Mannekamp

Hierdie is ‘n besonderse bediening aan ons manne: “Eggenotes en Pa’s”. Dit gee eenmaal ‘n jaar ‘n wegbreek kans waartydens die manne heerlik in die buitelug weg van al die roetine en gejaag mekaar se geselskap en die natuur kan geniet.

Ons vertrek gewoonlik al van vroeg Vrydag af en kamp in karrevane, agter op bakkies  en in tente. Saans word daar om die vuur gekuier en word daar oor alles en nogwat gesels. Vrydagaand braai almal saam, Saterdagoggend maak elkeen sy eie ontbyt. Saterdagaand(middag) word daar reeds vroeg begin met die potjies (van alles en nog wat), terwyl andere hulle vernuf met die 4×4 voertuie op die proef gaan stel.

Daar word tot laat gekuier, met ‘n heerlike glasie wyn, wat alles goed afrond. Saterdagaand asook Sondagoggend word daar ook geleentheid gegee om stil te raak en oor ons verhouding met God, ons medemens, die natuur en ons self te besin en te gesels.