie en wil die vrede ten alle koste bewaar
• Die ydele droom dat die probleem sal verdwyn as julle die inmenging of manipulasie net ignoreer
• Die ouers het ’n finansiële of emosionele houvas
• Die wanpersepsie dat die daarstelling van ’n grens impliseer dat jy jou ouers nie eer nie
• Blindheid vir jou maat se frustrasie en pyn – jy dink jou maat is oorsensitief, of verstaan jou ouers verkeerd

Eer jou verbond
• Jou keuses moet bewys wie die belang-rikste in jou lewe is. As jy altyd jou ouers se kant kies, sal jou maat nie soos jou eerste prioriteit voel nie
• Sodra ons eie ouers seergemaak voel, vergeet ons soms van ons maat wat ook seer het. Jou maat bly jou eerste prioriteit – dit beteken nie dat jou ouers se gevoelens nie saak maak nie
• Te veel van enigiets buite jou huwelik is nooit ’n goeie ding nie – ook te veel kuier en kontak met jou ouers ten koste van jou maat
• Wanneer jou ouers finansiële beheer of ’n houvas op jou het, sal jou huwelik na hulle pype moet dans. Dit is maklik om te vergeet dat God ons voorsiener is, nie ons ouers nie
• Geloof en geld is dinge waaroor mense oorlog sal maak – maak seker dat julle in julle huwelik eenheid hieroor het
• ’n Probleem in die huwelik behoort binne die huwelik opgelos te word, nie by familie nie. Onthou dat jou ouers net die slegte dinge van jou maat hoor as jy jou huwelikspro-
bleme met hulle bespreek. Hulle sal waarskynlik sukkel om jou maat te vergewe en dalk nooit weer met dieselfde oë na hom of haar kyk nie
• Wanneer ’n vrou haar pa altyd soos die held hanteer en haar man bewustelik of onbewustelik met hom vergelyk, sal haar man noodwendig in sy manlikheid gekrenk voel. Hy kan geïrriteerd raak met sy skoonpa en sy vrou dalk wys op die dinge wat haar pa verkeerd doen. Hy sal onbevoeg voel
• ’n Vrou sal sukkel om haar man as koning te eer as sy elke keer van haar eie kroon moet afstand doen wanneer die koninginmoeder by die voordeur instap
• As jy werklik verbond in die huwelik wil ervaar, sal jy skoonfamilie (en eie familie) volgens God se Woord moet hanteer. Eenheid in ’n huwelik kom nie van nature nie; dit is iets wat jy op alle terreine van jou huwelik moet kies en leef
• As jy weet dat jy ten koste van jou huwelik nog emosionele bande met jou ouers het, moet jy dit neerlê. Vra God om dit vir jou te wys. Hy is immers ’n kampvegter van beide verbond én familie. Met Sy hulp sal jy jou verbond kan red of verbeter sónder om jou familie vir ewig te verwond

As kind van God moet ons die balk eers uit ons eie oog haal, maar as jy voel dat jy aan die ontvangkant van ’n inmengerige skoonouer is, kan jy die volgende in jou hart bewaar:
• Sien jou skoonouers vir wie hulle is – ouers wat dalk voel hulle het beheer verloor; iemand wat miskien nog nie vrede gemaak het dat hulle kinders groot is nie. As jy jouself in hulle skoene van onsekerheid plaas, sal dit makliker wees om genadig teenoor hulle te wees. Onthou dat mense wat altyd in beheer wil wees, in wese eintlik baie onseker is. Bid vir hulle, al is dit moeilik. Weet ook dat gebed nie altyd ons omstandighede verander nie, maar dit verander altyd ons harte.
• Moenie vergeld nie. God se Woord leer ons immers dat sagte antwoorde grimmigheid afkeer
• Vang hulle onkant deur goed vir hulle te wees. Laat hulle belangrik voel. Spreek onverwags waardering uit.
As almal hierdie eenvoudige beginsels uitleef, sal hierdie onderwerpe nie meer in huweliksboeke aangespreek word nie en sou skoonma-grappies ook al opgedroog het. Mag God ons harte ondersoek, en dít wat nie binne Sy wil is nie, aan ons uitwys. Mag ons die nederigheid hê om te wil verander en die diepe begeerte om aan Hom gehoorsaam te wees en ons kinders se huwelike te eer.

