Die meeste selferkende verkragters is tussen 20 en 35 jaar oud.

Jewkes het op die forum van die seksuelegeweld-navorsingsinisiatief in Kaapstad gesê ondanks al die veranderings die afgelope 15 jaar om vroue te bemagtig in die regering, sakewêreld en onderwys, is daar geen bewyse dat geweld teen hulle daal nie. “Van April verlede jaar tot Maart vanjaar is 56 272 verkragtings aangemeld.”

Sy het gesê tot die helfte van die mans het aangedui hulle het geen berou oor hul dade nie en daar was ook geen nagevolge nie. Dit blyk ook ’n verkragter oortree nie net een keer nie, maar meermale.

Ander bevindings van die studie sluit in:

– 42% van die deelnemers het al ’n lewensmaat of eggenoot geslaan;
– 54% was skoolboelies;
– 40% is op skool geboelie;
– 7,7% het al meer as tien keer verkrag, en
– 16,4% het verkrag toe hulle tussen 10 en 14 jaar was

Bron:  http://afrikaans.news24.com/Suid-Afrika/Nuus/Ons-mag-verkrag-se-mans-20111014