A2J (Addicted to Jesus) Tienerbedening

Sê weer? Raas ons? YES! Sondae kom ons bymekaar in die kerksaal tydens die erediens (09:00) tot so 10:30 waar ons ‘n absolute jol het! Ons voel sterk daaroor dat niemand ooit by A2J moet voel asof die kat hulle sommer ingesleep het nie, ons wil hê jy moet tuis voel. A2J is vir tieners van Gr.7 tot matriek en hier gesels ons oor temas wat ons tieners raak. Jongmense het reeds ‘n ontsettende besige skedule so ons wil elke bietjie tyd wat ons het benut om die tieners van A2J toe te rus om die wêreld daar buite volstoom aan te pak en die evangelie te versprei tot en met die uithoeke van die aarde! Tematies werk ons nie net met die temas wat tieners mee worstel soos spanning, angs, depressie, groepsdruk nie maar ons bou ook op die positiewe temas soos groei, vriendskap, om diensbaar te wees, ens. om tieners te help groei in hul lewens. Ons bly Skrifgetrou en ons is lief vir praise & worship. Kom maak ‘n draai gedurende die kwartaal om bietjie te sien of jy meer betrokke wil word, of kliek op die skakel om deel van ons WhatsApp groep te word. Die WhatsApp groep is slegs vir tieners en leiers en deur op die skakel te kliek, word ‘n versoek gestuur aan die “admin” wat jou dan sal byvoeg mits jy ‘n tiener is wat by A2J wil inskakel. Kliek HIER om by die WhatsApp groep aan te sluit.

Jy kan ook gerus A2J se WhatsApp “channel” volg deur HIER te kliek om op hoogte van sake te bly wat ons aktiwiteite, planne, uitreike, byeenkomste en uitreike aanbetref! Ons is ook op YouTube, Facebook en Instagram waar jy kan gaan loer.

    Wil u betrokke raak?

    Kies die bediening(e):

    Please prove you are human by selecting the flag.