Basiese riglyne vir die hantering van konflik binne die familie:
• As die probleem by jóú ouers lê, moet jý die probleem aanspreek. Bloed is dikker as water, bloedfamilie luister makliker na mekaar as na aangetroude familie
• Onthou dat ’n grens waarvan mense nie bewus is nie, nie bestaan nie. As jy nie daaroor praat nie, gaan die probleem nie verdwyn nie
• Wanneer jy ’n netelige saak met moeilike ouers bespreek, gaan daar waarskynlik seergemaakte gevoelens wees wat ’n rukkie gaan neem om te heel. As jy weet dat jou ouers maklik verwerp en seergemaak voel, is dit belangrik dat jy vooraf voor God stil raak vir wysheid oor jou woorde en jou houding. Met die sagtheid van die Heilige Gees kan ons ’n vyand stormloop sonder om seer te maak
• Onthou, jy en jou maat is in dieselfde span. Wanneer jy met jou ouers oor die probleem praat, verteenwoordig jy jou maat ook. Gebruik woorde soos: “Ons voel” of “ons wil” en nie: “Sy voel” of “Hy wil” nie
• Wanneer jy toelaat dat jou ouers jou maat kritiseer, ignoreer of manipuleer en hulle nie daaroor aanspreek en vir jou maat opkom (selfs in hulle afwesigheid) nie, sal jou maat seergemaak en uitgelewer voel en jou nie vertrou en glo dat hy/sy die belangrikste mens in jou lewe is nie

’n Toets vir elke skoonouer
Indien jy wonder of jy een van daardie skoonouers is wat jou kinders se huwelik skade berokken, kan jy jou hart aan die volgende vrae toets:
• Voel jy geïrriteerd as jou seun iets mooi van sy vrou sê? Het jy ’n onkeerbare drang om jouself daarmee te vergelyk?
• Kyk jy krities na haar huis en vertel dan hoe mooi jy of jou dogter julle sitkamers gemaak het?
• Probeer jy om gewilder by jou kleinkinders te wees as hulle eie ouers?
• Herinner jy jou kinders gereeld daaraan dat jy al baie keer goed vir hulle was, en dat jy hulle finansieel bystaan of onderhou?
• Lewer jy kommentaar oor hulle hantering van opvoedingsake (al bedoel jy dit net goed)?
• Deel jy geheimpies met jou kind terwyl jy jou skoonkind doelbewus uitsluit?
• Verwag jy van jou dogter of seun om jou emosionele kruk te wees?
• Gaan jy oor jou skoondogter se kop heen wanneer daar iets gereël moet word?
• Herinner jy jou kind soms aan sy/haar maat se foute (al dink jy dat jy net jou kind wil beskerm)?
• Voel jy dat jy reëlings eerder met jou eie kinders wil tref en nie met jou skoonkinders nie?

’n Toets vir elke skoonouer
Indien jy wonder of jy een van daardie skoonouers is wat jou kinders se huwelik skade berokken, kan jy jou hart aan die volgende vrae toets:
• Voel jy geïrriteerd as jou seun iets mooi van sy vrou sê? Het jy ’n onkeerbare drang om jouself daarmee te vergelyk?
• Kyk jy krities na haar huis en vertel dan hoe mooi jy of jou dogter julle sitkamers gemaak het?
• Probeer jy om gewilder by jou kleinkinders te wees as hulle eie ouers?
• Herinner jy jou kinders gereeld daaraan dat jy al baie keer goed vir hulle was, en dat jy hulle finansieel bystaan of onderhou?
• Lewer jy kommentaar oor hulle hantering van opvoedingsake (al bedoel jy dit net goed)?
• Deel jy geheimpies met jou kind terwyl jy jou skoonkind doelbewus uitsluit?
• Verwag jy van jou dogter of seun om jou emosionele kruk te wees?
• Gaan jy oor jou skoondogter se kop heen wanneer daar iets gereël moet word?
• Herinner jy jou kind soms aan sy/haar maat se foute (al dink jy dat jy net jou kind wil beskerm)?
• Voel jy dat jy reëlings eerder met jou eie kinders wil tref en nie met jou skoonkinders nie?

