Dit beteken die Christendom is steeds die grootste wereldgeloof. (Islam, die naasgrootste, maak minder as 'n kwart van die wereldbevolking uit.)
Christene is egter veel wyer versprei as voorheen met die gevolg dat Europa, wat in 1910 die tuiste van twee derdes van die wereld se Christene was, nou net die tuiste van 26% van Christene is.
Die twee Amerikas het veel meer Christene as enige ander wereldstreek, terwyl die getal Christene in Afrika suid van die Sahara sedert 1910 sewevoudig toegeneem het van 9% tot 63% van die bevolking.
Die verslag lys van die eienaardige gevolge van di wereldwye verspreiding van die Christendom oor die afgelope eeu:
* Die getal Protestante in Suid-Afrika (36 550 000) is vandag veel meer as die Protestante in Duitsland (28 640 000) waar die Protestantse revolusie begin het.
* Brasili het twee keer soveel Katolieke as Itali, die tradisionele tuiste van die Rooms-Katolieke Kerk.
* Hoewel die Christendom in die Midde-Ooste begin het, is dit deesdae die streek met die kleinste hoeveelheid Christene (sowat 13 miljoen) en die laagste proporsie Christene (4% van die bevolking) van enige van die wereld se bewoonde gebiede.
* Die drie lande met die grootste Christelike bevolkings (die VSA, Mexiko en Brasili) is al drie in die Amerikas.
* Die hoeveelheid Europers wat hulself Christene noem, het die afgelope 100 jaar van 95% tot 76% gedaal.
Afrika suid van die Sahara is die streek waar die Christendom die afgelope eeu die vinnigste gegroei het.
Wat veral oor die suide van Afrika opvallend is, is hoe sterk die evangelistiese Christendom hier is.
(Evangelistiese Christene is volgens die verslag di wat 'n groot klem plaas op die ervaring van 'wedergeboorte, die gesag van die Bybel en gelowiges se plig om ongelowiges te bekeer.)
Afrika suid van die Sahara huisves 38% van die wereld se evangelistiese Christene in totaal meer as enige ander werelddeel.
Evangelistiese Christene vorm in di streek 13% van die bevolking.
Die volledige verslag kan gelees word by pewforum.org.
Bron:http://www.rapport.co.za/Wereld/Nuus/Christendom-nie-meer-n-Europese-geloof-20111231