Maak jouself op wanneer jy af voel

 

Dit is op hierdie dae wat ons vrouens gewoonlik ’n bietjie ekstra moeite met onsself doen. Jy trek daai gunsteling toppie aan — die een wat al die rolletjies so mooi verdoesel, en jy haal daai gunsteling paar skoene uit jou kas uit — die paar waarvoor jy so bietjie meer betaal het as wat jy moes. Jy sit tien of vyftien minute ekstra in wanneer jy jou hare doen, en wend jou grimering met toewyding voor die spieël aan — nie net vinnig in jou tru-spieël in die verkeer nie.

By ’n Sending Retraite het hierdie proses vir my nog ’n dimensie bygekry. Deur Mariel se woorde het ek ontdek dat die bietjie ekstra moeite met my gelaat nie net goed is vir my gemoed nie, maar ook ’n positiewe uitwerking kan hê op my gees en my verhouding met God.

Hier is ’n opsomming van Mariel se advies:

Wanneer jy jou horlosie aansit, vra dat God jou deur elke minuut van die dag biddend sal hou. Wanneer jy jou parfuum aansit, vra dat Hy Sy aangename geur deur jou sal versprei. Wanneer jy jou Lipstiffie aansit, vra die Gees om ’n wag voor jou mond te wees. Wanneer jy jou Eyeshadow aansit, vra God om jou geestelike oë te open om die behoeftes van ander te sien. Wanneer jy jou oorbelle aansit, herinner jouself om na God en ander te luister. Wanneer jy jou ring of hangertjie aansit, onthou dat dit ’n simbool is van gesag en herinner jouself dan daaraan dat jy goddelike gesag deur Christus het.

Bron: ekerk

NGVishoek: Ds. ( dominee ) Martin Barnard.