Ek verkies om daarna te verwys as die grondvlak waarop dit staan. In Jesaja 7:10-13 het ons 'n duidelike gesprek tussen Jesaja en koning Agas waarin die Here vir Agas opdrag gee en aset ware uitdaag om 'n teken te vra wat die oorwinning oor die Aramers sou bevestig. God het dit immers belowe! Wanneer Agas nie die moed het om 'n teken te vra nie, gee die Here self aan hom 'n teken, in vers 14-16. Die teken is dat 'n jong vrou wat nog nooit gebaar het nie, haar eerste seuntjie sal h. Die profesie was dat Aram en Efraim vernietig sou word nog voordat hierdie seuntjie groot genoeg is om tussen goed en kwaad te onderskei. Wie presies hierdie seuntjie was, weet ons nie met sekerheid nie, maar dit was 'n werklike gewone seuntjie wat gebore is, groot geword het en gesterwe het. Voordat hy so vyf of ses was, het die Here die Aramers verslaan en is hierdie belofte vervul. As dit nie destyds gebeur het nie, het die Here mos deur Jesaja aan Agas 'n valse belofte gegee.
Vanuit die Nuwe Testament kom iets anders na vore. Matteus haal hierdie selfde teken aan as 'n profesie wat hy op Jesus se geboorte toepas. Dit is die dieper vlak van die oorspronklike profesie wat aan Agas gegee is. Matteus wys daarop dat 'n jongvrou wat nog nooit omgang met 'n man gehad het nie, 'n kind sal h. Die lewe wat in haar verwek word, is uit die Heilige Gees. Hy is ons Verlosser, Jesus die Seun van God.
Die vraag is nou hoe ons die Ou Testament moet sien en vertaal. Hierdie profesie is immers op 'n dieper vlak in Jesus vervul. Moet ons dit 'nt as 'n profesie oor Jesus sien? Of moet die profesie in Jesaja steeds sy oorspronklike historiese betekenis behou? Dit was tog 'n direkte belofte wat werklik in Agas se tyd vervul is. Indien ons die woorde wat na die seuntjie verwys, in Jesaja met hoofletters skryf, skakel ons 'f daardie seuntjie en belofte uit, 'f maak ons van hm een of ander Goddelike wese, wat tog nie kan nie.
Moet ons alle verwysings in die Ou Testament wat 'k na Jesus verwys, of profesie wat op 'n dieper vlak 'k in Jesus vervul word, met hoofletters skryf?
Wat sou jy doen as dit jou taak was om die nuwe Bybel te vertaal?
Bron: 'bybelkennis
NGVishoek: Ds. ( dominee ) Martin Barnard.