God het aan ons almal ons eie spesiale gawes gegee, maar dit gaan gepaard met ‘n verantwoordelikheid. Die verantwoordelikheid om dit aan te wend tot eer en verheerlikheid van God se koningkryk. Of iemand jou genoegsaam bedank het daarvoor, is eintlik irrelevant.

Ek bid dat God vir my, in my lewe, op ‘n plek sal bring waar ek onvoorwaardelik sal gee / doen. Dit is ‘n voorreg om toegerus te word met ‘n gawe (of 2) en om dan deur God opgeroep te word om dit te gebruik. Ek bid dat hierdie voorreg vir my belangriker sal wees as al die dankies in die hele wêreld.