Sou dit nie wonderlik wees as alle skoonma’s en hul skoondogters ’n verhouding soos Naomi en Rut gehad het nie? Helaas, die duisende huwelike wat bloei as gevolg van inmengerige familie, bewys dat nie almal so gelukkig soos Rut-hulle is nie. As alle getroudes net die eenvoudige wysheid van Efesiërs 5:31 kon verstaan: “’n Man sal sy ouers verlaat en sy vrou aankleef, en hulle sal een wees.” So basies, en tog vir
sommige so moeilik om te verstaan en uit te leef.

Wat beteken ‘verlaat’?
Sommige mense vra hoe jy jou ouers kan verlaat as hulle weens ouderdom, siekte, of finansiële tekorte by jou in die huis moet bly. Ander redeneer weer die Woord sê jy moet jou ouers eer. Jy kán jou ouers eer én verlaat. Om jou ouers te ‘verlaat’ verwys nie na ’n fisieke verla-ting nie, maar dat jy jou ouers as die eerste prioriteit in jou lewe verlaat. Jou huweliksmaat word nou jou eerste verantwoordelikheid, jou belangrikste prioriteit in terme van verhoudinge, en die een op wie se kop die kroon te alle tye behoort te rus. Hierin moet julle mekaar aankleef (met ander woorde begeer om in alles deel van mekaar te wees) en soos een mens te lewe, wat beteken dat jou maat se behoeftes ook joune moet wees.

Stel grense op
Ouers of skoonouers kan manipuleer en verwerp wanneer dinge nie volgens hulle wil verloop nie, dan kan dit moeilik raak om jou maat se behoeftes bo dié van jou ouers te stel. Om ’n huwelik te verseker waarbinne jou maat geëer word, noodsaak grense – ’n gesonde verhouding waar manipulasie en verwerping van buitepartye teengestaan word. Daar moet grense wees wat kommunikeer dat ons ’n huwelikseenheid is en dat ons niks en niemand sal duld wat daardie eenheid bedreig nie.

Grense wat oorskry word
Daar is byvoorbeeld oumas wat voor aandete lekkergoed aan die kleinkinders uitdeel, al het Ma en Pa gesê dit mag nie. Soortgelyk is daar ouers wat gedurig rusie in hulle kinders se huwelike veroorsaak omdat hulle klein ‘stekies’ uitdeel wat soos goedbedoelde raad klink, of ander wat nooit hulle kinders se sieninge, besluite en tyd respekteer nie. Hulle daag op om te kuier al weet hulle dit is ongeleë, want hulle voel dit is hulle reg. Sulke voorbeelde is ’n realiteit vir baie paartjies – iets wat groot frustrasie en onmin in die huwelik veroorsaak. Dit is maklik om te sê: “Praat net met jou ouers daaroor!” Vir baie paartjies is dit nie so maklik nie.

Waarom is dit so moeilik ?
• Vrees dat jou ouers julle sal verwerp
• Vrees dat jou ouers verwerp sal voel as die probleem aangespreek word
• Jy is bang vir konfrontasie en wil die vrede ten alle koste bewaar
• Die ydele droom dat die probleem sal verdwyn as julle die inmenging of manipulasie net ignoreer
• Die ouers het ’n finansiële of emosionele houvas
• Die wanpersepsie dat die daarstelling van ’n grens impliseer dat jy jou ouers nie eer nie
• Blindheid vir jou maat se frustrasie en pyn – jy dink jou maat is oorsensitief, of verstaan jou ouers verkeerd

