Om arm te wees is geen verskoning om nie te gee nie. In Deuteronomium 16:16-17 word alle mans beveel om drie keer ‘n jaar by ‘n plek saam te kom om God te aanbid. “Elkeen moet ‘n geskenk bring in die mate waarin die Here jou God jou voorspoedig gemaak het.”

In hierdie moeilike tye kan baie van ons eerlik sê dat ons swaarkry en nie baie kan doen nie. Dit is egter geen verskoning om niks te doen nie. Die wonderwerk toe Jesus vyf duisend mense gevoed het (Johannes 6:1-14) is moontlik gemaak deur ‘n seuntjie in die skare wat alles gegee het wat hy gehad het – vyf garsbrode en twee vissies. Hy het alles gegee wat hy gehad het en niemand kan meer as dit doen nie …

Gebed: Almagtige Vader, dankie vir die baie seëninge wat ons ontvang. Skenk aan ons die genade om ruimhartig te kan gee.Amen

Bron:  versndag.co.za

NGVishoek: Ds. ( dominee ) Martin Barnard.