Iets drasties moes gedoen word om die verset van die Israeliete te beindig. In Numeri 17, het die Here vir Moses gese om 'n kierie vir elkeen van die 12 stamme te kry, en 'n naam op elke kierie te skryf en dit oornag in die tent van ontmoeting te plaas. Die volgende oggend was net die amandelhoutkierie van Aron 'n lewende tak met botsels, bloeisels en selfs ryp amadels. Daar was nou geen twyfeld dat Aron die regte man vir die taak was nie.
Alles in hierdie wonderwerk is teenstrydig met die natuur. Om 'n stuk dro hout wat reeds lankal van 'n boom afgesny is, en wat vir 'n nag in 'n dro plek opgesluit was, die volgende oggend vol lewe te sien het geen twyfel by die Israeliete gelaat dat God self ingegryp het nie.
Soms voel ons soos een van hierdie kieries heeltemal uitgedroog en sonder lewe. Dit is nie onmoontlik vir ons God om ons kierie weer met botsels en bloeisels te oortrek nie en selfs oornag vrugte te laat dra nie, solank ons net gewillig is om te dien! Die vraag is: "Is ons gewillig?"
Gebed:Dankie Here dat U my, soos Aron, geroep het om vir U te getuig en dat U 'n besondere plan vir my lewe het. Here, ek is gereed om U vandag te dien. Amen.
Bron: versndag.co.za