Eer jou verbond
• Jou keuses moet bewys wie die belangrikste in jou lewe is. As jy altyd jou ouers se kant kies, sal jou maat nie soos jou eerste prioriteit voel nie
• Sodra ons eie ouers seergemaak voel, vergeet ons soms van ons maat wat ook seer het. Jou maat bly jou eerste prioriteit – dit beteken nie dat jou ouers se gevoelens nie saak maak nie
• Te veel van enigiets buite jou huwelik is nooit ’n goeie ding nie – ook te veel kuier en kontak met jou ouers ten koste van jou maat
• Wanneer jou ouers finansiële beheer of ’n houvas op jou het, sal jou huwelik na hulle pype moet dans. Dit is maklik om te vergeet dat God ons voorsiener is, nie ons ouers nie
• Geloof en geld is dinge waaroor mense oorlog sal maak – maak seker dat julle in julle huwelik eenheid hieroor het
• ’n Probleem in die huwelik behoort binne die huwelik opgelos te word, nie by familie nie. Onthou dat jou ouers net die slegte dinge van jou maat hoor as jy jou huweliksprobleme met hulle bespreek. Hulle sal waarskynlik sukkel om jou maat te vergewe en dalk nooit weer met dieselfde oë na hom of haar kyk nie
• Wanneer ’n vrou haar pa altyd soos die held hanteer en haar man bewustelik of onbewustelik met hom vergelyk, sal haar man noodwendig in sy manlikheid gekrenk voel. Hy kan geïrriteerd raak met sy skoonpa en sy vrou dalk wys op die dinge wat haar pa verkeerd doen. Hy sal onbevoeg voel
• ’n Vrou sal sukkel om haar man as koning te eer as sy elke keer van haar eie kroon moet afstand doen wanneer die koninginmoeder by die voordeur instap
• As jy werklik verbond in die huwelik wil ervaar, sal jy skoonfamilie (en eie familie) volgens God se Woord moet hanteer. Eenheid in ’n huwelik kom nie van nature nie; dit is iets wat jy op alle terreine van jou huwelik moet kies en leef
• As jy weet dat jy ten koste van jou huwelik nog emosionele bande met jou ouers het, moet jy dit neerlê. Vra God om dit vir jou te wys. Hy is immers ’n kampvegter van beide verbond én familie. Met Sy hulp sal jy jou verbond kan red of verbeter sónder om jou familie vir ewig te verwond

As kind van God moet ons die balk eers uit ons eie oog haal, maar as jy voel dat jy aan die ontvangkant van ’n inmengerige skoonouer is, kan jy die volgende in jou hart bewaar:
• Sien jou skoonouers vir wie hulle is – ouers wat dalk voel hulle het beheer verloor; iemand wat miskien nog nie vrede gemaak het dat hulle kinders groot is nie. As jy jouself in hulle skoene van onsekerheid plaas, sal dit makliker wees om genadig teenoor hulle te wees. Onthou dat mense wat altyd in beheer wil wees, in wese eintlik baie onseker is. Bid vir hulle, al is dit moeilik. Weet ook dat gebed nie altyd ons omstandighede verander nie, maar dit verander altyd ons harte.
• Moenie vergeld nie. God se Woord leer ons immers dat sagte antwoorde grimmigheid afkeer
• Vang hulle onkant deur goed vir hulle te wees. Laat hulle belangrik voel. Spreek onverwags waardering uit.
As almal hierdie eenvoudige beginsels uitleef, sal hierdie onder-werpe nie meer in huweliksboeke aangespreek word nie en sou skoonma-grappies ook al opgedroog het. Mag God ons harte ondersoek, en dít wat nie binne Sy wil is nie, aan ons uitwys. Mag ons die nederigheid hê om te wil verander en die diepe begeerte om aan Hom gehoorsaam te wees en ons kinders se huwelike te eer.

