Dis hoe mans reageer. Veg of vlug. Teen dié tyd weet hy vir veg het hy nie genoeg woorde nie so hy vlug. Wat het hy nóú weer verkeerd gedoen? Hy voel daar word vir hom gesê: “Skaam jou” (shame). Vroulief wat as dogtertjie altyd getroos is as sy seerkry, voel nou alleen en bang (fear).1
Hoekom vlug ‘n man na sy grot?2
Hy moet oor die probleem dink en ‘n praktiese oplossing kry.
Hy het nie ‘n antwood nie maar hy het nooit geleer om dit te erken nie.
Hy is onsteld of gestres en het tyd nodig om af te koel en weer beheer oor homself te kry. Hy wil nie iets sê waaroor hy later spyt gaan wees nie.
Hy moet homself weer vind. Emosionele intimiteit neem krag uit hom uit en hy wil eers weer herlaai.
Hoekom wil ‘n vrou praat?3
z Sy wil iets meedeel of inligting bekom. (Dít is gewoonlik die enigste rede hoekom mans praat.)
z Sy dink hardop en probeer so uitwerk wat sy nou eintlik wil sê.
z Wanneer sy ontsteld is laat dit haar beter voel as sy daaroor praat.
z Sy deel haar gevoelens en probeer so emosionele intimiteit kry.
Wanneer haar man emosioneel onttrek ervaar die vrou isolasie en eensaamheid. Die alone-but-married sindroom.4 Kritiek en afbrekende woorde maak die man weer ongelukkig.
Maar daar is hoop!
Dink solank oor die volgende:5
© Negatiewe persepsies van jou verlede kan die primêre bron wees vir jou skaamte/vrees.
© Liefde vervaag dikwels omdat die man of vrou instinktief gee wat hulself wil hê, soms tot op ‘n punt van uitbranding.
© Hoe lyk die wêreld deur die oë van my geliefde?
(Word vervolg)
2,3 Gray, J. (2002) Men are from Mars, Women are from Venus.
1,4,5 Love, P & Stosny, S. (2007) How to improve your marriage without talking about it.