Vrygewigheid

Paulus het geweet die evangelie se hartklop is opoffering en vrygewigheid. Hy het geweet Christus se ganse reddingsroete is een van weggee. Hy wat ryk was, het om ons onthalwe arm geword (2 KorintiĆ«rs 8:9). Jesus het Homself gestroop van sy hemelse glorie om ons te kom dien (Filippense 2:5-11). Ons wat Hom volg, leef daagliks op ‘n nuwe roete van opoffering en weggee. Vrygewigheid en opoffering is nou ons grootste vreugdes.

Dit kan ook nie anders nie, want die Heilige Gees plant die hart van Christus aanhoudend in ons binneste oor. Die Gees werk sy opstandingslewe daagliks in ons lewens uit. Ons kan of wil nie meer krampagtig aan ons besittings vasklou soos vele mense wat gevangenes van hierdie verbruikerskultuur van ons dag geword het nie. Ons lewens gebeur nou in pas met Christus. Dis hoekom ‘n paar armes vanaand warmer slaap omdat ons hard gewerk het sodat hulle vandag iets kon eet.

Dis hoekom een of twee mense vandag nie so eensaam soos gister is nie, want hulle het vandag met ons paaie gekruis! Ekerk

NGVishoek: Ds. ( dominee ) Martin Barnard.