Basiese riglyne vir die hantering van konflik binne die familie:
• As die probleem by jóú ouers lê, moet jý die probleem aanspreek. Bloed is dikker as water, bloedfamilie luister makliker na mekaar as na aangetroude familie
• Onthou dat ’n grens waarvan mense nie bewus is nie, nie bestaan nie. As jy nie daaroor praat nie, gaan die probleem nie verdwyn nie
• Wanneer jy ’n netelige saak met moeilike ouers bespreek, gaan daar waarskynlik seergemaakte gevoelens wees wat ’n rukkie gaan neem om te heel. As jy weet dat jou ouers maklik verwerp en seergemaak voel, is dit belangrik dat jy vooraf voor God stil raak vir wysheid oor jou woorde en jou houding. Met die sagtheid van die Heilige Gees kan ons ’n vyand stormloop sonder om seer te maak
• Onthou, jy en jou maat is in dieselfde span. Wanneer jy met jou ouers oor die probleem praat, verteenwoordig jy jou maat ook. Gebruik woorde soos: “Ons voel” of “ons wil” en nie: “Sy voel” of “Hy wil” nie
• Wanneer jy toelaat dat jou ouers jou maat kritiseer, ignoreer of manipuleer en hulle nie daaroor aanspreek en vir jou maat opkom (selfs in hulle afwesigheid) nie, sal jou maat seergemaak en uitgelewer voel en jou nie vertrou en glo dat hy/sy die belangrikste mens in jou lewe is nie

’n Toets vir elke skoonouer
Indien jy wonder of jy een van daardie skoonouers is wat jou kinders se huwelik skade berokken, kan jy jou hart aan die volgende vrae toets:
• Voel jy geïrriteerd as jou seun iets mooi van sy vrou sê? Het jy ’n onkeerbare drang om jouself daarmee te vergelyk?
• Kyk jy krities na haar huis en vertel dan hoe mooi jy of jou dogter julle sitkamers gemaak het?
• Probeer jy om gewilder by jou kleinkinders te wees as hulle eie ouers?
• Herinner jy jou kinders gereeld daaraan dat jy al baie keer goed vir hulle was, en dat jy hulle finansieel bystaan of onderhou?
• Lewer jy kommentaar oor hulle hantering van opvoedingsake (al bedoel jy dit net goed)?
• Deel jy geheimpies met jou kind terwyl jy jou skoonkind doelbewus uitsluit?
• Verwag jy van jou dogter of seun om jou emosionele kruk te wees?
• Gaan jy oor jou skoondogter se kop heen wanneer daar iets gereël moet word?
• Herinner jy jou kind soms aan sy/haar maat se foute (al dink jy dat jy net jou kind wil beskerm)?
• Voel jy dat jy reëlings eerder met jou eie kinders wil tref en nie met jou skoonkinders nie?

’n Toets vir elke skoonouer
Indien jy wonder of jy een van daardie skoonouers is wat jou kinders se huwelik skade berokken, kan jy jou hart aan die volgende vrae toets:
• Voel jy geïrriteerd as jou seun iets mooi van sy vrou sê? Het jy ’n onkeerbare drang om jouself daarmee te vergelyk?
• Kyk jy krities na haar huis en vertel dan hoe mooi jy of jou dogter julle sitkamers gemaak het?
• Probeer jy om gewilder by jou kleinkinders te wees as hulle eie ouers?
• Herinner jy jou kinders gereeld daaraan dat jy al baie keer goed vir hulle was, en dat jy hulle finansieel bystaan of onderhou?
• Lewer jy kommentaar oor hulle hantering van opvoedingsake (al bedoel jy dit net goed)?
• Deel jy geheimpies met jou kind terwyl jy jou skoonkind doelbewus uitsluit?
• Verwag jy van jou dogter of seun om jou emosionele kruk te wees?
• Gaan jy oor jou skoondogter se kop heen wanneer daar iets gereël moet word?
• Herinner jy jou kind soms aan sy/haar maat se foute (al dink jy dat jy net jou kind wil beskerm)?
• Voel jy dat jy reëlings eerder met jou eie kinders wil tref en nie met jou skoonkinders nie?

Bron:juig.co.za NGVishoek: Ds. ( dominee ) Martin Barnard.

