KinderGeloof
Welkom by Kleuterkerk!
Kleuterkerk is die perfekte plek vir ons kleinste skatte – kinders van 5 jaar en jonger – om tydens die erediens op hul eie manier Jesus te leer ken. Ons kom bymekaar in die mediasentrum, waar daar stories vertel word, liedjies gesing word, en baie liefde uitgedeel word. Die tannies werk met groot sorg en sagte harte met elke kleuter, en selfs die pappas en mammas sit soms graag in – net om die mooi oomblikke saam te beleef. Dis ’n plek van geloof, ontdekking en klein handjies wat groot dinge leer.
Welkom by KinderGeloof Junior!
KinderGeloof Junior is ons kleurvolle en lewendige kategese-groep vir kinders van Graad R tot Graad 3. Tydens die erediens kry die kleinspan hul eie spesiale tyd saam – ons sit gemaklik op kussings op die vloer, luister na Bybelstories, gesels oor Jesus en leer meer oor God se liefde op maniere wat sin maak vir kinders. Dis ‘n plek waar elke kind kan groei in geloof, vrae kan vra, en sommer baie pret kan hê. Hier begin geloof met ‘n glimlag!
Welkom by KinderGeloof Senior!
KinderGeloof Senior is ons kategese-groep vir kinders van Graad 4 tot Graad 6 – dié wat nou al bietjie groter is, maar steeds vol vrae, nuuskierigheid en geloof is. Ons kom tydens die erediens bymekaar in ons eie ruimte waar ons die Bybel ontdek, saam gesels, en leer hoe om ons geloof in die werklike lewe uit te leef. Dis ’n plek waar kinders begin om hul eie verhouding met God te verstaan – en waar ons dit saam vier met lag, leer en lekker kuier.
“Oupa Moses”
Ken jy vir Oupa Moses? Indien nie, kliek onmiddelik HIER om na die Oupa Moses videos te gaan kyk! Oupa Moses het verskillende maats soos Spiritbuddy en Eric wat soms vir hom, Jacuzza, Gabie en Baloo kom kuier. Ander tye gaan kuier Oupa Moses weer vir ander mense soos die maats by Zwaanswyk Academy of die Paulies by Laerskool Paul Greyling!
Hou die Oupa Moses speellys op NG Vishoek se YouTube kanaal dop om op hoogte te bly wanneer daar nuwe videos verskyn.
