Nooit los die Here jou op jou eie as Hy die dag nuwe projekte in ander mense se lewe aanvaar nie. Die mees suksesvolle Bouer in die heelal, die Een wat al miljoene mense se lewens splinternuut herbou het, sal enduit timmer aan jou. Hy sal elke dag op sy pos wees by jou lewe met sy spesiale hemelse boumateriaal. Hierdie is immers sy waarborg aan jou en aan elke ander navolger van Christus in Filippense 1:6 (Die Boodskap): “Van een ding is ek seker: dit is God wat al hierdie goeie dinge met julle laat gebeur. Hy sal dit bly doen tot op die dag wanneer Christus Jesus weer kom. Hy sal julle nooit in die steek laat nie.”
 

Kyk mooi, langs die bouperseel van jou eie lewe is daar vandag en elke ander dag ’n hemelse bordjie met die volgende woorde daarop:

ONDER LEWENSLANGE KONSTRUKSIE VAN DIE DRIE-ENIGE GOD!

Bron:  ekerk 

NGVishoek: Ds. ( dominee ) Martin Barnard.