Lees Meer >>

Die impak van elke Jesus-mens


  1. Ons leef tussen ander mense wat bang, onseker en/of verlore is of voel – self kan ons ook so voel. Ons leef agter geslote deure en hekke, misdaad bedreig ons almal op een of ander wyse. Daar is so baie wat ons leefwêreld deurmekaar maak, dinge verander soms baie vinnig en die toekoms lyk baie onseker. Te veel beleef ons die agteruitgang op so baie fronte  in die samelewing en dit maak ons moedeloos. Op te veel terreine is dit sigbaar dat mense sonder Jesus leef en nie eers skaam is daaroor nie. Hiermee word ons daagliks gekonfronteer.
  2. MAAR ons het Jesus, ons volmaakte Verlosser, wat volledig vergifnis van sonde vir alle mense is – hierdie waarheid staan op ons enigste Rots! Ons elkeen se persoonlike redding is slegs en alleen gebou op hierdie onverdiende guns van ons Here. Hierdie guns is vir alle mense beskikbaar, ongeag wie of wat die omstandighede is. En die enigste wyse waarop verlore en onseker en bang mense met die liefde van ons God in aanraking kan kom, is deur ons lewe en deur ons woorde. Geen ander waarheid, as die waarheid van God se liefde vir alle mense, kan groter impak hê op die omstandighede waarmee ons elke dag gekonfronteer word nie.
  3. Daarom kan elke Jesus-mens vrymoedig, met liefde en met die gawes wat elkeen het, soos dit op ons pad kom, vrede en vergifnis leef en vertel. Ons het die geleenthede om die allerbeste nuus van Jesus se liefdevolle opoffering vir almal, nie net te leef nie, maar ook verder uit te dra. Waar ek en jy elke dag besig is met ons dagtaak tussen ander mense, is elkeen van ons die kanaal van Jesus-liefde na verwarde en verlore mense.


Ons Here wil jou baie graag gebruik om ‘n impak te maak ter wille van sy koninkryk – jy is reeds aan diens!

Bron: http://doomcharl.blogspot.com/ NGVishoek: Ds. ( dominee ) Martin Barnard.

Lees Meer >>

Is jou fokus op jou omstandighede of op God?


Sy omstandighede was vir hom ’n groter realiteit as God se almag en teenwoordigheid. Daarom dat hy ’n teken vra.

In ons swaarkry wonder ons ook soms waar God is en wil ons ook soos Gideon ’n teken hê. ’n Teken dat Hy nog daar is en ons seer en swaarkry raaksien. Dat ons gebede nie verniet is nie, dat ons omstandighede, wat nie verander nie en onuithoudbaar voel, tog iewers ten goede gaan meewerk.

As ek net fokus op my verbrokkelende huwelik of my kind wat nie werk kry nie, begin dit lyk asof God nie ons omstandighede kan of wil verander nie. Dan val ek vas in die dryfsand van twyfel en wil ek soos Elia onder die besembos gaan lê en moed opgee. In plaas daarvan kan ek met ’n wilsbesluit ’n loflied sing wat my herinner aan hoe groot God is. Selfs hierdie eenvoudige kinderliedjie kan die swaarste gemoed lig: “My God is so goed, so groot en so magtig. Daar’s niks wat my God nie kan doen.”

Die waarheid is dat God se liefdevolle teenwoordigheid nie afhanklik is van my omstandighede en emosies nie. Hy hou my altyd in Sy hand. Sy liefde en trou is ’n onbreekbare belofte. Dawid prys God in Psalm 144:2 “U is my krag en my skuilplek, my veilige vesting en my redder, my beskermer by wie ek skuil, wat my volk aan my onderdanig maak” terwyl hy vasgekeer in die grot van Abdullam is, sy lewe in gevaar.

Daarom kan ek my man bemoedig deur sy rug te masseer wat seer is van die spanning oor werksomstandighede, en hom deur hierdie klein liefdesdaad herinner aan God se grootheid, liefde en trou en kan ons albei krag en moed kry om aan te gaan. Besef ons dat ten spyte van ons seer en onveranderde omstandighede, ons steeds in Sy hand is, dat Hy ons hierdeur sal dra en vind ons vertroosting in Romeine 8:28 “Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is”.

Bron:ekerk.orgNGVishoek: Ds. ( dominee ) Martin Barnard.

Lees Meer >>