Sover ek weet en glo, het Jesus vir alle sondes gesterf en “betaal”. Dis afgehandel. Dit geld ook selfdood. Vergelyk Rom. 6:10. 

As ’n persoon wat gered is aan selfdood sterf, dan maak dit nie saak wat “in die laaste oomblikke” tussen hom en God gebeur het nie. 

As die persoon wat “uit die lewe stap” die gawe van die geloof uit genade soos in Ef. 2: 4-8 beskryf word ontvang het, dan stap daardie persoon die hemel in en is alle vorme van stigmatisering veroordelend eerder as vergewend. Daarvan moet ons wegkom.

Anders sou dit beteken dat iemand wat aan ander oorsake sterf, maar “in die laaste oomblikke” onafgehandelde sonde nie “regmaak” nie, ook verdoem is. 

Dis nie wat ons moet “regmaak” nie. Jesus het dit reeds gedoen.

Ons wat die genade van Ef.2: 4-8 ontvang het, kan in vrede sterf, ongeag die oorsaak daarvan.

Bron:  Beeld.co.za