'n Basiese vraag is of die Westerse kultuur primr deur die Christelike geloof en waardes be'nvloed en gevorm is.
Die omgekeerde kan ook gevra word: In watter mate is ons verstaan van die Bybel deur die kultuur be'nvloed?
Die evangelie het aanvanklik versprei in 'n ontwikkelde Romeinse beskawing met sterk Griekse filosofiese en godsediensetige invloede.
Veral Plato se sterk onderskeid tussen die geestelike (die 'goeie) en die natuurlike/fisieke (wat as boos en sleg beskou is) het oor die eeue Westerse teologie en spiritualiteit sterk be'nvloed.
Dit is ook nie so eenvoudig as om bloot te se die 'beskaafdheid van die Weste is die vrug van die evangelie nie.
'n Land soos Japan kan immers as hoogs beskaaf geklassifiseer word terwyl daar maar 'n baie klein persentasie Christene aanwesig is.
En wat se mens van 'n land soos Rwanda, met 'n Christenbevolking van ongeveer 90%, waar daar 'n skrale 20 jaar gelede 'n miljoen mense in 'n barbaarse 'etniese suiwering uitgewis is?
Wat sal mens van Suid-Afrika met sy ongeveer 80% Christene se?
Alles in ag genome dink ek 'n mens kan wel se daar is vele positiewe eienskappe in die Westerse beskawing aanwesig wat die regstreekse of onregstreekse vrug van die Christelike evangelie is.
Selfs in die kultuur van Wes-Europese lande wat 'n sogenaamde post-Christelike era betree het, is daar steeds baie van hierdie Christelike fondamentstene wat mense se gedrag, verhoudings en werketiek ten goede be'nvloed.
Aan die ander kant moet mens die animistiese godsdienstige agtergrond van Afrika in gedagte hou as jy iets van sy kultuur wil verstaan.
Dit beteken egter nie dat ons die Westerse kultuur per definisie as Christelik en die Afrikakultuur noodwendig as minderwaardig en heidens moet beskou nie!
Trouens, daar is heelwat kulturele kenmerke in Afrika wat van nature veel nader aan die Midde-Oosterse kultuur van Bybelse tye is, soos die sterk gemeenskapsentiment vergeleke met Westerse individualisme.
Hoewel daar in enige kultuur gebruike is wat ondubbelsinnig as onbybels en sondig bestempel kan word, is kultuur in die algemeen nie iets wat summier as 'reg of 'verkeerd bestempel kan word nie.
Ek sou graag deel van 'n kultuur wou wees wat as suiwer 'Bybelse? bestempel sou kon word.
Ek het egter 'n vermoede dat dt eers op die 'Nuwe Aarde sal verwesenlik.
Intussen moet Christene probeer ruimte maak vir verskillende kulturele uitdrukkings en besef dat nie alles wat 'Westerse? is, ook 'Christelik is nie, en nie alles wat as 'tipies Afrika bestempel kan word, noodwendig onbybels en sleg is nie.
Dit is juis rondom gemeenskaplike Bybelse waarhede en waardes dat mense van verskillende kulture mekaar kan vind.
Bron:http://www.beeld.com/Rubrieke/Gasrubriekskrywers/Bybelwaardes-kan-saamsnoer-20120115