Daar kom ‘n dag dat ons elkeen ons laaste asemteug sal uitblaas. Dan eindig alles. Of nie! Wat dan? Het jy al ooit hieroor nagedink? Of dink jy die lewe aan dié kant van die graf is ewigdurend? Wel, hier’s ‘n nuusflits: Op ‘n dag asem jy vir nog een laaste maal ‘n asemteug in, maar wanneer jy dit die slag uitgeblaas het, sal jy hierdie oefening nooit weer herhaal nie. Dan is dit, soos die tennis ouens sê, “Game, set and match” wat jou aardse lewe betref.

Jy het minstens vandag nog om jou lewe uit te sorteer. Of om Iemand te vra wat dit oneindig beter kan doen as jyself. Sy Naam is Christus. Hy maak vyande van God tot Sy vriende. Hy gee nuwe kanse. Gaan bedel genade op sy hemelse voorstoep. Dan gaan die hemele voor jou oop tot ‘n ewigheid ver anderkant die graf.